舒韻而家對手比以前控制得好好多
成日都會自己攞住塊面包食（當然都係會成日跌返出嚟啦）
BB呢個時係都係啜野多
所以無牙咬唔到野唔係一個問題嚟㗎~
我比過士多啤梨
杏脯，今日仲畀過車厘子佢啜
佢都鐘意㗎~
個car seat我畀咗人啦
所以而家攞返張high chair出嚟畀舒韻坐住食啦
啱啱喺fb有個媽咪問我點樣可以同BB養成良好飲食習慣，唔洗追住小朋友餵
係到都同大家講返啦~
個人嚟講，BB櫈係絕對值得投資嘅野
怕BB櫈太多張，可以等BB識坐後，買張booster seat(連唔連埋餐枱，佢自己揀啦~我就鐘意有埋囉）
BB食野時，一定要喺BB櫈到餵佢
佢地習慣一食野就要坐喺highchair後，大個就會自自然然食野唔會周圍走，要坐定定食
同時做大人嘅，都唔好因為小朋友食得少而追住小朋友嚟餵﹣＞若果小朋友話飽要落地，咁佢地落咗地後就唔可以再食
咁就可以避免小朋友養成被追住嚟餵嘅壞習慣
佢地習慣一食野就要坐喺highchair後，大個就會自自然然食野唔會周圍走，要坐定定食
同時做大人嘅，都唔好因為小朋友食得少而追住小朋友嚟餵﹣＞若果小朋友話飽要落地，咁佢地落咗地後就唔可以再食
咁就可以避免小朋友養成被追住嚟餵嘅壞習慣
睇下~靖翹而家都成日主動話要餵妹妹呢！
自己揍就係有呢個好處, 係困身d但好多嘢都可以喺BB仲係白紙時就教佢正確ge做法, 唔洗等大咗啦先嚟同佢改!
ReplyDelete[版主回覆08/04/2010 23:46:00]係㗎~ 大個改嘅話會改到，不過真係難d囉！
thanks for sharing, very good!!!
ReplyDelete[版主回覆08/10/2010 06:49:00]唔洗多謝~
各位,
ReplyDelete想請教吓你哋,我個女七個月大了,依家食奶最多果餐都係食得三,四 oz, 有時仲食一兩 oz 就唔食了, 依家都係得 13-14 磅, 請問有無辨法可以令佢食多啲开胃啲呢?
[版主回覆04/16/2011 07:39:00]7個月嘅BB可以食多種唔同嘅固體食物.BB會愈大愈食得少奶.我D 女七個月左右食三餐奶, 我唔知佢地食幾多㗎, 因為我埋身餵.好多時BB啜兩啜就唔食,我諗仲食得少過你囡囡
你唔洗擔心㗎~只要BB有食下就食,食得多少都唔係問題. 有時我地大人都會無胃口食野啦,何況係BB呢~唔好同數字玩遊戲,下下計住會好辛苦㗎~ 你平日可以畀乳酪, 奶粉+CEREAL, 用奶粉煮芝士通心粉之類嘅野畀佢食,多款D,BB又會有興趣食D. 喺平日嘅飲食加入奶粉嚟煮,咁BB就可以不知不覺食咗奶都唔知~
你BB咁易飽, 我諗小食多餐會啱佢D~試下喺奶與奶之間畀D生果咁嘅野佢食啦~
體重唔係問題,唔好太在意. BB無輕咗, 健康就夠㗎啦~(我大女都係輕嗰堆嚟㗎!)
你要加油呀~:)