什菜薯蓉波波

今日好懶，我住整薯蓉
我又費事另外整veg，我就整咗呢個什菜薯蓉波波~
我用咗美國焗薯
我連皮都無批（皮都有益㗎）
攞去“烚”，到啲薯仔就淋晒時就加入冷藏嘅veg
熟晒後就倒晒啲水出嚟，加入牛油同芝士（optional)
用個壓薯蓉器壓爛嘅薯蓉
之後我就攞出秘密武器  ﹣ 吉G島買嘅球型壓壽司器！
壓出個個一樣大細嘅波波（當然你用手都得，但因為啲薯薯都幾熱...較難用手握）
灑上碎芝士~就攪掂！
*下次放埋入焗爐焗到啲芝士脆卜卜仲正~

T-恤收納法

上星期有個媽咪同我"笙"，話佢小朋友啲衫多
小朋友換衫，一拉一件衫，就成楝衫拉晒出嚟！
（佢啲衫係接完一件件咁疊起）
於是我就同佢分享咗我嘅摺衫方法...
就係捲起佢！
我衣櫃都幾深，我就喺生活提案買咗呢種膠架
長袖短袖上下咁分類
啲衫捲起，一目了然，一睇就會睇到自己想搵嘅衫
而且拉出嚟唔會影響到其他衫，唔會咁易亂！
我仲分埋色咁排，易搵好多！
呢位媽媽係咁多謝我
仲即刻走咗去買呢啲架lol

我去旅行時執行李pack衫時都係咁樣執啲衫，慳位好多㗎！

件衫就係咁摺...
（唔好意思，皺咗啲@@）

捲嘅時候最好就手緊啲，咁捲先會靚㗎

捲完之後就係咁

攪掂

DIY FARIY WINGS 仙子翼

影曦要參加比賽~靖翹有條藍色仙子裙，就借了她的條藍色裙一用
但要搵對漂亮的藍色仙子翼不易
所以我就決定造一對給她...
材料都可在家中找到的...
（白色絲襪除外！）



材料：
衣架4個
電線膠布
白色絲襪（我用大人的，一對就夠）
顏料（最好用繪布色，會較易上色）
膠花
(optional)
閃粉
閃石...

先係繞好翼的形狀（不容易...因為這種衣架頗硬，建議用只係鐵線那種。或用有膠包住的鐵線）
套入絲襪，用電線膠布紥住

我試了色...這幾種顏色配搭不錯！



上色
在吉之島十二蚊店買了右下角的藍色、紫色有閃粉的acrylic（好稀，幾難上色）
相反，我用了the paint box的3D paint, 較易上色，顏色較突出，而且有閃粉！

想整靚靚的漸變色，就要用水彩的wet on wet 技巧
我先用噴水壼噴濕對翼
顏料加了少少水溝稀
由外到內咁油上去
紫﹣＞藍﹣＞綠﹣＞黃
就會做到漸變效果


油好紫色同藍色


上好色後（兩邊都要）
我掃咗了白膠漿在紫色邊緣
灑上藍色閃粉
再用the paint box的閃片凸漿畫上暗花


然後我再用電線膠布把4隻翼的中間繞實
最後加在翼加上閃石
在中間加上膠花蓋著中間位置
加上絲帶（用來戴上仙子翼）
這就完成了！！！
不要小看這些工序
要造一對實不難，但很費時（和神！）
這對翼是我在颱風韋森特襲港，颱風訊號由8號變9號再變十號...然後變回號時製作的！
希望女兒們都會喜歡！

十後風球後...感

十三年嚟第一個十號風球...韋森特
一個風球，死咗幾多棵樹...：（
佩服各位敬業樂業，仍要在十號風球下緊守岡位的人
港鐵員工、据樹組、清道夫、新聞報道員、天文台員工...
我一家能夠喺十號風球下喺屋企安坐家中，十分感恩！
我不覺得天文台員工突然改掛九號、十號風有咩唔妥
天文台喺下午時份已經講明會喺傍晚改掛8號風
市民有足夠時間趕返屋企
十一點幾十二點先搭港鐵返屋企嘅人...除非佢地都係有工作在身先咁遲返屋企，否則我覺得喺半夜你返唔到屋企唔應該責怪港鐵各員工
佢地都係冒住生命危險送大家返屋企
要大家瞓車站，相信大家都唔想。最緊要大家都安全！！！
最後可以平安返家！！！
（懇請鄭家富議員對自己的一番言論負責、出來對公眾道歉）
天文台亦一早講明會喺十點左右改掛三號
大家又再有足夠時間趕返工（就算係遲到...相信老闆都會理解嘅！）
有時真係覺得...香港太多戾氣...希望香港人多點體諒、多點關懷、多點讚賞，令香港變成一個更溫暖熱情嘅家！

*十號風後...我地一家出去行咗個轉
我屋企附近變成咁！
軍人墳場旁一幅護土牆倒塌
好似打完扙咁！

連塌三樹

沙灘變成咁...

我upload咗更多圖片喺facebook
大家得閒去睇下啦>.<真係幾震撼！https://www.facebook.com/media/set/?set=a.10151137297959319.507076.654084318&type=1&l=5a0e15e6a5

Fiona&#39;s Prince 童話王國小王子小公主選拔大賽

影曦早前參加了Fiona's Prince 童話王國小王子小公主選拔大賽
（25/7）
入咗決賽:)

7/7
去咗初賽面試
之後知道佢入咗圍
15/7
同佢去咗“model 特訓”同排舞

返到屋企，影曦有時無啦啦都會擺pose@@

25/7決賽日
影曦換好衫：）
今次我專登柾咗對fairy wings畀佢
又手造咗好多花（條belt!)
加咗少少膠花
同埋喺佢手、腳畫咗啲flower chains
趁返佢花仙子嘅造型





綵排中



set 埋個頭就攪掂！
（不過我prefer 佢頭髮放落嚟...）
佢個頭飾係我用一條頸鍊改成㗎



一出場先跳part出場舞（但我無影相:P)

之後跟Jessica C行catwalk
我有好幾個朋友都話影曦同Jessica C有啲似樣呢lol




自己行catwalk 



最後影曦雖然無攞咩獎
但係喺遊戲部份畀我地驘咗！
(無美貌，咁唯有靠智慧lol）
比賽係砌砌圖！
我喺觀眾席坐，舒韻坐我大脾
靖翹走咗去攞氣球
我就畀工作人員叫咗上台~
嗰時佢話我手抱舒韻，砌唔到喎，叫我落返台
我話我砌到㗎啦...
哈哈哈！佢梗係唔知舒韻鐘意砌砌圖啦！
上到台到，我由中間砌起，影曦就砌左下角...
砌砌下就砌完lol
驘咗個袋返嚟！



恭喜晒驘咗嘅呂晴同Elano-實至名歸！

活動完咗之後影曦居然話...可唔可以再行一次！
傻妹！估唔到佢咁鐘意喎

佢上台都好淡定：）好叻女！
we are very proud of you xxx

Q嘜親子廚神大募集 齊齊體驗親子入廚樂

我喺網上見到呢個比賽
好啱我地呢啲成日煮野食嘅媽咪同小朋友參加!
可惜我5／8有已經約咗人T.T
而家推介畀大家參加~
仲有幾日咋！快啲參加啦！！！

小朋友最期待的暑假終於來了﹗想趁這悠長的假期跟孩子增進親子關係，那你就絕不能錯過新一輪的Q嘜活動！

由香港工業總會轄下的香港優質標誌局主辨的「Q嘜親子廚神大賽」已經正式展開，由即日起至7月31日接受報名，歡迎所有家長與4歲至8歲的小朋友組隊參賽。參賽者只需遞交一張「親子美食照」，並於Facebook內與好友分享，即有機會出席於銅鑼灣煤氣烹飪中心舉辦，由美女廚神Kit Mak麥潔儀親自教授的「Q嘜親子甜品烹飪班」，亦有機會入圍於8月18日在「美食博覽」中進行的「Q嘜親子廚神大賽」決賽，及贏取豐富獎品。獎品包括：APOLLO大力剪–豪華版、「美食博覽」入場劵、建樂士VIENTI高級不銹鋼廚具套裝、KONSTAR蘋果削皮器、丹桂軒高級食府餐飲消費咭、李錦記舊庄特級蠔油及美心冰皮仲夏水果禮券。

詳情可瀏覽 http://www.redasia.com.hk/qmarkchef/
或Q嘜Facebook專頁https://www.facebook.com/qmarkhongkong。

我看李紫昕

上星期因為一幅李紫昕喺頭條日報嘅家訪，觸發起連場風波！

詳細嘅時序，請去呢到睇下

今日我想客觀咁分析整件事
廁所睡房呢個己經係鐵一般嘅事實，微博自揭謊話更是低能
虚報自己年齡又係太傻！！！網上咁多網民，求其都搵到以前同佢同小學、中學、大學嘅同學啦！
年齡又唔係咩要慚愧嘅野，幾廿歲人咪認咗佢囉
好啦，佢有自己facebook fans page,好明顯係其他人同佢開嘅
我相信分身術真係誤會
但係要開fans page嘅妹妹仔獨力對抗幾百個網民同過份嘅留言，佢係咪應該出句聲，叫fans唔好對鬧呢？？？
佢要知道，公眾人物有教育市民嘅責任
必需要行得正、企得正，有錯嘅話就要認
佢從來無出嚟認錯，就係最錯嘅舉動！
要記住，自己一路做得幾好，無人會記得，但係一做錯嘅，有千千萬萬嘅人都會記住！！！
我相信，工人房嘅設計未必係佢主意，因為嗰間係佢父母嘅樓
但個問題就係，佢做女嘅，都有責任話畀父母聽，廁所睡房係一個不能接受嘅主意！！！

歸根究底，係佢想弦耀一番
有報紙想訪問佢屋企，佢大可以畀人地睇真正屬於佢嘅六百呎屋
一個人住六百呎已經好夠~
但佢徧徧覺得唔夠，係要畀人睇佢父母嘅屋企
咁就出事啦...畀人揭發呢單野！

尋日同我媽講起佢，佢跟住話...𠵱！佢咪係上次上陶畫籽影野嗰個？
佢個人係點我唔係好知，我未見過佢
我都係聽返嚟嘅啫...
我媽話嗰日影野記者遲咗少少
purple話：「唔緊要，都係我daddy車我之嘛！我daddy退咗休，好得閒㗎！」（再度弦耀）
我嘅感覺係...都四十幾歲人，仲要daddy車你...
住又要痴埋父母住（轉個角度睇，可以話係佢想照顧父母，所以同佢地住，但係你覺得呢？）
四十幾歲人仲要人地照顧你，你有自理能力嗎？
我覺得...廿八歲嘅我，思想同行為上都會比你成熟（我唔會為年齡感到羞愧）

創作兒歌真係好啱佢
某程度上，佢仲係一個兒童﹣長唔大，要人照顧，唔識處理事件
佢喺人生路上，仲有好多野要學！

期待的幸福

前幾日朋友同我講，佢兩個小朋友成日爭ipad玩（5歲半／１歲半）
於是就買多咗部畀兩個小朋友
無錯，係一人一部ipad!
佢地嘅行為不得不令我咋舌
問題一）兩個爭野？咁買多一部囉...點解唔係教小朋友，要大家分享？
問題二）點解會畀兩個年紀尚小嘅小朋友玩ipad? (５歲我都覺得ok，但歲半???）
問題三）小朋友會懂珍惜嗎？

我家裡，一部ipad都無。有係好，但唔係必需（老公諗住結婚周年紀念先買，當係我地互送畀對方嘅禮物）。
對於兩個年紀咁細嘅小朋友嚟講，一人一部，係咪奢侈咗少少？
再者，重要嘅唔係錢嘅問題，係佢地解決兩個小朋友爭野嘅方法

在此，我有一個小小嘅分享
影曦五歲時，奶奶經我地同意，買咗一部NDS畀影曦做生日禮物
當時三歲半嘅靖翹，好想試玩，但係我地話佢太細，同埋部機係佢嘅，無畀佢玩
我地同佢講，到佢五歲時，佢就可以擁有自己嘅一部NDS!
就係因為咁，佢無再問幾時可以玩，每次影曦玩時，靖翹都會問影曦佢可唔可以睇
有時影曦話得，有時話唔得...等等等等等...而家佢足足等咗年半啦！
下個月就係佢５歲生日，到時我奶奶就會遵守諾言，買一部靖翹想要咗好耐嘅NDS畀佢！
年半嘅期待，令佢好興𡚒！唔好似為佢好慘，要等咁耐先可以有，佢覺得自己好好彩㗎！
上次我問佢，你就快生日，我地可以去買DS畀佢啦！
佢係開心到彈起，歡喜若狂咁尖叫咗聲~
佢話想要白色嘅NDS，仲要貼上獨角獸嘅貼紙！
呢種期待，令佢更珍惜自己擁有嘅，亦學會專重別人嘅物件
通常喺我地屋企嘅野，佢地都會分享玩具，但只有幾樣係佢地嘅special item（好似影曦嘅nds咁），佢就唔洗分享
分享係好，但係佢地始終係三個個體
每人擁有自己特別嘅野，令佢地覺得自己與別不同：）