同老公一齊去做Christmas Shopping

我咁大個女都未試過喺玩具鋪買咁多野呀！

我係好忍得手唔買嗰種

我老公係乜都買...
不過佢話佢細個聖旦無咩"驚喜"
成日都收唔到佢想要嘅聖旦禮物
所以佢想兩個女每年都會有"快樂聖旦"喎

呢堆禮物內包括咗：

影曦生日禮物from我地
影曦生日禮物from靖翹
影曦聖旦禮物from我地
靖翹聖旦禮物from我地
影曦聖旦禮物from靖翹
靖翹聖旦禮物from影曦
影曦聖旦禮物from聖旦老人
靖翹聖旦禮物from聖旦老人
仲有一堆小禮物for stocking!

喺uk嘅親友都有寄聖旦同生日禮物嚟

我知兩個女都好想拆~不過佢地都好乖好聽話

次次收到parcel都放喺聖旦樹下，佢地都知要等到聖旦先拆^.^

影曦同靖翹嘅聖旦禮物＋影曦嘅生日禮物
我地仲訂咗架單車，仲未攞呀

絕對係uk嘅傳統...聖旦一定要送禮物

老公話錢唔係重要

最重要係令佢地對聖旦有期待，有驚喜，呢d係用錢都買唔到嘅

到到佢地大咗，都未必會因為聖旦而興奮

所以要趁佢地細時，做多d驚喜畀佢地！