影曦、靖翹、舒韻生活小誌: May 2013

Wednesday, 22 May 2013

近期作品~大花花頭飾

靖翹畢業禮要跳西班牙舞，佢學校嘅老師知我識整頭飾，問我可唔可以幫佢地整
當然可以啦~
佢地話要紅色喎
我就試整咗幾款啦~
要有大有細喎
因為有啲小朋友頭髮比較短，個髻細啲喎
呢日我就搵咗靖翹帶一朵返學校畀老師睇下啦~

整咗呢四款~
好彩佢地只係想我整十朵啫！
唔好睇少呢幾朵花，每朵我都最少整咗半個鐘㗎！！！

跟住整整下...順便整埋其他頻先先
影曦又話要朵白色戴返學㗎喎！

都係紅色最靚

整埋淺藍色，又係可以戴返學

𣶶藍色又得~

康乃馨杯子蛋糕花球教學

前排幫明報影咗為母親節整嘅康乃馨杯子蛋糕花球 carnation cupcake bouquet
因為有啲步驟較難明所以我錄咗個video畀大家睇
希望大家鍾意啦~

明報 8.5.2013 G9
http://happypama.mingpao.com/cfm/health3.cfm?File=20130508%2Fcooa%2Foka1.txt

Monday, 20 May 2013

赤柱龍舟賽

17/5 佛旦公假
是日老公又約咗佢啲朋友「打仗」，又係一湊三（其實有邊日唔係㗎？？？）
佢出去時text我，話赤柱大街對出有龍舟賽喎！
難得一日假喺屋企hea完，整咗泗益style西多畀啲女食，玩完一輪後，就帶咗佢地出去

點知...一出門口就落雨-.-
好彩有帶raincover
真係好鍾意呢個又靚，摺得又細，又透氣嘅raincover嘅啫~

我畀佢地一人帶咗一架scooter
原本舒韻都話帶，但係因為我要買餸，我伯佢踩踩下又話唔踩，要我攞，仲要我抱...咁就麻煩
都係推車算（好耐無推過啦~）

喺酒吧街好多人，所以我地先去咗市集尾嗰間廟前睇~
不過呢...好鬼多蚊囉！

好多人都爬咗上啲石到睇呢

好熱鬧呢！

滑板車黨出動！

原來呢個角度睇都ok喎，對正賽道，但係睇唔清楚邊個第一囉~

去咗食雪糕...跟住就去咗市集shopping...平時我都好少買衫畀啲女，因為衫都係佢地嘅表姐留畀佢地
但係佢地而家喺英國，我地無得接收佢地嘅二、三、四手衫lu
影曦又愈嚟愈高@.@一定要買囉~
佢勁鐘意買靚衫，喺屋企襯衫可以襯成半個鐘先出門口㗎！！！

暑假快到了，不少家長問我如何安排暑期活動給孩子，我就在這裡回答大家- 除了常規的芭蕾舞班，我什麼活動也沒有安排。

從哪時開始，小朋友的暑假不再是放假，被密密麻麻的暑期班佔據？我小時候，算是半個港孩，驕生慣養，由工人姐姐打點一切。不是不懂自己做，只是我知我不做的話，工人姐姐也會替我做！但每年暑假，工人姐姐都會回鄉探親，媽媽就會把我和妹妹帶到住在錦田的外公外婆家住。一住，就是一個半月，什麼都要學著自己做，玩的都要自己創造出來。

暑假，是我和妹妹最嚮往的時候：捉迷藏、玩埋舟、麻鷹捉雞仔、糖黐豆，捉蜻蜓、蝴蝶、蝌蚪、金錢龜、瀨屎龜、甲蟲，還會爬上樹摘黃皮、龍眼、芒果、荔枝、木瓜就地而吃...八號風球沒有雨，我們把繩子纏住膠袋，綁到鐵閘上看著它隨風飄蕩；下雨家會漏水，就找罐子盤子盛水，再量量水的高度；雨後會走到田裡看蝸牛、蚯蚓，還會留意有沒有彩虹；晴天的時候會偶爾跟外婆到田裡學耕種，也學懂辨認各種蔬果，外婆還教我們看天氣（種菜的人很會看天氣，畢竟，這很影響他們的生計！）；黃昏時，會爬上屋頂看日落（那兒的「咸蛋黃」格外橙，非常動人！），我們養的小貓都會走來陪我；我們又會約朋友一起踏單車到村口的士多買雪條，到他們家玩...最難忘是外婆徒手捉蟑螂把其消滅，用一支竹就能把蛇擊退！有次我更跌到水湖裡，鄰家的哥哥把我救起，把外公外婆都嚇壞（自始就明白走到水湖邊就要格外小心！有時讓孩子碰壁，比千萬告誡有效！）！我們吃的蔬菜，都是外婆種的，玩的，都是從大自然而來，我們就像「野孩子」！我們生活就像「龍貓」內兩姊妹的生活呢！

難以置信嗎？才不是！「八十後」的我們也會有著如此的暑假，如此的童年！多得當年母親大人把我們送到外婆家住，令我們有這麼多個快樂暑假！廿年後的今天，我依然回味...那份記憶、那份快樂感覺，跟足我一輩子！我所學到的、體驗到的，比上任何暑假班得到的更多更多！

把暑期班安排得密密麻麻，經常要一早起床、趕上堂，跟平日上學有分別嗎？這可會失去放暑假的原意！再者，我不認為我需要一張紙證明女兒上過甚麼暑期班，學過甚麼。放假就是放假，應該好好享受、休息，讓孩子充充電，享受彼此的陪伴。定下幾個暑假想去的地方：天氣好時，到沙灘、公園走走；下雨了，去博物館、朋友家玩玩...暑期節目，不需安排得太密，也不需要太有規則。到他們再回歸校園時，定必對學習更有熱誠呢！

Thursday, 16 May 2013

我要扮靚靚：HIFU無創瞬間減眼袋、製造V煞面！

呵呵呵~
點解我咁開心呢~梗係有好野同大家分享~
我今次試做無創緊膚，效果可媲美傳統拉板手術㗎！但係HIFU勁就勁在無康復期，只係做一個鐘，即時可以做平時做嘅野！而且效果仲可以維持1-2年（你無睇錯，我無打錯，係1-2年呀！！！）！

******
HIFU for SMAS係乜東東？

面部結構，從淺至深分別是表皮、真皮、皮下脂肪、淺筋膜即SMAS、肌肉及骨骼；而SMAS這層結締組織全名為Superficial Muscular Aponeurotic System淺表肌腱膜系統(簡稱：SMAS)，其作用是拉緊皮膚及控制面部表情，隨著皮膚不斷老化，這部份的組織漸漸缺乏彈性，而傳統的治療會利用外科手術針對SMAS系統進行懸吊，令面部得以提升及收緊，而HIFU技術的發展能媲美傳統拉皮手術，達至無創及無副作，而且持久的面部提升效果。 HIFU全名為High Intensity Focused Ultrasound，其運作原理主要是利用一種獨特及非侵入性的高能聚焦超聲波技術，通過超聲波能量聚集，準確地到達SMAS組織形成焦點，局部産生70 C以上的高溫，在特定的部位産生生物學效應，達至深層提升的效果。治療後，無須康復期，過程十分安全，而且效果顯著。

High Intensity Focused Ultrasound (HIFU) 運作原理係利用一種獨特及非入侵性嘅高能聚焦超聲波技術，通過超聲波能量聚焦，準確地到達SMAS組織形成焦點，局部產生特定的溫度，喺特定部位產生生物學效應，達至深層提升嘅效果。

******

我啲皮膚從來都唔可以用個「好」字去易容，所以對於護膚，我可以話係hea晒
只識化妝遮晒，但跟本嘅問題未解決過

話說有日收到一msg請我去face college 試做佢地嘅新機王，可以無創緊膚（好似拉面皮咁）~
你梗係覺得，我三十歲都未夠做乜無啦啦去整緊啲塊面
錯錯錯...我初頭都係抱住試試無妨嘅心態去，去到就見見醫生先，跟住先知我有幾大問題...

我一去到，美容師就整咗杯花茶過我，素顏嘅我就跟住入去見醫生
醫生畀咗塊鏡我，佢就用放大鏡睇我啲皮膚
我眼袋大，顏色較深、眼袋下嘅皮膚毛孔都幾粗，而且開始垂...
下顎嘅jaw line開始同頸溶為一體（我呢兩年差唔多重咗廿磅-.-我諗都有啲關係嘅！），下巴下嘅皮膚開始鬆
鼻翼兩邊嘅虎紋愈嚟愈深...
我仲有暗瘡（無錯，而家都仲有！）、粉刺、色斑、黑頭、毛孔大...最慘嘅都仲係有濕疹！
（識我嘅人都知我有濕疹，仲要係喺面到，成世都唔走嗰隻）
見醫生嗰日，因為之前嗰幾日天氣熱，我啲濕疹好差，條頸嘅好似魚鱗咁，眼皮又係好似魚鱗咁，左右面珠各有一撻，其中有一撻損咗結咗焦添
你話呢...聽到之後係咪好沮喪呢？？？
嗰日其實我有少少擔心做機會唔會因為我有濕疹而令本來已經差嘅皮膚變得更差

醫生除咗好詳細解釋過我知HIFU係乜嚟嘅，亦同我講點改善我皮膚
緊膚喺face college有兩個方法做，一個係叫Thermage CPT無創拉皮技術，一個就係我今次做嘅HIFU
醫生話HIFU啱我做，因為個機頭會打落皮膚下3-4.5mm嘅位置，唔會對濕疹有咩影響。而Thermage打得較淺，可能會對濕疹有影響。
HIFU係高能聚焦。醫生話能量愈高，效果就愈持久。好似Thermage咁，能量無HIFU咁高，效果都會維持到1年以上。

好啦~講完一輪，就準備做機
我先去落咗妝（其實嗰日我無化妝lol），跟住入房美容師幫我洗面、揸麻醉膏
揸完後要等20分鐘畀啲麻醉葯發揮效力（熄燈瞓咗幾個字~對於一個一湊三嘅ftm嚟講，有得瞓下晏覺係件好奢侈嘅事！）
美容師幫我抺咗啲麻醉膏後，就揸咗啲gel落我面到
醫生就入嚟幫我做療程啦
醫生有講明話個頭打落面嘅時會痛
佢先係用打落皮膚4.5mm下面嘅頭嚟同我做頸、下顎、眼嘅周圍
唔太痛（生完之後，乜都唔覺得太痛lol），最痛嘅係近骨嘅位，因為多神經線
打晒啦~就再用3mm個頭打多次...感覺好似r痕咁
打完嘅位置會有少少「冤冤地」咁嘅感覺，呢種感覺會持續幾日，但係完全唔影響日常生活

做完啦~最明顯係眼袋同下顎位
呢個療程我係上個星期六做，到今日都做咗五日啦
畀大家睇下對比照（希望唔好嚇親大家...）
完全無ps版！！！

點解我要做完咁耐先post出嚟呢~
因為...太開心啦！超有效！！！！！
除咗眼袋細咗、紋少咗、眼下嘅毛孔細咗、塊面瘦咗（係咪V咗呢~）、下顎位firm咗、眼下嘅色斑唔見咗、鼻翼兩邊嘅虎紋淺咗好多、對眼大咗（因為上眼皮收緊咗）~
意外收鑊...係我呢幾日嘅皮膚好咗好多！！！
（雖然比起其他寫美容blog嘅blogger仲差好遠，但係我已經心滿意足）
濕疹收晒！連條頸嘅濕疹都無埋（我恨咗好耐，唔期求皮膚靚，唔痕就得㗎啦！）
而家上粉都貼咗~~~真係超開心

我過幾個月，再同大家報告下我塊面嘅最新情況啦~~~

*****

Face college fans page:http://www.facebook.com/FaceCollegeLaserCentre

Treatment資料:
HIFU information:

https://www.facebook.com/FaceCollegeLaserCentre/app_229968277139376

香港美容專欄作家 Yoko Tsang做過HIFU都對佢讚口不絕呢~

http://wow.esdlife.com/link.php?url=http://vipblog.orientalsunday.hk%2Fyokot%2F%3Fp%3D9173

Thursday, 9 May 2013

Disney Junior全新節目《小公主蘇菲亞》VIP首映會+魔法化妝廳(有片有相！）

5/5/2013
有幸被邀請參加此活動;-)
我之前嗰晚不知幾興𡚒（無錯，係我，唔係啲女lol）

全新節目《小公主蘇菲亞》即將登陸香港Disney Junior頻道，Disney Junior 特别於香港迪士尼樂園酒店之睡公主宴會廳舉行VIP首映會，為您帶來前所未有的皇室氣派，讓小朋友從中學習蘇菲亞的五大內在美特質，與媽媽一起展開一段富有敎育意義的奇妙旅程！

Disney Junior全新節目<<小公主蘇菲亞>>電視劇集於今年一月開始於播放，及後大受歡迎！
《小公主蘇菲亞：公主傳奇》乃《小公主蘇菲亞》系列的特別版電視電影，講述蘇菲亞在一夜之間由平民變成了真真正正的皇室小公主! 蘇菲亞進入皇宮後，經歷了全新的體驗，從訓練和學習中培育岀良好品格及皇室禮儀，學做一個富內在美的小公主! 《小公主蘇菲亞》連播卡通將於暑假於Disney Junior推出。
《小公主蘇菲亞：公主傳奇》(Sofia The First: Once Upon a Princess) 5月27日（星期一）下午1時 Disney Junior隆重首播

等開場<3

睇戲中...

睇戲中...
幾入神！

好睇呀~Sofia呢位公主係平民出身，因為媽媽嫁咗畀國王而變為公主，同後父（國王）、繼兄繼姊一齊生活，題材較接近現實（喺外國真係超多家庭係再婚，小朋友要同step brothers and sisters同住相處），所以喺美國播出後大受歡迎！！！加上故事圍繞住發揚公主嘅美德，所以家長都好鍾意！
啲人物又靚，歌又好聽！連我都真係好想睇落去！
畀住首歌大家聽下先~