十分鐘煮出棉棉粥

相唔相信十分鐘可以煮到咁棉嘅粥？
上兩個星期，我見到網友Winki Chang喺佢status寫咗呢個煲粥方法
非常吸引，我決定一試~



事前準備：
以1：2之米：水比例，將其倒入食物袋



封口放入雪格備用
（原理係米喺變冰前吸咗啲水，到加漐時水會澎漲迫爆米，所以咁快就煲到棉棉粥！）



要用時喺雪櫃攞出
煲4份水左右（可能要加多啲）
將舊冰咗嘅米+水放落水到煲


5分鐘之後就咁...






再5分鐘之後就咁嘅樣啦！！！



呢個時後加入新鮮材料
一粥靚粥~話咁快就煲好！
真係煲粥都變快餐！
我以後都會長期放包冰米喺雪格啦喂~

Oreo 雪條

嘩！呢種Oreo雪條簡直係夏天嘅real treat!
好易整，小朋友一定好鐘意！


材料...
Orea 數塊（除你鐘意，我用咗6塊）
Whipping Cream 一盒（會有剩㗎）
糖  隨意
呍呢嗱香油 少許

呢個recipe 非常"forgiving"， 所有野嘅份量都可以好隨意
因為整多咗嘅...可以放落其他容器存放，當雪糕食！

先係將whipping cream 加糖打起，打到咁嘅樣，加入少少呍呢嗱香油
（加幾多糖隨你，可以自己試味）


將Oreo 放入食物袋，用毛巾包住打碎（3A最鐘意做呢個動作！）




攪埋一齊就放入雪條模~



整多咗嘅可以入落食物盒，下次再食

雪好就攪掂~

玩具箱

taste送貨，用上了這種盛香蕉的紙皮箱，蠻穩固的！
由於紙箱中間有個洞，就加了紙皮在底部，包上花紙，就成了玩具箱♥
如果用布包住，會更美觀呢♥

閒時執膠粒

喺加拿大住嘅表妹返咗嚟，呢日佢嚟咗我屋企
就帶下佢去沙灘行下...點知見到好多膠粒！！！
咁...我地就喺乜工具都無嘅情況下...用執到嘅花做兜，裝起執到嘅膠粒


執到就天黑...
大家都只係執到咁少
下次我地會帶齊工具嚟，再大戰膠粒㗎！！！

相架髮夾／耳環架

整開有條癮~
今晚又整多咗個相架髮夾架
今次用上蕾絲（lace)，仲可以掛埋耳環~



材料...
相架: 吉之島十二蚊店(我塗了顏色)
花紙: 拆禮物時留下的
絲帶數條~有啲人地包禮物時用剩~（自已襯色啦！）



拆咗相架嘅包裝
內裡有張紙皮
我用二手禮物紙包住



呢張係用過嘅禮物紙，所以有條痕，仲要有Willow個名
不過唔緊要~用絲帶遮一遮，乜都無晒！
打直呢條絲帶，我用雙面膠紙黐穩
之後我就放塊膠片喺面



其他打橫呢幾條就只係喺後面黐實
用熱溶膠黐最好，不過我懶，今次只係用咗膠紙，一樣OK！
*記住絲帶下面有層膠（除相架附送），咁會保謢到張靚靚紙



後面就係咁嘅樣㗎啦！



放返張紙皮入去相架到



咁就攪掂啦！！！
真係好鬼易，又靚嘅啫~

長裙形髮夾架

3A太多髮夾啦~
上次去朋友屋企見到佢有個類似嘅髮夾架，實在太正！
返到屋企就整咗兩個~
材料都係喺屋企搵嘅，無專登買㗎~
都唔難整:)



材料：
cardboard (我用亞女玩具包裝剩返嘅，recycle,環保嘛！）
絲帶數款
布碎一塊（用舊衫都得...上圖左邊嗰條其實係我老公穿咗孔嘅舊衫嚟㗎！）
花紙（右邊嗰條我用咗摺紙，左邊嗰條我用咗包過禮物嘅禮物紙）
工具：
𠝹刀、剪刀、雙面膠紙、熱溶膠、針線、白膠漿



先用cardboard cut咗上身嘅形先
剪出一塊布（記住要heat seal，咁唔會咁易甩線），有下圍嘅2.5倍，用走針連起後打結

襯下絲帶先~
而家就定下你想加幾條絲帶
髮夾就係夾喺呢啲絲帶到㗎啦
剪咗啲絲帶，又係要heat seal! （用火燒一燒頭尾，咁唔會咁易甩線）



剪出一條比腰出少少嘅絲帶，用熱溶膠黐好定位
絲帶嘅尾部我都有摺住用熱溶膠黐黐，甩線機會更少，同埋整出嚟靚啲
喺背面用熱溶膠黐好腰帶



[都係背面]再黐好埋條裙



前面就係咁嘅



dada!



呢條裙上身我用摺紙，因為唔夠大，所以就要有少少剪裁



咁樣黐好
彎佔要剪一格格
用白膠黐好一格格（下兩張圖咁黐）



前面係咁



後面係咁



用絲帶遮遮條邊先



再喺“膀頭位”用熱溶膠加上掛項絲帶就完成啦！！！



而右邊嗰條我就用咗個唔同嘅方法整...



一起手就用雙面膠紙黐咗成條裙先（呢張紙係花紙，所以大張啲，可以一次過貼晒）
跟住我就直接用熱溶膠黐絲帶同條裙落去
少功夫，快好多呢！

摺紙~心心戒指（有片）

呢排的確係好手痕，整咗好多DIY野~
同大家分享下：）
今次講下點摺中上方嘅心心戒指～
我錄咗video,放咗喺youtube呀！
記住訂閱我嘅youtube頻道！
我以後一路都會做好多有趣嘅教學㗎：）

http://youtu.be/CI8dG1KZEBo