軟棉棉西多士（勁正！）

唔好睇少呢塊西多
呢塊唔係普通嘅西多~
呢塊西多咬落軟棉棉㗎，唔似一般嘅西多咁硬㗎~
之前喺泗益食過佢地$22一塊嘅西多，真係好味到無朋友！
佢地用咖央醬，我就懶整，用糖醬算~都好好味㗎！
點整？繼續睇下面就知啦！

先係將包去皮
一塊查牛油，一塊查糖漿



蛋白同發黃分開發
蛋白發到佢起晒泡，鬆泡泡咁嘅~


發埋蛋黃加入蛋白到


加油落鑊（都要幾多㗎！~好似炸咁），加熱熱熱~
麵包沾蛋漿就落鑊炸！


炸完就咁嘅樣，比一般嘅西多淺色



切開佢就係咁...
糖漿喺中間~咁就唔洗再加糖漿
小朋友就咁渣住嚟食都得㗎~
我啲女好鍾意！
當然呢啲真係treat嚟嘅，間唔中食下好啦！

芝士火腿露荀蘑菇燉飯

今日打開雪櫃...見到幾粒蘑菇，幾片火腿同幾條露荀...
一係就炒個飯，一係就...整risotto~
梗係整risotto易啦！
咁我就開工啦~
（其實係見到雪櫃有乜用乜都得~）
基本材料：
米　　　　　　   　　　１mug
水　　　　　　   　　　２mug　
洋葱　　　　　   　　　１個／半個（你鐘意啦！）
雞粉　　　　　   　　　半茶匙
蘑碎咗嘅芝士　   　　　少許
黑椒　　　　   　　　　少許~可加可唔加
車打芝士　　　　　　   隨意
柏尔馬芝士(Parmesen) 少許~可加可唔加　

之後嘅料就隨意啦！
我今日就用咗蘑菇火腿同露荀

講下點整先~
用煲（最好用易潔煲）~燒熱少少個煲，加油，將洋葱切粒，炒一炒佢，閂至中火
洋葱淋時加米，抄一抄啲米佢，之後加水，較至大火
滾咗後就加埋雞粉較細火，蓋上蓋，等啲米熟（約１０分鐘）
攪一攪佢
啲好快熟嘅材料：蘑菇火腿同露荀就而家加，再蓋上蓋等幾分鐘
試下嘅米熟未，未熟嘅話就加嘅熟水落去再熟多陣
攪掂後就加埋芝士攪攪佢~就可以上碟啦！
大家鐘意可加少少黑椒同paemesen cheese喺面:)
勁好味~我其中一至愛~

好味芝心批

一路我都想自己搓粉整pizza~
喺呢到搵到個好易嘅食譜~


同大家講下點整...
pizza dough:
麵粉　　　 　　　　  ２杯
dried yeast(依士粉)　１.５茶匙
糖　   　　　　　　　１茶匙
鹽　　　　　　　　　半茶匙
olive oil                          ６茶匙
暖水　　　　　　　　３／４杯


將所有野攪埋一齊成麵團
攞少少麵粉放喺枱，搓下個麵團，搓多啲空氣入去
搓完之後放返麵團喺個碗到，用保鮮紙封住佢放佢喺暖嘅地方等半個鐘



半個鐘之後麵團會發大（少少...）



呢個份量可以整到４個細細嘅７吋pizza:)
我啲女可以一人清晒成個㗎！
我地就一開四，畀佢地一人整一個，我又整一個~

pizza 料：
你鍾意啦~
茄醬　（我用普通煮pasta嘅醬）
芝士　（買一磚返屋企磨，或買已磨咗嘅）
火腿
粟米
pepperoni

芝心批必備~
mozzarella cheese（想整芝心批嘅就一定要用mozzarella cheese!咁先會煙勒㗎！mozzarella cheese string! 係最好嘅選擇）
先係埋咗啲芝士喺條邊到先~

預熱焗爐二百度
包啲mozzarella cheese落條邊到先






基本嘅就係cheese and tomato
先落咗茄醬喺底，之後加上自己喜歡嘅材料



放入焗爐焗１０分鐘左右（自己check下熟未啦~大嘅pizza要更耐）
（我喺個盤到查咗牛油，以防黐底）



熱辣辣嘅芝心批就攪掂啦~


啲芝士漏晒出嚟呀！

好易整~又好味！大家都試下啦！

朱古力蛋糕波

呢張相其實好耐之前影㗎啦！
係上年８月時整㗎！一路都唔記得post出嚟！
靖翹４歲生日 時整咗個

Rapunzel公主蛋糕

呢種朱古力波同整cake pops無咩分別~係無咗支捧啫！
批咗出嚟用剩嘅蛋糕我就整碎佢，加咗chocolate fudge icing，搓成波，搭成塔，加糖霜~咁又見得下人啦！
嗰日喺party我啲朋友勁快清晒！！！
剩低嘅野變咗搶手貨~整呢種cake balls真係好好嘅選擇！

彩虹傘燈罩

搬咗嚟呢到都好幾個月啦
我地仲用緊上手留落嚟嘅燈罩！
見３Q房嘅燈罩悶悶地，於是我就上網搵下有咩燈罩可以DIY下！
無意間畀我見到個彩色嘅燈罩~
諗諗下...就試用呢啲平時插喺飲品嘅遮仔嚟裝飾燈罩~
其實我仲未整完~因為買唔夠遮，不過都post出嚟畀大家睇先~真係覺得幾靚！

材料：
IKEA燈罩　／　自己整嘅圓球形
彩虹傘竹籤 (百佳買＄3.9／包，一包12把）　8包
UHU / 白膠漿

我用嘅係11W->125W嘅慳電膽
一定要用慳電膽！如果唔係會過熱㗎！



我就地取材，用咗上手剩落嚟嘅IKEA燈罩
大家可以買個，或者可以好似整PINATA咁用白色tissue paper加白膠漿（或麵粉）加水咁黐喺氣球上咁整個圓形
方法大致同呢pinata差唔多
自己整嘅話，薄薄一層就ok,因為要透光嘛！

好啦...之後就簡單囉！
剪短啲條籤，查啲UHU喺我姆指指住嘅位置
插入個燈罩到...




舒韻妹妹都有幫手！



整到一半就咁:)



我買咗６包彩虹傘仔都唔夠！
我諗要買多２包
所以我建議大家用ikea呢個燈罩整嘅話要買至少８包㗎！

2012年年曆！

啱啱整完啲花
啲花點整？個blog喺到
我地就用啲花嚟整咗個年曆啦！
我喺網上搵咗2012年嘅年曆，print 咗出嚟cut 出嚟
就畀啲女喺張A3畫紙到貼貼貼
又貼埋啲花
加上少少花莖同葉就攪掂啦~



靖翹仲話要攞返學校送畀學校喎！
佢叫我寫"親愛的學校"lol
我梗係無寫啦
佢送咗畀佢嗰班，貼咗喺班房
佢非常驕傲呢！
影曦嗰個都好靚~貼咗喺房lu~

簡易漂亮立體花兒製作法

兩張摺紙，摺摺剪剪
就能造出漂亮立體花兒：）
呢到有片睇

呢種花非常易造~
我今次就同啲女整咗個２０１２年嘅年曆，加咗呢種花，畫咗少少圖畫就攪掂（遲啲upload~）
呢次講下呢朵花點整先
（睇片會詳細啲㗎！）

呢朵花係由一大一小嘅摺紙砌成
摺法係一樣嘅...


大嘅就摺到咁，跟住畫線
細嘅就多畫一條線，記住唔好剪斷



剪完出嚟打開就係咁...


細嘅就壓起條邊



加膠水黐埋就攪掂~



幾靚:)
左上角嗰朵係影曦整㗎！

簡易立體星星製作法

用六張手工紙製作出漂亮立體星星!
方法簡單，小朋友也可以做到！
想睇片請CLICK入youtube連結

呢到就有圖解...（睇片講得清楚啲㗎！）
先準備六張手工紙頭幾個摺法喺到...
對摺再對摺成三角
跟住畫三條線，跟住條線剪

剪完就係咁嘅樣
喺呢個位置加膠水



咁樣黐



反轉第二面，又係咁黐



又反轉，又咁黐

黐埋最後嗰邊就係咁~
整晒6個後就釘埋中間佢
仲要訂埋側邊嘅連接位就攪掂~