當你見到BB成日食手指...你就知道佢地係時候可以教BB食finger foods
finger foods可以係手指餅，面包，青瓜條，甘荀條...
只要係一d細細嘅，可以畀bb自己攞住嚟食嘅野就得
大部份嘅BB呢個時候都係無牙嘅~不過唔緊要㗎
佢地都係啜d野食多，唔會咬住㗎
所以唔洗怕佢地續親（但當然你都要睇住BB食啦！）
要Check返自己BB幾大，可以食到d咩先~
記住唔好怕BB污糟而唔畀BB自己學揸住食呀
佢地學習嘅過程先係最重要嘅~
污糟咗，最多咪洗多d野囉~無所謂㗎！
我記得影曦同靖翹７、個月前已經識自己用手揸住d小食食㗎啦~
遲d教下大家點訓練BB用匙食野啦！
靖翹十一個月己經識揸匙自己食，唔洗人餵㗎啦~你地要密切留意啦！
我個仔要差不多兩歲先肯自己攞住spoon食嘢, 都係嗰句, 老人家揍, 佢地怕煩怕整dirty就唔會比小朋友自己嚟, 結果一個二個有手有腳都係唔用ge!
ReplyDelete[版主回覆08/04/2010 23:49:00]兩歲都唔係好遲啫 見過有d細路６歲仲坐喺到要人餵-.-好似奉旨咁 畀工人湊都係㗎，佢地會怕污糟唔畀小朋友自己嚟，怕要洗多樣野！ 所以...請邊個湊都好，最好畀晒明確指令湊小朋友嘅人要點湊 咁大家都會好做d囉~
你好! 睇左你的blog，就真好好。我個囡依家成日食手指，等我試下俾d 小食俾佢。多謝你。
ReplyDelete[版主回覆08/04/2010 23:51:00]唔洗多謝^.^ 大家一齊分享下湊小朋友心得啫~ 得閒多d上嚟坐啦~
我都要快d比多d小食我個B啜下先得. 期待看你點訓練BB用匙食野. ^.^
ReplyDelete[版主回覆08/10/2010 06:51:00]好呀~ 我會繼續update㗎啦~
好同意呀唔應該怕污糟唔畀小朋友自己嚟食~~ 我朋友個女6歲, 因為佢唔肯食野...佢阿媽唯有成日都餵佢食, 真係睇到我眼火滾呀!!
ReplyDelete[版主回覆08/10/2010 06:53:00]佢地有佢地嘅一套教小朋友方法~ 或者你朋友鐘意餵小朋友嘅過程呢~
我個b3個月了下個月是否可以食手指餅? 你3個b是否都唔食奶咀?我個大女食奶咀的但細女就唔食其實由佢食手指大d是否好難介?同埋我覺得食手指驚污糟.
ReplyDelete[版主回覆08/10/2010 07:02:00]４個月都可以食BB餅（你搵下咩餅啱BB食啦~） 我三個都唔食奶咀㗎 大女同三女兩個都係啜手指公嘅，二女係完全唔啜嘅 唔算係太難戒嘅 我大女喺兩歲前戒咗一次 嗰時佢啜得勁，手指起咗濕疹 同佢講再啜會好痕，咁就即刻戒咗啦 但係幾個月後佢又食返 到三歲時又同佢講大個女唔好食手指 一路遊說佢就戒咗 我唔怕食手指污漕 而家周圍家周圍都係菌，想畀小朋友習慣喺多菌嘅環境生活 抵抗力會好D 只要得閒幫佢抺下手仔就ok 而家呢個時期嘅BB係用手同埋口嚟探索呢個世界 所以佢地用手攞到D咩都會放入口㗎~ 畀D放得入口嘅玩具佢玩就最啱啦！
3個月佢只係識拎毛巾入口, 係咪要4個月先識玩具入口?
ReplyDelete[版主回覆08/15/2010 22:25:00]呢樣野...答唔到你喎 個個BB都唔同嘅~
我個女成1歲啦, 仲係唔肯自己揸奶樽... 寧願唔食...
ReplyDelete[版主回覆04/08/2011 08:07:00]咁就真係試下放個奶樽係佢面前, 睇下佢會唔會攞嚟食!
(其實滿一歲可以戒奶,可以考慮下喎!)
我個女而家3個月, 呢排開始食手, 咁可唔可以比手指餅佢啜下？佢未識坐, 會唔會好易濁親？
ReplyDelete[版主回覆02/21/2012 21:29:58]都可以嘅。bb呢個時候都係啜融啲餅多，唔會點濁親~