去圖書館

今日同咗佢地去圖書館

佢兩個喺車到己經猛咁睇書

可惜去到圖書館，畀個極盡責嘅管理員猛咁shu靖翹（shu一次咪夠囉！點解要shu咁多次呢？）

我心諗...你追住個歲半嘅小朋友shu...咪攪到佢更興奮，更嘈！

如果佢真係可以shu個歲半嘅小朋友而令佢靜嘅...我頒個獎畀佢！

我最後坐低同靖翹睇書，佢又走過嚟叫我小心走光！

乜料呀？？？走乜鬼光呀？

我只係背部露咗一吋左右嘅肉出嚟，連底底都無露出嚟呀！

我真係發咗癲咁同佢講...我諗呢d野我識㗎啦，我無走光呀

最後因為呢個人，我喺圖書館留咗１０分鐘都無就走咗！！！

我以後都唔會去逸東個圖書館...從來都未見過咁煩嘅人

下次我會去青衣！！！

講真我覺得培養小朋友去圖書館好緊要

我地大人唔可以教佢地教足一世

培養佢地睇書嘅習慣，等佢地學識終生學習！

我知圖書館理員都係盡責啫...

望就望第時嘅圖書館會隔開一間房利係畀小朋友睇書，等佢地嘈少少都唔緊要，唔會嘈住d大人啦...唉！