大致上都會係一歲前嘅routine一樣
只不過係加咗個講故事啫
仲有開始train 佢時要全日or前幾日不停同bb講佢地大個啦，要自己瞓（同佢洗腦）
唔好似為佢地唔明，你講講下，佢地就會明
沖涼﹣＞講故事﹣＞瞓覺
我自己就咁嘅...
食完飯就同個女完一陣就同佢沖涼
如果餵人奶：
沖完涼就會放佢喺床，開住電視（放d同瞓覺有關嘅節目，e.g.in the night garden)同佢著衫，攬住bb一陣同佢一齊睇電視／玩（不過要盡量做d claim d嘅活動囉）
講故事，可以畀bb自己揀佢鐘意嘅書
我成日都會畀3-4本我個女自己揀，講就講１﹣２本，咁可以訓練埋佢自己做決定
講完就餵人奶後同bb講night night同i love you就放佢落床
如果餵奶粉：
沖完涼就會放佢喺床，開住電視（放d同瞓覺有關嘅節目，e.g.in the night garden)，畀奶佢食同同佢著衫，攬住bb一陣同佢一齊睇電視／玩（不過要盡量做d claim d嘅活動囉）
講故事，可以畀bb自己揀佢鐘意嘅書
我成日都會畀3-4本我個女自己揀，講就講１﹣２本，咁可以訓練埋佢自己做決定
之後就同放bb講night night同i love you就放佢落床
閂窗簾，熄燈，閂門（盡量令到間房黑嘅），走人（千其唔好留喺同一間房！bb感覺到你喺到仲會喊得勁d）
閂咗門之後就唔好入去，直至肯定bb瞓著先好去check佢
當年我大女成５個月我先意識到可以train佢自己瞓，唔洗我暗（多得我９９提點！）
第一晚，影曦喊咗成個鐘先至放棄，喊到攰先自己瞓著
第二晚喊咗二十分鐘
如是者，一個星期就學識咗自己瞓
我個膀頭從此得到解脫！
要注意：
bb一定係瞓喺自己嘅bb床到，咁佢就唔會爬到出嚟，咁先至安全
一定要好忍得bb喊聲（我９９同我講，bb喊可以練佢地嘅肺﹣未必真係有科學根據，但就真係令我個心好過d）
嗰時我都未慣聽bb喊聲，聽到都會心酸
但９９同老公都同我講，如果忍唔住去睇佢，就即係對自己殘忍！
我個姑仔以前仲誇﹣佢閂咗門後去隔離房戴headphone聽歌，咁佢就聽唔到bb d喊聲！
train之前一定要同老公傾好，唔可以因為你／老公嘅心軟而破壞咗原本嘅計劃！咁你地就可以互相支持。咁會好辦事d！
祝大家好運！
我其實唔多主張比bb睇電視, 只會我完全分身不暇時先會比電視佢睇, 係英國train bb 一個人瞓可能會好d, 係hk會比人投訴做乜bb喊咁內都唔去理佢!
ReplyDelete[版主回覆01/20/2009 01:15:00]我就無計，好多時煮飯我都要畀佢地睇 咁我先會可以安心咁煮好餐飯 臨瞓前同小朋友睇電視係cuddle time，所以我都覺得無咩問題 只要你同佢地一齊見，你會同佢講野，睇電視唔係咩壞事 我大女其實好多嘅對話都係睇電視學返嚟，佢比同齡嘅小朋友講野方面都比較叻（可能係因為佢只係講英文，唔係 bilingual咁教佢啦） 講真就算bb喊都係喊頭嗰幾晚 我通常都唔會開窗...鄰居無機會聽到佢喊（我兩個女一個月都唔會喊一次...哈哈哈！）
其實我都好想train敏敏, 但係敏敏唔使哭几分鐘,佢就會嘔, 所以無計.佢可以半夜把7點鐘吃掉的東西全嘔出來, 好得人惊.
ReplyDelete[版主回覆01/22/2009 01:41:00]靖翹之前都試過喊到嘔 不卜咼係因為佢自己食得太多野！ 我地好諗無見啦 你幾時得閒呀？ 我住呢到有個playgroup係我地d媽咪自己攪嘅，逢星期二１０點至１２點 你地得閒嚟嗎？
係呀, 好耐冇見啦.
ReplyDelete我對個playgroup都好有興趣, 你哋自己租會所搞的嗎? 好想知詳情呀.
[版主回覆01/23/2009 00:39:00]我地班媽咪喺會所以playroom攪 我地無另外租房，所以唔洗錢，而且本身己經有d玩具喺到，都幾好玩嘅 我地會唱下歌，講下故仔，畫下野，食茶點咁，好causal㗎 （其實好多時都係我地班媽咪傾計囉~） 下個playgroup喺３／２，你想join嘅１０點左右喺一期會所門口等~打畀我啦！
好嘢, 又可以同敏敏去玩, 不過3/2那班我join唔到, 因為果日係敏敏18個月大, 要到幼兒園入form呀. 我哋會join再下一堂,電話聯絡啦, thx in advance.
ReplyDelete[版主回覆01/25/2009 02:06:00]好呀！遲d見！
但我個囝不願在床上講故事。你會選什麼書？請分享下
ReplyDelete[版主回覆02/07/2009 01:23:00]我細女仲瞓緊bb床 佢間房另外有張雙人床 我通常喺嗰張床同佢講故仔 有時我個女都會喺張床到跳，不過我都會照讀 讀讀下佢就會自己過嚟 睇咩書？我遲d開多個post講我揀咩書啦！ 其實都好睇你想bb睇咩書 我有好幾本認形狀，顏色，食物等書仔 又有d鏡嘅，有得拉「機關」嘅，有唔同質地布料嘅，有d小頁可以打開嘅，有d可以砌下砌圖嘅，有d關於聖經故事且節日嘅 仲有d佢鐘意嘅卡通人物嘅書，好似in the night garden, teletubbies, winnie the pooh, disney 人物同公主... 我屋企真係有個英文兒童圖書館喺到＝。＝
Hi 你好嗎? 話咁快我都生咗個BB 啦, 所以回顧一下你既Blog, 見到呢篇講到你奶奶叫你唔好心軟, 我都希望我有個咁既奶奶囉, 因為心軟嗰個係我奶奶, BB 一喊就走去抱佢同"un"佢, 攪到夜晚同我湊個陣都要咁佢先瞓...
ReplyDelete[版主回覆01/22/2011 07:26:00]我都幸慶我有個咁嘅99呀!
相反如果我屋企人喺到...佢地都會係咁話我,要我抱起喊緊嘅BB呢!我之前都因為咁同屋企人鬧過...結果鬧走咗佢地...
但最後,佢地見到我D女好乖會自己瞓,都明白我當初嘅苦心:)
多谢你的分享。我都是喂人奶，从一开始到14个月，都食住就训着。可是最近我bb食完都唔训，边有甘多奶。不过放上床仔要人陪在旁边先肯训，否则大喊。如何是好？
ReplyDelete[版主回覆10/12/2011 20:32:54]會唔會係小朋友朝早瞓得太多？可能如果佢朝早瞓少啲，夜晚會好瞓啲，亦會快啲入睡:)
小朋友要人陪瞓係習慣，習慣係可以改嘅~試下做晒個bedtime routine, 幫助小朋友容易啲入睡呀！
我初初train大女時頭嗰幾日佢地係大喊，仲要係喊成個鐘喊到攰先瞓，不過一星期佢就習慣咗自己瞓，以後都唔洗陪瞓／暗佢瞓:)
你要加油呀！
我剛剛相反，我對女一歲前乖乖自己瞓，但係13個月左右，大孖扭計喊要求同瞓，細孖就仍然自己瞓，瞓咗一排，honey覺得細孖好慘同唔公平，所以索性放兩張大床一家四口一齊瞓，而家17個月大，就黎又冬天，所以我諗同瞓都有一段時間。
ReplyDelete[版主回覆10/24/2011 08:39:42]我有朋友又係有對孖女，孖女兩歲前佢一路都係同佢地瞓，佢先生自己瞓
佢足足用咗一年時間去訓練返孖女自己瞓
當然有啲人係鐘意同小朋友瞓，有啲大人想有私人時間同空間，畀小朋友自己瞓。
我細女都試過想同我瞓，會喊好耐都唔瞓，但我唔想佢得寸進尺，最終佢都係要聽我話自己瞓返:D
I am having the same routine as yours. and have gone through the same training. My problem is mostly during day time naps. She was so scary to see nobody in the room with her. She cried 2+ hours for each nap. I tried that for 2 weeks and eventually had to give up. Thank god, I have no issues with night sleeping. She can sleep on her own like your daughters do. She is also on Gina Ford schedule. Sleep at 7pm, but she normally wakes up around 6:15am, can't sleep til 7am. she is now 12 months.
ReplyDelete前陣子在facebook發現到你文章,跟住就入左你個blog到睇,好多對我黎講都好有用,我有時候在facebook到想留言問你些問題,但我不是你朋友,所以留不到呢,我現在女兒剛剛19個女,想train佢自己一個人訓.以前佢飲人奶既時候,佢飲完戟就放低佢,熄燈,開音樂,跟住我就走人,佢唔會cry的,但停左飲奶之後,我就要stay in her room,要陪佢,唔洗暗,我就偷偷地就人,但而家佢開始發現到我偷走,就唔俾熄低,要望住我訓,如果唔係佢就會唔收聲,而家我就開night light俾佢,但我開始由得佢叫,巴同佢晚佢叫好耐,尋晚鞐就10分鐘以內,你覺得其實係由得佢cry好,定係點好呢
ReplyDelete[版主回覆02/07/2013 00:14:23]我而家轉咗setting,任何人都可留言啦
[版主回覆02/07/2013 00:12:13]由得佢喊啦，攰就會瞓
日頭最好畀佢玩多啲，帶佢去公園，佢瞓時攰，就自然喊少啲:-)