可以試下咁
每日都跟住一個routine，等bb知道定時定候會做d咩
一歲前，我同兩個女做嘅bedtime routine係咁嘅
5點 食晚飯
6點 沖涼
7點 瞓覺
食完飯就同個女完一陣就同佢沖涼
如果餵人奶：
沖完涼就會放佢喺床，開住電視（放d同瞓覺有關嘅節目，e.g.in the night garden)同佢著衫，攬住bb一陣同佢一齊睇電視／玩（不過要盡量做d claim d嘅活動囉）
餵人奶後同bb講night night同i love you就放佢落床
如果餵奶粉：
沖完涼就會放佢喺床，開住電視（放d同瞓覺有關嘅節目，e.g.in the night garden)，畀奶佢食同同佢著衫，攬住bb一陣同佢一齊睇電視／玩（不過要盡量做d claim d嘅活動囉）
之後就同放bb講night night同i love you就放佢落床
閂窗簾，熄燈，閂門（盡量令到間房黑嘅），走人（千其唔好留喺同一間房！bb感覺到你喺到仲會喊得勁d）
閂咗門之後就唔好入去，直至肯定bb瞓著先好去check佢
當年我大女成５個月我先意識到可以train佢自己瞓，唔洗我暗（多得我９９提點！）
第一晚，影曦喊咗成個鐘先至放棄，喊到攰先自己瞓著
第二晚喊咗二十分鐘
如是者，一個星期就學識咗自己瞓
我個膀頭從此得到解脫！
要注意：
一定要好忍得bb喊聲（我９９同我講，bb喊可以練佢地嘅肺﹣未必真係有科學根據，但就真係令我個心好過d）
嗰時我都未慣聽bb喊聲，聽到都會心酸
但９９同老公都同我講，如果忍唔住去睇佢，就即係對自己殘忍！
我個姑仔以前仲誇﹣佢閂咗門後去隔離房戴headphone聽歌，咁佢就聽唔到bb d喊聲！
train之前一定要同老公傾好，唔可以因為你／老公嘅心軟而破壞咗原本嘅計劃！咁你地就可以互相支持。咁會好辦事d！
祝大家好運！
過年前我番大陸都試過，但係我試zo十零日就放棄zo，因爲屋K人唔支持，過完年，番香港閒屋細，怕吵所以無再試，直到E+個仔都係要暗甚至食住奶訓，真係覺得好辛苦~~~
ReplyDelete[版主回覆04/07/2009 23:19:00]咁你要再忍心d試下啦...
咁會唔會令到bb冇安全感, 以為媽媽唔錫佢?
ReplyDelete[版主回覆10/24/2009 21:22:00]我個人覺得唔會 睇下你點教個小朋友嘅啫 好似我兩個女咁，由細都大都係自己瞓 無話驚，無話怕黑 因為佢地跟本無"黑就要驚"嘅概念 我都唔會做陪瞓，要佢地習慣自己瞓 就算我而家有時喺佢地床到同佢地玩扮瞓覺 佢地都唔鐘意畀我瞓，因為佢地覺得張床喺佢嘅 我要瞓嘅話，就應該去自己張床 正正係因為咁 所以佢地就算半夜醒咗見到周圍黑晒都唔會驚，唔會喊 反而會自己同自己講下野，跟住瞓返，唔會煩到我地 我兩個女晚晚都瞓得好好 唔會半夜喊 可能一個月先會喊一次 因為佢唔舒服／發惡夢咁 而佢地每次喊，我都會知道佢地真係有問題先會喊 我當然會去睇佢 亦會畀cuddles佢，畀佢知道，如果佢地唔舒服／發惡夢而喊，daddy mummy都會嚟睇佢 我地一定會喺佢身邊（我地喺隔離房啫~） 所以佢地好有安全感㗎！
read到你個blog簡直系為我既生活帶來一點新希望啊。
ReplyDelete第一胎，B女7個幾月，食人奶。 出世後就食訓不定時，即使我好努力幫區建立固定時間表都系唔成功。總之毫無規律，我跟住區轉，一個人湊，又要做家務，就快死，又無時間親子。講下我個情況，唔該你幫下我啦。
目前一日五餐如下 6-7am: 埋身 10：30-11am: 糊仔 1-2pm: 埋身 5-6pm: 粥仔 8-9pm: 埋身 絕大部分情況都系我比區食，區好少主動要食。 食固體就幾好， 埋身就一食即想訓。（當我系安撫奶嘴。但系如果區清醒就唔都肯食奶）。
訓覺方面，兩個月大左右就自動戒夜奶。日頭唔多肯訓，夜晚就四個月前都系10-11pm - 10-11am 無醒又可以食完最後一餐自已訓。（我無特別做固定睡前活動）。到差不多4個月識轉身怕區反轉身趴低又唔識反返轉，所以最後餐奶喂完就坐系床邊等區訓著先出來, 慢慢養成壞習慣。日頭小睡情況更差，試過train但唔得，大喊成個鐘明明好眼訓都唔訓，最終頂唔順比左安撫奶嘴。但都只系唔喊，都系唔訓。
而家個情況系：
夜晚： 8-9pm 最後一餐奶食住訓，第朝6-7am醒，但中間約2-3個鐘就會醒下，反轉身大叫。（唔知系唔系跌左奶嘴，定系出牙仔）
日頭：食完第一餐奶（7-7：30am)再暗區訓，有時得有時唔得，有時可以訓到差唔多11am, 有時只系訓到9：30am. （我多數會想區訓因為如果唔系，區食下一餐固體就會好眼訓不肯食）。跟住食完第二餐後（於11：30am)，第三餐後 （約2-3pm),第四餐後（約6-7pm)又好似眼訓，又暗，又搞好耐，又唔肯訓，又唔肯自己玩。 如是者，一天到晚挨眼訓，惡性循環，區已經有黑眼圈同眼袋啦。
唔知點解明明好眼訓，擦紅嗮眼，但系一放區訓低就大叫，一直要起返身！有時要搞成粒鐘或者更耐先肯訓。而且一定要有人拍下，呵下同埋要含住安撫奶嘴tim ar.
總括來講，而家我最頭痛就系區飲食睡眠無規律，特別是日間訓覺好難入睡同無定時（有時搞成個鐘先訓30-45min),搞到我好難預算，bb又好辛苦，而且都唔知點幫區安排活動。
我想區日頭起碼有一次小睡充下電，可以有精神d. 7個幾月先train區自已訓會唔會太遲啊？ 我要點樣幫區建立規律既生活呢？ 唔系話bb六個月之後會有固定生活，點解我個會甘啊，系唔系我做錯D mug ar? 真系好困擾。希望你比d建議我啊！！！
另外，區訓覺要一直含住安撫奶嘴，但我聽人講甘樣會影響出牙。系唔系真架？
[版主回覆11/02/2009 11:06:00]７個月開始triain bb當然唔遲啦 唔洗太擔心 點幫bb建立有規律嘅生活？ 你係媽咪，應該係由你安排，你話畀bb聽你要佢點做~係要你做主動 首先，你要定咗一個啱自己用嘅時間表 先係定咗食奶同食糊仔嘅時間 再定瞓覺嘅 我兩個女都有時唔會瞓 但係我都會照放佢喺張床到 可能佢會喊，唔肯瞓 我會放佢喺床至少一個鐘 佢唔瞓嘅話，瞓低喺床玩都算係種休息 要注意嘅係記住同佢講而家要瞓覺啦 等陣你醒咗我地可以做咩做咩，而家要乖乖地瞓 之後你就要閂門離開間房 離開後未夠鐘就唔好入返去 如果佢喊咗成個鐘都唔瞓 咁一個鐘後咪去抱返佢出嚟 𠍿咗之後，佢知道你成個鐘都唔會入去嘅，希望佢會學識，然後自己瞓著... 至於夜晚瞓覺又係啦，試下唔好拍bb，唔好陪佢 慣咗好難改 大個d先改可能手尾仲長，好難改~你要加油呀！！！ 安撫奶嘴無錯唔係咁好㗎 如果bb出牙後啜得太多奶咀，d牙會向內生㗎 可以嘅話，就少d畀bb食...同戒咗佢 不過我知道有d小朋友到兩歲先戒到 所以你都唔好太擔心
又要請教你, 瞓覺前遊戲係以咩為主呢? 1 個月大bb可以有咩睡前活動呢? bb喊到拆天咁, 又怕佢會抖唔到氣, 雖然我都心痛, 但都好免強可以忍到, 不過, 咩情況下真係要抱下佢呢?
ReplyDelete[版主回覆03/02/2010 00:21:00]其實都唔係咩遊戲 同BB傾下計 同佢做下baby yoga(上youtube到搵下！有好多！有d仲係教你點幫BB去風！) 攞多D顔色鮮艷嘅玩具喺佢面前fing fing下，刺激下佢視力發展 bb喊到拆天，唔會抖唔到氣嘅~ 反而我覺得佢喊，可以練下佢個肺添 記得嗰時生完喺e院聽個出院講座時，d媽咪入晒間房，d bb仲喺病房 有個媽咪話：我個bb喊緊呀，我想去抱佢呀 之後個姑娘講：bb喊下對佢無壞嘅 嗰個bb最係係喊到攰...自己瞓咗... 如果bb喊，你check 下佢有無畀毛巾come住呀，有繩"前住"bb之類 無嘅話，都由得BB喊 如果你聽到BB有d想嘔嘅聲（我唔識點形容D聲），先要抱起佢
你好ar~唔好意思~又有野請教你~
ReplyDelete我個bb剛剛2個月~我個bb呢排啜奶咀佢好快訓~
但啜一陣又吐出黎~之後就大喊叫你比番佢~
如是這我成晚比佢叫醒做執奶咀工人~
成晚無得訓~但我如果由得佢喊~
佢在床上發脾氣時~佢大力到可以用腳由床尾"young"到床頭~
請問我點做好ar~ ~唔該晒你~
sorry~yahoo blog唔知點解lag晒我d留言~sorry~
ReplyDelete我唔知到咁~十萬個sorry
可以贴这page在我的blog吗？
ReplyDeletehttp://mamagila.blogspot.com/
[版主回覆06/09/2010 21:36:00]請隨便~ 多謝支持！
我每晚放左亞B去瞓，不過佢成日醒，7，8PM後有時醒左瞓唔返，等到食十點半O個餐，而食完瞓返，又係好易醒，到1AM先有D，有時3AM都會醒，我都唔知可以點做？
ReplyDelete[版主回覆11/23/2010 19:11:00]由得佢：） 有時我個女都會半夜醒，不過自己哦兩句後會瞓返 細個時有時會喊兩聲（但係仲係瞓緊架喎），唔理佢佢都會自己瞓返
My daughter is 6.5 months. How many naps do your daugher sleep when she is around this age? What time? Sometimes when i put my daughter to sleep around 7.30pm, it may take 1 hr for her to sleep.
ReplyDelete[版主回覆01/28/2011 06:26:00]我D女個半月時每日會瞓兩次
9.30-11.00,13.30-15.00
呢到係舒韻嘅月誌,紀錄舒韻做到嘅野
有時我會寫埋時間表㗎
你可以睇下可以BB同平時做D咩:)
http://hk.myblog.yahoo.com/yenniedarkins/index?l=f&id=36
如果你夜晚放BB瞓,佢成個鐘都未瞓嘅,只要佢唔喊,咪由得佢囉~記得影曦以前都係咁㗎~我一放佢瞓覺,佢唔眼瞓話,佢會自己喺床到玩陣先瞓㗎~
我阿B就黎8個月,食同瞓既時間都仲係無咩規律,我已嘗試固定D時間,好似禽晚(今朝)佢around0330就醒要食,佢係之前2330食最後果餐... 佢而家大概食野時間: 0400-0500 -- 7OZ 人奶 0800-0900 -- 7OZ 人奶 ~0930 -- 果蓉 ~1200 -- 6OZ 人奶 ~1500 -- 6OZ 人奶 ~1530 -- 小吃(果蓉/YOGURT, ETC.) 1830-1900 -- 糊仔/粥仔 ~2100 -- 6OZ 人奶 2330-0000 -- 6OZ 人奶 (因為仲有好多冰奶,所以暫時要食多D奶奶) 佢瞓覺都唔係好定時,通常: 0900-0930 起身 -> 玩 ~1130-1200 食完就由得佢自己玩下/喊下就瞓 1500 - 1530 食->玩->小睡(有時唔肯瞓) 有時佢太眼瞓, ~2000 瞓,不過唔夠1個鐘就醒,跟住就好似CHARGE完電咁,掛住玩唔瞓,到我同佢DADDY做哂D野瞓覺時佢先會瞓... 佢Dnap都唔定長短,有時30mins,有時3hrs...我同佢一齊瞓果時就可以瞓得耐D...
ReplyDelete[版主回覆03/31/2011 05:37:00]唔好意思,啱啱先睇到你個POST添-.-
睇落又真係食多幾多奶喎...
BB到一歲左右會減到只食20安奶
一日4餐奶己經好夠
奶唔係好襟飽. 可以嘅話畀多D固體食物畀BB食
希望佢夜晚無咁肚餓,唔會喊食
可以嘅話規定返佢瞓覺嘅時間.
舒韻而家晏覺由12點瞓到3點, 但好多時佢兩點幾就醒咗
不過我無去抱起佢,佢會自己喺床到玩同睇書,到夠鐘我先抱起佢
喺床靜靜咁玩都係休息嘅一種:)
Yennie,多謝你回覆,我BB而家就黎9個月,情況好左少少... 佢而家: 0430~0500 5-6OZ人奶(如無night wake,就瞓住食) 0730~0800 6OZ人奶(瞓住食) 0830~0930 AWAKE,係床度玩 0930~1100 係living room自己玩 1100 6OZ人奶/糊仔 (開始加多餐固體) 1100~1200 nap(放佢係張床度,開音樂等佢自己瞓) 1200~1400 係living room自己玩,睇住我吸塵佢好開心 1400 6OZ人奶 1400~1700 nap(等佢自己瞓/有時我陪佢瞓,我瞓半至1個鐘就靜靜雞起身..) 1800 1碗粥 1830~2000 自己玩,我地食飯 2030~2200 係床度自己玩,有時會瞓著左30分鐘到醒.. 2200 6OZ人奶 -->關燈瞓覺 因為佢之前慣左晚9點幾10點食完最後果餐,1點幾至3點幾會醒要食,但又唔定時定量,所以而家我調整緊佢呢個習慣...
ReplyDelete[版主回覆04/02/2011 08:09:00]恭喜你~你有目標啦~相信日子不遠啦:)
要繼續努力呀:)
我個女快5個月, 佢極抗拒奶樽, 每次都喊成個鐘, 所以1個月前全泵俾工人餵一日5餐, 叫做好好多有時清醒都肯食. 不過大部份時間都要半夢半醒食奶. 夜晚最後一餐11點又要暗訓左至食奶, 順理成章跟住訓到朝早7點再食奶. 跟本無機會TRAIN 佢, 係日頭有時工人做野放佢係床, 眼訓就會自己訓著左. 咁可以點做SLEEP TRAINING 呢? 請指教指教
ReplyDelete[版主回覆04/10/2011 06:41:00]睇嚟你囡囡要瞓住嚟食奶, 係習慣嚟嘅啫.習慣唔難改! 記得我之前同影曦由埋身轉奶樽時,佢都唔肯食㗎! 佢餐餐都係咁喊唔食. 後來我就由得佢...佢喊唔肯食就由得佢唔好迫佢食. 佢隔咗一,兩餐都無奶食自然會肚餓, 到最後都乖乖就範食奶樽! 如果我係你,我唔會等佢半睡半醒咁餵, 佢喊唔肯食嘅就由得佢. 餓佢一餐半餐對身體影響㗎~仲對佢好-要畀佢知喺屋,一話事嗰個係你,唔係佢呀!!!
囡囡既然日頭可以自己訓, 即係佢夜晚都可以! 你夜晚暗咗佢瞓先餵奶, 咁"縱"佢法只會令自己愈嚟愈辛苦. 你要為自己著想下-狠心D同佢戒咗呢個壞習慣佢㕸!!!
大家都要
Hi, I have a 10 months old girl. Recently, I am very frustrated about her sleeping pattern. She used to be a very good sleeper. After the last bottle, I put her down in her crib around 9:30pm and she would sleep by herself without smoothing her. Recently ever since she learned how to sit herself up, she immediately sit up and play when I lay her down in her crib. She would not go to sleep by herself anymore. She also does that every night around 3am and I have to rock her back to sleep. Do you have any suggestion on what I should do? I share room with her. For her naps, she usually take very short naps (only 30 mins). I am very frustrated about that too. She is now taking about 3 naps a day and they are only 30-45 mins each. I heard that they should down to 2 naps a day at this age, but this is just not her case.
ReplyDelete[版主回覆04/10/2011 06:52:00]唔洗咁緊張~呢D現象好正常:)
BB愈大瞓嘅時間就會愈少~ BB夜晚你放佢瞓時佢會坐起身玩? 可能係佢唔太攰所以先會咁. 可以度度佢嘅NAP時間. 呢個年紀一日瞓兩次唔係指標, 無話一定只係瞓兩次.個個B都唔同,要睇返佢嘅需要同你嘅生活習慣.
其實我放D女瞓時有時佢地都會玩陣先瞓. 你知道佢喺個COT到係安全嘅, 其實佢瞓前玩一陣, 無傷害㗎~咪由得佢玩囉. 佢玩到攰咗就自然會瞓. 好多時我放舒韻瞓, 佢都會喺自己張床到同D玩具玩,又睇下書先瞓! 我放咗佢落床後就會離開房由得佢自己玩,自己瞓. 我D女有時半夜都會醒, 佢地會喺黑暗中玩(我而家都仲係同緊14個月嘅舒韻同房,所以知佢有時半夜會唱歌!), 玩到攰就自己瞓返. 就算係喊~可能係因為發夢啫,扮聽唔到,大部份時間我唔理佢地嘅,佢地都會自己瞓返著. 你唔好擔心太多~放鬆D去面對, 你就會覺得呢D其實真係唔係咩大問題!:)
我想讲讲我既情况，请大家比D意见！
ReplyDelete我儿子现在7个月。其实距训觉最大既问题系，距一定要系距张摇摇椅度等距训着左，先放反距上床度训。如果唔系，距未训着就放上床，距就会马上爬转。然后就会扶住床边企起身，系度叫或者喊。唔肯训。
仲有既就系，距而家半夜仲系要起身吃一餐奶。即系（距8点半左右吃完，9点训。半夜两3点就会醒，要吃奶，吃完就训到8点）甘样。唔比距吃，距就唔训，就算训，都会成日醒。
甘样我半夜就要起身喂距吃奶。好麻烦。
[版主回覆04/10/2011 07:02:00]請問你而家畀佢食幾多餐固體呀? 如果你能夠日頭畀多D固體佢食,襟飽D嘅, 佢半夜就唔會咁肚餓. 奶始終唔襟飽, 食完好快就肚餓呢!
講返瞓覺問題. 你囝囝係慣咗喺張搖搖椅到瞓, 呢個係你令佢養成嘅習慣. 習慣係可以改㗎. 你做得啱, 放佢喺BB床到畀佢自己瞓. 佢企起身, 喺床玩都由得佢. 你放咗佢瞓後就離開間房由得佢瞓. 佢玩到攰咗就自然會瞓. 佢喊,由得佢喊, 喊到攰咗佢又會自己瞓. 你囝囝日頭瞓幾多呀? 如果佢瞓得太多,夜晚唔眼瞓,所以咪會玩, 你留意返唔好畀佢日頭瞓太多, 佢瞓時應該係好攰好攰,而唔係精力充沛嘅, 咁佢自然就會好瞓著! 我個女日日放佢瞓時都超眼瞓㗎!所以好快瞓著呢!
我而家餵奶係一日5餐7/11/15/19/23 咁餵, 不過阿b都好似食得唔多, 唔想食奶咁. 您3個女唔會厭奶咩? 有咩trick 可以餵人奶餵咁耐? 好似我女咁佢用過奶樽好似就懶左唔願用力啜, 您咁早俾學習杯佢地用唔怕咩? 我都覺得您好叻, 我湊一個都已經好stress, 又驚無奶, 又驚佢唔食, 一係食得唔夠多, 您仲要湊3個tim......................
ReplyDelete[版主回覆04/12/2011 07:21:00]你放鬆D啦...與其傷神驚咁多野,不如花心思想想如何解決問題~
老實講,我喺英國未聽過厭奶期...係返到HK先知有呢樣野.3Q有時可能食少咗奶,但係唔需要擔心:)我地大人有時都無胃口啦,何況係BB呢!!! 我餵人奶時D女都無用過奶樽,所以幫唔到你. 我餵人奶可以餵到咁耐...因為相信我可以! 我有能力,梗係想畀最好嘅D女食啦. 不過就算餵奶粉都唔緊要㗎~BB都係會健康成長!
BB三個月可以畀學習杯佢地用-有咩好怕呢??? BB長期用奶樽嘅話會令佢地嘅門牙"倒及",影響牙齒生長. 好似tommee tippee等大牌子,為BB設計唔STAGE同用唔同嘅杯,BB用到呢D杯都係一種技巧嚟㗎~
你唔好咁緊張呀~記住BB唔夠食自然會食得多,唔需要同數字玩遊戲~BB有得奶就得啦~多少問題唔大~
我好煩惱呀，BB 而家識翻身，半夜訓訓下又或者夜晚好眼訓好眼訓，係無意識ge 時候自己翻左身，成個人扒轉左，跟住即刻喊！搞到我地都訓唔到，又唔可以唔理佢wor...驚佢焗親自己~...點算好呀！><
ReplyDelete[版主回覆04/12/2011 07:32:00]你會扒喺到瞓嗎? 我有時會㗎! BB都係一樣, 有D BB鐘意扒喺到瞓㗎.
我99話, 我老公細個時嘅年代,係E生叫畀BB扒喺到瞓,唔係平瞓㗎! 但隨住時代唔同,呢D ADVICE都轉咗. 我大嘅兩個女初生時都係鐘意扒喺到瞓, 只要肯定床仔到無枕頭等雜物就可以. 有D BB係鐘意扒喺到瞓,佢地個頭好自己會打側(佢地嘅本能,因為要呼吸)如果BB半夜瞓瞓下扒喺到之後喊,試下由得佢,見佢呼吸暢順就可以.如果BB唔鐘意扒喺到瞓, 可以喺日頭同佢做多D反身練習等佢習慣.
如困你都係唔鐘意BB扒喺到瞓嘅...可以選擇用大毛巾包住BB(好似初生BB喺E院畀姑娘包住咁),等佢無得轉身
以上只係個人意見, 並非專業意見!
好想今晚試下, 但要和太太商量下先 !
ReplyDelete[版主回覆04/12/2011 07:23:00]好呀~
夫妻同心,其利斷金!
我今日試左，阿B剛剛六個月，喊好耐都唔肯瞓，希望好似你一樣好快train到啦，之前就係心太軟以為BB仲細成日幫BB搵借口，1個多月樓上裝修成個月，3～4個月哥哥又放暑假，搞亂左time table，5個月又開始出牙仔以為BB脾氣差，搞搞下令到BB既日間小睡越來越小而且非常容易醒（不到1個鐘）日頭夾埋瞓唔到2個鐘，夜晚又隔2個鐘頭醒一醒，唔可以自己再瞓返，一定要媽媽抱抱同食小小奶，好煩好煩，以前兩個哥哥都唔洗train，自自然然自己set up到一個好好既time table，其實3個都係breast feeding，但細細佬BB就好難train，搞到而家頭都大晒，希望6個月train唔會train太耐同困難啦～
ReplyDelete[版主回覆10/11/2011 23:49:57]你咁有經驗~應該唔難train嘅~
加油呀!!!