我完全覺得唔辛苦
香港人太依賴工人
如果跟本無工人嘅存在，我相信好多人都會handle到！
只要時間分配得好，仲可以做好多野
做埋part time,有私人時間添
只要相信自己做到就得㗎啦！
做埋part time,有私人時間添
只要相信自己做到就得㗎啦！
仲有唔好下下呻辛苦
只要捱過咗，慣咗，就會慢慢享受到個中樂趣
而且做全職媽媽，有正面嘅心態好重要
下下因為覺得小朋友困身，覺得自己被困喺屋企
咁會好影响小朋友！
小朋友大部份都時間都係對住亞媽
如果媽咪成日自怨自艾嘅話，小朋友都會學咗㗎！
反而如果樂觀d，放鬆d，大家有個好d嘅關係
小朋友嘅行為都無咁難控制
我成日都會同兩個女出街
我見d人成日都唔敢一個帶兩個出街
點解呢？
佢地怕handle唔到
我覺得只要你有信心能夠帶兩個小朋友出街，試咗一次，過咗第一關就會好易！
唔係話自己特別叻，我覺得只係一種生活
係睇下你抱住咩心態去過呢d生活啫！
我前排成日都睇Jon & Kate plus 8（可惜己經離異-.-）
一個人湊雙胞胎+六胞胎
佢都可以handle到
仲會帶佢地周圍佢
佢一個湊八個都得，我都係一個湊兩個啫~有幾難？
記得Kate講過，佢想自己嘅小朋友有normal life
所以佢會盡力去令佢嘅小朋友過住好似普通只有一兩個小朋友家庭嘅生活
平常嘅家庭成日都會帶小朋友周圍去見識，所以即使佢地有８個，都會周圍同佢地去旅行，去theme parks，參觀唔同嘅factories咁
佢地inspire咗我好多
令我好有動力去同兩個女做好多唔同嘅野
我要我嘅小朋友就算喺屋企都會學到唔同嘅野
出街會見識多d野，出去結識多d朋友充實生活
我想佢地有個好充實嘅童年！
佢地所學，所見識嘅野，佢地都會終生受用嘅！
所以我更加唔可以懶
努力享受做個全職媽媽！
離異咩意思呀?佢地分開左呀??! 我之前都有睇佢地架~kate話佢同老公一日飲成十杯coffee 系辛苦~不過我見佢地好幸福,同埋都會搵機會單對單同一個小朋友出去" 仲有呀~有d家庭生13個添拉! 人地都系咁揍拉~只要時間安排得好~ 我覺得沒有事是不可能 "
ReplyDelete[版主回覆12/23/2009 23:46:00]係呀...６月己經離咗婚啦！ d８卦雜誌前排期期都係佢地做封面呢！ The Duggar family生咗１9個添啦... http://en.wikipedia.org/wiki/18_Kids_and_Counting 十幾個嗰d又誇咗d嘅... 佢地的確安排d時間同工作好好 但係...我自己覺得佢地好似將教小朋友嘅責任畀咗佢地較大嘅小朋友-.- 而且home schooling，出面無咩朋友...都幾慘！
系呀 離左婚...好可惜呀!之前睇佢節目都有播佢地結婚同埋求婚d片同相,覺得好sweet"點解會咁架 " 系呀~好多時都系俾d大既去照顧, 最搞笑系大哥哥大姐姐話:我好似未見過mami冇大肚既樣 " 冇朋友~但系兄弟姐妹感情都幾好呀
ReplyDelete[版主回覆12/24/2009 01:07:00]係囉...我都覺得好可惜 聽我老公講 其實佢地一早己經有問題分房瞓 好多人都估...佢地係為咗keep住個節目先至會繼續拍 ４月時jon畀人拍到佢同個女仔開房嘛... kate就畀人傳同個保標有路... 而家佢兩個唔可以stand each other being in the same room interview講分開時佢地都要分開６ 個節目仲改咗名叫Kate plus 8添
哇~未一個揍幾個囉?!kate仲做緊節目呀?! 諗返佢地節目中都會兩個人去食下晚餐~點會諗到分左房 另外仙子蛋糕好得意呀~哈哈"
ReplyDelete[版主回覆12/25/2009 03:06:00]Kate都慣一個湊８個㗎啦 而且佢地都大個啦，會易湊d嘅 不過前排８卦雜誌影到其中幾個細路喺屋企後花園又用捧球棍打人之類嘅野...Jon就係賭城賭錢... 好好地一個家變成咁好可惜呀！ Kate當然要繼續做節目啦 個節目咁受歡迎，而且係佢地屋企主要收入來源喎！ 唔做都唔知喺邊到搵錢養家！
我覺得你ge諗法真係好啱! 我暫時都係得一個, 咁我係在職媽, 好少會對住個仔24小時, 上兩個星期老公出咗trip, 我先知我一樣可以同個仔撘巴士去個fd屋企玩, 原來我都handle到! 因為一向都係同埋我老公我先會出街, 試咗第一次, 即刻覺得原來都唔係咁難啫!
ReplyDelete唉...我簡真係jon&kate ge super fans, 試過send email比佢地添架, 但都冇覆過! 前排睇第5輯話佢地離婚喎, 真係down down地架, 咁難得轉咗個又新又舒適ge環境, 但竟然咁收場, 覺得好可惜!
[版主回覆12/25/2009 03:09:00]我以前出街都會帶bb車同兩個女出 我都考慮咗好耐我先試同佢兩個出街唔帶bb車 初初佢地都成日話攰要我抱 而家佢地行多咗唔記得有bb車存在啦！ 所以而家同佢地出街方便好多 係囉，我都覺，試咗一次，有咗信心，就會有更大信心去試其他野 真係唔好一開始就諗住自己做唔到 有心，乜都做到！ 大家都要加油呀！
我覺得你講得都好岩架, 我同你一樣, 都係一個湊二個, 都係冇工人, 我都係覺得最重要安排好時間, 而且只係開頭唔習慣, 當習慣左就冇問題, 我都好享受而家既生活~~大家一齊努力呀~~
ReplyDelete[版主回覆12/25/2009 03:11:00]我都好享受而家嘅生活~好鐘意可以同兩個女咁close 喺而家hk咁嘅社會環境，可以同小朋友有咁親密嘅關係，真係好難得！ 係㗎~我地大家都要努力呀！！！要畀小朋友有個快樂童年！！！
I also take care of 2 childs by myself. I feel tired but I enjoy to be with them. But sometimes I will have a bad temper when I getting very tired. (What you will do if you were me?)
ReplyDelete[版主回覆12/25/2009 03:21:00]攰，有少少脾氣係理所當然 但都盡量唔好喺小朋友面前表露，以免佢地學咗我地d衰野 我有時都會發脾４ 發咗先知...斃啦... 有時發前我己經呢咗入房先，深下呼吸諗清楚，畀自己冷靜下先，之後先出返嚟同小朋友講野 有時發咗脾氣，叫咗出嚟-.-都會當面同返小朋友道歉，媽咪唔應該發脾氣，呢d係唔好嘅表現，叫佢千其唔係學！ 之後又要解釋返點解你會發佢脾氣，佢有咩做錯咗，叫佢都唔好再做，再叫佢同你道歉 大人學識同小朋友道歉好重要，等佢地唔好覺得開口道欺係一件難事！ 最後就大家kiss & cuddle和解~
Merry christmas & Happy New year!!!
ReplyDelete[版主回覆12/25/2009 03:21:00]thank you, to you too!!!
Merry X'mas and Happy New Year
ReplyDelete[版主回覆12/25/2009 03:28:00]我都祝你聖旦同新年快樂呀！！！
我係湊一個15個月大仔仔既全職媽媽， 平日要煮野佢食，要清潔、要洗衫、然後要下午俾2個鐘佢訓， 已經無咩時間可以落街喇~ 所以好佩服你~ 我就係成日安排唔到自己做野既時間， 成日喺屋企行左行右攞完呢樣又攞另一樣， 每日都好似好多樣野要做或想做，加上仔仔好多時會企喺廚房等我出黎， 個心就更急，一急做既野就亂晒， 唔知做邊樣先好，最後就樣樣都做唔到~
ReplyDelete[版主回覆12/26/2009 02:00:00]真係唔好睇少全職媽媽﹣multi-tasking skills少d都唔得！ 我同你都幾似，我都成日想做d野，之後又畀第二d野阻一阻...轉頭又唔記得！ 所以有時...尤其是多野做時，我要寫低提住自己先得㗎！ 好多時我都係同時間做幾樣野 每樣做少少...但最後都係會做晒嘅 我成日都畀我老公話我唔專心，最好就係做完一樣到一樣 其實我都想㗎...不過我嘅性格係咁...要同時間做幾樣野先安樂-.- 你不如定個時間係同仔仔玩㗎 如果你要煮野 可以叫佢自己玩１５分鐘，跟住你就出嚟join佢 咁你可以專心做你嘅野 佢又唔洗企係廚房等你 又或者可以畀佢入廚房"幫你" 我大女好細個就入廚房"幫我" 我炒野時我一手抱住佢，佢會提我要落油，蒜，鹽呀咁 又會指到d野話畀我知喺邊 咗大個d就畀佢幫我洗野（其實喺昇盤玩水！） 洗下菜，洗下米 咁你又見到佢，又唔怕佢自己喺廳囉 當然要教識佢有咩係唔掂得㗎啦 好似刀呀較剪，爐頭... 我兩個女未夠兩歲我都畀佢地揸刀 d刀係BB刀（bb餐具，一d都唔利）,畀佢地切下菇之類淋嘅野 佢地唔知幾鐘意呢！ 到見到佢地揸刀有返咁上下，就可以畀佢地用頓少少嘅生果刀 當然要睇住佢地用啦！ 我覺得刀呢d野係危險，但睇住佢地用，同埋叫佢地自己一個時唔可以攞嚟玩，咁都ok嘅 學識用刀都係一種基本嘅生活技能嚟㗎嘛！
Thanks for your suggestion. 但都盡量唔好喺小朋友面前表露，以免佢地學咗我地d衰野------I think he already learn from me la. :( :( When he has bad mood, he will throw away toys. ---My older son is 2.5 yrs old and the youngest son is 7 months. :( ((Of course, I never throw things away when I have bad mood)).
ReplyDeleteI feel tired, it is because I really be with them 24 hours every day.. My husband will not help me. He work night shift. Day time he just sleep...
You're a good ma ma. I feel you have so much energy. Like you don't need to take nap even you're pregnant now. If I did not take a nap, I will be so tired at night and still have to play with my older son......
[版主回覆12/26/2009 02:19:00]如果小朋友掉野，可以試下呢個方法 http://hk.myblog.yahoo.com/yenniedarkins/article?new=1&mid=552 身教都好緊要 就算你仔仔而家學咗你，你而家都可以有機會時同佢解釋返你之前嘅處理態度唔啱，希望佢唔好學 當然你自己都要盡量控制下自己嘅情緒啦！ 我個女有時會喊住話要某d野 我都會同佢講"Crying doesn't help you to get anything. Look at me. Stop and talk to me." 跟住佢就會收聲同我講佢要咩 而呢個情況都少咗出現。 好多時呢d事唔可以一下改變，都係要慢慢嚟 我都仲未完全控制到佢地，我地都要努力呀！ 我老公日頭返工，最早都要５點返到屋企，但係兩個女７點就瞓啦 佢仲要一個星期至少有三晚放工後要出街 所以大部份時間都係我一個湊兩個，都唔會旨意佢幫手㗎啦！ （家務？更加唔洗講啦！） 我都會攰㗎 好彩兩個女都生性 平日朝早送完大女返學，如果我攰就會返屋企開陣電視畀細女睇，我就瞓下梳化，佢想要咩就會叫醒我攞畀佢 放學後食完飯細女瞓晏覺 大女就會自己做功課，我就扒喺張枱或瞓下梳化 佢做完就自己玩 其實我都知我唔應該咁，但有時攰都要义下電... 好在我兩個女都早瞓，所以有好多時間做下家務 好似今日咁，因晚我尋晚同fd出街，成３點先返到屋企 我今日７點放完兩個女瞓，我都上埋床lu 到１１點幾先起身再做下家務！ 我唔係超人-.-我都要休息㗎！
hi,我都好享受同BB係屋企既生活架 不過只要我1離開我BB既視線範圍20秒甘上下佢就會大喊特喊 我D時間都分配得好差事關我BB冇1個正常既訓教時間 佢中2訓就訓我完全都唔知佢幾時會訓 有時估到佢訓,但係佢又會掛住玩唔肯訓 我BB而家10個半月 thanks
ReplyDelete[版主回覆12/27/2009 01:30:00]如果你離開bb嘅視線佢就會喊...可能你就要離開佢多d畀佢習慣下啦 可以試下開電視畀佢睇一陣，然後靜靜行開，分散佢對你嘅注意力 我諗慢慢你就可以試下喺佢面前行開一陣，希望佢會習慣自己一個玩 瞓覺方面你就要強硬d咁定個時間表畀佢啦！ 佢掛住玩，唔肯瞓都由得佢 喺床到瞓低玩都係一種休息（半個鐘都好） 最好就係畀佢習慣下每日都係嗰個時間上床（晏覺+夜晚） 你幫佢較返好個生理時鐘佢 到佢慣咗每日都係嗰個時間上床，咁佢每日嗰時間佢就會攰就自然會瞓 記住你係佢媽咪，你係boss，BB做d咩係由你話事~ 你要佢瞓，佢就要瞓~! 加油呀！希望遲d會收到你嘅回覆，bb會瞓好d啦！
I cannot see the link you give me ah. Thanks for your reply. You're so good. :) I put my older son to bed 9pm at night. But he will jump on his bed...etc till about 10:30p then he fall to sleep. Most of the time, he is a good boy. But I think I did not play with him enough and don't have much activities for him. He seem boring staying at home.
ReplyDelete[版主回覆12/28/2009 01:03:00]咁你喺網誌分類到搵"教仔教女"﹣＞小朋友唔聽話嘅話 你囝囝９點都幾好呀~ 你覺得自己同佢玩得唔多...咁你咪試下安排下同佢喺屋企玩多d囉 得閒又帶佢出去玩下 我以前都好少帶大女出街 但係喺屋企太悶 所以我覺得要改變 做全職媽媽係咁㗎啦，唔好覺得自己做得唔夠 你己經做得好好 要handle咁多野唔係易事！ 你都要放鬆d，做覺得啱你做嘅事！ 小朋友其實留喺屋企自己玩都可以好開心，好滿足！
我諗如果我有時清下地下既危險品， 我會俾佢入黎廚房行下企下， 我見佢喺門口等我， 我就會好心急快d出去陪佢架喇~ 我都鍾意仔仔幫我同我一齊做家務， 宜家多數做既係晾衫囉~
ReplyDelete[版主回覆12/28/2009 14:06:00]係囉~有小朋友分擔下家務 都會做少d㗎hehe
I live in U.S. It is a winter now. So, We just stay home all the time. Don't know what kind the activities that we can do.
ReplyDelete[版主回覆12/28/2009 14:21:00]我以前住英國，冬天又係好凍，足不出戶 所以又係成日留喺屋企 有時都會同兩個女出公園行下嘅 不過好快就返屋企 行一陣都好嘛！ 你可以試下同小朋友整下曲奇，蛋糕 可以出去花園執枯葉／摘花返屋企整幅畫（畀glue佢用貼喺紙到~） 玩字咭 攞d大嘅紙皮箱整架車（可以整幾日添喎！） 仲有好多野可以做㗎 你可以睇下網誌分類﹣＞喺屋企做咩？ 我都記低咗好多我同兩個女喺屋企做嘅野 希望畀到d ideas你啦！
咁...如果你要和朋友出街, 係咪一定帶埋佢地出去？
ReplyDelete[版主回覆12/28/2009 16:09:00]我朋友都知我習慣 平日嘅話會帶埋兩個女出，只可以出晏晝，唔可以太夜，３，４點就要走 一係就夜晚放完兩個女瞓覺我先出 我兩個女早瞓嘛 所以成日都可以同朋友出街食飯^.^
你講得好好..最緊要自己心態正面, 就唔會覺得辛苦. 我做左全職媽咪就黎一年. 日日湊住個女都唔覺得悶. 仲有時間織下野. 不過係而家陀住第二個, 身體+精神唔夠先會覺得好攰. 希望生完呀妹d 時間可以分配得好d, 繼續 enjoy being a FTM!!
ReplyDelete[版主回覆12/29/2009 00:12:00]我記得啱啱有咗時成日都好攰 但係而家又無乜野囉喎 同未有之前都無咩分別，只係個肚大咗啫~ 大家一齊努力啦^.^
thanks again. I will think more positive. On this past few days, I spend more time to play with my older son. He seem so happy. We both enjoy the play time. Thank you ah. :)
ReplyDelete[版主回覆12/29/2009 21:48:00]唔洗講多謝啦！ 大家都係傾下計啫 而家咪好囉^.^ 我送咗大女返學後，我都好享受同細女獨處嘅時間 佢好唔同架 會變得好嗲，好sweet 妹妹就嚟出世啦 可以同靖翹獨處嘅時間愈嚟愈少 我都要好好珍惜呀！
我都想唔返工, 但自己湊的話, 就唔會請工人, 咁我和老公就唔可以好似依家咁自由地抽時間晚上去打波、睇戲和食飯, 會無咗兩公婆私人時間？好難取捨
ReplyDelete[版主回覆12/30/2009 00:27:00]咁就要你自己取捨啦 我同我老公會輪流出街 梗會有個喺屋企 由其係我，次次都係放咗兩個女瞓先出 有時去飲咁嘅，就６點幾出去，我老公放兩個女瞓囉 想要兩個人出街 就會叫我姑９／妹／媽嚟我屋企 我地放咗佢地瞓後我同老公先出去行街睇戲食飯 就算平日兩個女瞓咗，我同我老公都己經有c人時間 唔需要出街先可以二人世界嘅
哈哈...我鍾意你開朗和豪爽性格. HAPPY NEW YEAR!!!!
ReplyDelete[版主回覆01/03/2010 23:05:00]新年快樂呀^.^ 做人樂觀d，個人都會開心d㗎~ 我以前都好悲觀㗎...成日喊...但真係覺得喊+成日因少少野唔開心唔會幫到我d咩 所以咪改改自己性格囉...
知道咗 jon & kate 離左婚...我都覺得好可惜!!! 我都係佢地的fans! 現在才知道我真係有"D" OUT!
ReplyDelete另外SUPERNANNY 都好睇,我成日偷師!!!
但是近日好少睇TV ,因為我都係個無工人;無媽媽;無奶奶可幫手嘅全職 2 BB媽媽,我就差DD-成日發小朋友皮氣,我大女下個月6歲,淘氣仔仔下個月3歲! 我間屋日日打完仗咁!我老公成日話我地太多垃圾(DIY STUFFS; 玩具 ,STORY BOOK)!我就常常解釋因為間屋太細(450呎) 所以唔夠STORAGE ONLY! 我和囡囡又好鍾意DIY!
你坐完月再談過!!! BEST WISHES!!!
[版主回覆01/31/2010 00:03:00]我屋企大部份時間都係亂㗎hehe 無所謂啦~咁先似返個屋企嘛！ 我屋企都好多DIY野㗎 不過有時同亞女整完d野放一排就會掉 影咗相，留個念就算 如果唔係...真係成屋都係野呢！ 我有次同個女整咗個城堡，都幾大份 放咗一個月就掉咗lu 個幾星期後，亞女問起個城堡喺邊，我咪答佢我掉咗 佢又無唔開心㗎~因為我話，咁我地先可以整個更好㗎嘛！
我都覺得香港人太依賴傭人，有就會盡『洗』，現在還興埋『陪月』，出街帶工人就盡量show off突顯主人的祟高地位！ 我現在只有一個仔，看完你寫的話都激勵起我要努力湊b，真是不難喔！ Merry X'mas and Happy New Year!
ReplyDelete[版主回覆01/17/2011 07:17:00]係囉!我除咗覺得香港人依賴工人外,仲覺得佢地好刻薄...又鐘意數自己工人幾唔好...成日見到d 人圍埋一堆巾數自己工人幾唔掂...真係好無品!勁睇唔過眼...我自己湊d女,明白有時都想有少少透氣時間...奈何好多"主人"要求高(人工又唔見得高喎),洗到人盡晒...有d人仲裝埋webcam睇實個工人有無偷懶...佢地全無c隱!有d工人反抗個主人就喺網上狂數佢...你試下返工畀老闆裝webcam 睇住你睇下你gur唔gur?!有時我都好同情d工人架!
唔好意思...純粹發洩!
預祝你一家農曆新年快樂呀!
你講得很對很精警！香港很多人都是對傭人這樣.....
ReplyDelete[版主回覆01/22/2011 07:11:00]如果佢地明白"人人平等"嘅真正意義就好囉!