廸士尼之年又再展開！

今日畀咗個驚喜兩個女
就係帶咗佢地去廸廸尼（我地５個月無去過啦，今日再買年票）！
我一路都無同佢地講我地去邊
點知醒目嘅影曦一見到我地搭地鐵就估中咗！
你睇佢幾開心！

靖翹都好興奮~

今日都玩咗好多野
14.10到
buzz->stitch
15.00
見公主﹣＞winnie the pooh
15.30
parade->旋轉木馬
16.00
golden mickeys->小小世界->米奇幻想曲
17.30
再見公主
走嘅時候都６點啦
都係第一次去到咁晏咋！
返到東涌食飯６點７
７點喺東薈城走
７點４返到屋企，同兩個女極速shower同刷牙+換睡衣
７點８己經上咗床
我都算係咁...比平時遲咗８個字上床啫

一去到就見到pluto 同goofy
無人排隊，正！！！

但靖翹取然有d驚...

又係無人坐~唔洗同人爭~

同公主久別重逢
呢兩個人不知幾開心！

belle到又係無人排隊
佢兩個同belle傾咗好耐計

靖翹仲坐咗喺到靠住belle成３分鐘添呢！

（睇下靖翹個樣，冧到呢...）

我的最愛
一齊去睇golden mickeys
我地今次坐最頭嘅行
乜都好近！
勁多人走過嚟同兩個女打招呼呢！！！

今次係靖翹５個月以嚟第一次去廸士尼
佢今次居然可以全程帶住副３d眼鏡！！！
之前佢次次都除
而家真係大個女啦！

臨走前又去見公主

佢兩個勁鐘意同公主傾計~

又同belle傾計﹣＞今次玩+傾足５分鐘！！！

靖翹仲喺到引belle笑~

靖翹嘅專屬playground day

送咗影曦返學
就同靖翹周圍去公園玩
我好珍惜而家可以同靖翹獨處嘅日子

因為仲有幾個月，細佬／細妹就會出世啦！

佢又要同人分享媽咪啦

佢真係好乖好聽話，好易湊

又識氹人開心（c火，講講下又想喊添...）

不過而家成日朝早呢段時間都無人同佢玩

或者細佬／妹出世後，佢會無咁悶，有人同佢玩呢~

好驚訝地，靖翹居然識爬到呢舊野！！！
影曦嗰時要三歲先爬到㗎！
而家靖翹都係兩歲一個月咋！

連呢個都征服埋...
我o晒咀...

第二個公園

第三個公園

而家佢去呢個公園我都唔洗睇住佢
佢地頭嚟㗎
自己攪掂
我坐喺到睇報紙！

玩完又去接家姐放學lu~

第n次整公主蛋糕

第n次整公主蛋糕
但次次嘅整法都唔同...
今次就咁整嘅...

今次我一共焗咗五層蛋糕（共４磅）
有兩種味嘅
filling我有新嘗試，就係用棉花糖加卜卜米
可以固定個蛋糕，一定唔會"冧"
但係就比較硬
呢兩層係底，都係８吋蛋糕（之後仲有一層都係８吋）

繼續黐...

黐好啦
頂嗰兩層係用圓形鐵兜焗到咁嘅形嘅
所以彎彎地

我批咗d多餘嘅出嚟，就用butter icing 填滿晒空咗嘅位

再剪一條長嘅baking paper嚟挖平個面

你見個公仔後面我都６好咗塊fondant,準備鋪上去做裙

我發覺自己６得塊fondant唔夠大，鋪唔晒成條裙（無計啦，我平時整呢d野都唔會畫稿嘅，都係見步行步！）
所以我最後吱咗少少花上去
望落去都ok嘅~
今次仲用咗喺英國買嘅barbie 閃閃icing嚟寫字
呢d咁嘅icing真係幾好用
下次去英國要再入貨！

用剩嘅fondant我手痕用咗嚟整糖花

呢d係我花咗幾個鐘整嘅糖花
整到眼矇！

放喺陰涼地方，可以keep好耐~準備下次用！

Natalie兩歲生日會

Natalie兩歲生日會喺藍天海岸嘅會所攪

我都係第一次去嗰到嘅function room 咋

都幾光猛~

今次我又整咗公主蛋糕畀佢

希望佢鐘意啦（不過今次係喺生日會前５分鐘先整好！好趕呀！）

勁鐘意Natalie插把刀落個蛋糕個樣！

joey又帶唱歌

我叫我老公喺屋企托咗間，個tent同d波波落嚟一齊玩

Piers 變咗雜x王

所有細路都好興奮！個個走晒埋去~

我地仲有玩彩虹傘

我諗我要買個大d嘅...呢個我成日都覺得唔夠大...

但係影曦同孖女最鐘意玩嘅係...

攬實大家，一齊跌！

玩具分類

執咗三個鐘，終於執好間玩具房！
無計啦...成日無啦啦又會多咗玩具，每幾個月就要大執位一次！
所有野都分晒類㗎

（窗台嘅紙箱內裝咗小b嘅玩具，無謂拆...所以仍然喺箱到）

玩具箱
裝晒d"電玩"喺到
同埋d無咁大件嘅玩具
大部份都會用透明膠袋入住佢，兩個女玩完要入返好，咁就會無咁亂啦

（d透明膠袋係我儲返嚟㗎，好多時買BB衫時都會有d咁嘅袋裝住。咁分類d玩具，整齊好多㗎！）

dolly house，my little pony同公主嘅屋仔放埋一堆，d野可以撈埋一齊玩

分類(共８箱紙皮箱，三個膠箱)
紙箱內：
play-doh
玩湊BB嘅玩具
music box
marble run
picnic嘅餐具
barbie，公主同my little pony嘅馬
煮飯仔嘅食物
puzzles（我又係用d透明膠袋入住晒佢。好多時買砌圖都會有幅完成咗嘅小圖，我入埋落去，塊底板放d箱嘅側邊~我一個箱放咗成差唔多二十副砌圖㗎！咁慳位好多！）

三個膠箱：
BB玩具（畀小b玩）
Thomas火車
Lego

書﹣一個月到就要大執一次
喺兩個女間房都有個書箱，每個月都要交換一次
咁就可以睇多d唔同嘅書
有分中文同英文書；做練習嘅書；同有宗教成份嘅書（好多都係講節日㗎）
咁會易搵d

放咗個箱喺畫架下（我拉咗出嚟所以個箱先咁出）
不過我都覺得個箱大咗d，我要度好d位，遲d去日本城買個有蓋有轆嘅膠箱先

箱到放晒所有drawing同painting嘅野
圍裙，手袖，paint，水筆，蠟筆，木顏色，畫筆，畫碟，繪布色，粉筆，水溶性marker，水杯，毛巾...
以後佢地想畫畫可以自己攪掂~
(oh斃，而家先記得唔記得放埋做手工d野落去添...轉頭又要去執過...唉...)

而家兩個女玩完d咩玩具都會執好先攞第二樣出嚟

咁分類晒會整齊d，佢地執都方便d

容易做到嘅野，佢地會易得到成功感，所以成日都會樂意幫手~

咁我又做少一樣野啦！

晚晚臨瞓前我兩個女都會一次過清晒喺廳嘅玩具入房

廳係一件玩具都無㗎，好正！真正嘅大人area

第三次懷孕

睇得discovery home & health多

攪到我今次唔想知bb性別呢

我想到bb出世時有驚喜^.^

不過老公就好心急想知~

呢胎個肚大得特別快

可能因為第三胎啦

15w4d開始BB就日日踢我啦

18w4d個肚己經37吋

希望呢個b唔好太大啦

如果唔係，會生得好辛苦㗎...

佢兩個成日走埋嚟錫我個肚（有時仲要喺公眾地方拎起我條裙嚟錫...畀人睇晒我條底底-.-）
佢兩個每晚臨瞓前都會kiss baby night night 同 give baby a cuddle先瞓㗎~

生男生女﹣清宫圖（唔洗自己計）

之前我都post過有關清宫圖嘅資料

「【生男生女】介绍：生男生女表，想预测一下，你们会生个男宝宝或是女宝宝吗？以下是一份清宫珍藏的生男生女预测表，女性年龄是以农历虚龄(即真实年龄加1岁)算,，而怀孕月份即是受孕的那个月份，当然亦是以农历算。」

啱啱搵到個唔洗自己計，輸入自己嘅名同年齡同懷孕月份就知結果

http://sina.sm.aqioo.com/BabySex.html

我check咗我兩個女，都準喎！！！

佢話我呢胎係仔...睇下到時點!

影曦返學啦

影曦終於都返學啦

由於佢係１２月出世

其實佢上年己經可以返學

但係我地都覺得遲一年畀佢返會好d，佢會係大仔，吸收同適應力都比較強

而且，我地都覺得佢仲細，無謂咁早畀佢返學啦

畀佢玩多一年，享受下童年嘛！

一開始返學就十幾年㗎啦

第時佢可能返到唔想返添呢！

梗係畀佢玩多年好啦！

呢一年我自己喺屋企都教咗佢好多野，唔洗一定返學先學到野嘅

三歲嘅佢識砌６０塊嘅砌圖（其實兩歲半己經識，不過之後玩厭咗）

識數到５０，認到數字

識計２０以內嘅加減數

認到少少中文字（佢自己個名呀之類）

認英文字佢就唔係好叻啦，我都無刻意谷佢，因為我諗佢返學都會學到㗎啦~（反而亞妹識得多過佢！）

油顏色唔出界

識用刀同較剪

識溝色（如紅加白變粉紅...）

呢期教佢睇星圖，佢仲識認到大熊座，英仙座，天鵝座，獵戶座等等呢！

雖然比起學咩baby can read嗰d bb，我個女都唔算識得多野

但係我覺得佢嘅想像力同創作力好好

有時見到dBB兩歲識睇書好勁好勁，媽咪一定要好有恒心去教先得！

但係講真兩歲嘅bb識睇識讀但其實唔識解d字嘅

我覺得有少少跳步。

我紿終都係覺得等小朋友有相當嘅理解力先學睇書比較合邏輯

我認為今年先畀佢入學嘅決定真係無錯㗎

佢平時都係２４小時跟住我，得我一個湊，但佢都好獨立~

佢返學無喊過，我無陪過佢返學添（其實可以，不過我覺得佢ok）

無喊嘅原因？

1.早喺佢足三歲時，畀佢參加芭蕾舞班，畀佢知道上完堂，媽咪同亞妹會嚟接返佢嘅

（其實佢上第一堂時好怪，只係企喺角落頭，到想join時先行出嚟！但第二堂佢知發生緊咩事，就好正常啦）

2.因為佢夠大個先返學，明嘅野會多d，自然會接受返學係件好嘅事

3.我喺佢返學前做足心理輔導，話佢佢知佢會著咩，喺學校會發生咩事，老師又會點...

4.畀佢參與準備返學嘅野，令佢投入。返學前都會去學校門口睇下，等佢有期待

5.入到學校，唔會提喊呢野樣，周圍指下有咩exciting things，分散注意力

6.到我要走時，我會同佢講"have fun today!""放學我就會同亞妹嚟接返你㗎啦！"之後kiss and cuddle。等佢知道返學係件有趣嘅事，我地想佢have fun~

本來諗住同影曦正正經經影返張校服相

點知靖翹見到我攞住部相機，慢慢咁喺鏡頭嘅右邊攝咗入鏡

影曦一見到佢就攬住佢影~

喺樓下見到stephaine同justine
我地一齊手搭shuttle bus-佢地好似搭校車咁！

返到學校，要坐定定玩~

放學啦
我地一齊去接佢地

體育衫

喺𨋢到影曦，又攬到亞妹實一實

一話影相靖翹就側晒頭，影曦就攝晒位^.^
呢兩個人真攪笑！