各位好！因為地址唔清楚嘅問題，我地攪咗兩個星期先上到網！
我地搬咗lu，呢個係廳嘅景
我地搬咗去南區，一個我完全唔熟嘅地方
相信要一段時間先可以摸熟個地頭同識到朋友
***
要讚下老公嘅搬屋安排
佢請咗幫我地pack埋野嘅公司嚟同我地搬
（佢搵咗五間公司報價，最平嗰間竟然係唔計樓梯費仲幫你pack埋野嘅公司！可能佢搵嗰啲都係講英文嘅搬屋公司，所以所有報價都係「天價」！）
今次搬咗＄８０００左右，真係幾嚇人！竟然係最平嗰間
有間報＄８５００， 再加一層＄６００樓梯費@.@
雖然貴，但呢間真係幾好
我帶咗靖翹同舒韻出去，影曦話要幫老豆手搬屋-.-
9點佢地嚟到，我就走人
我去咗東涌到搵朋友飲茶（其實係因為要返幼稚園攞返張學券！）
飲完茶行陣就返新屋。老公話佢地好快手，１點就攪掂晒！
一去到所有傢c都放好晒，d箱都放晒喺相對嘅房等住我拆
我執咗３日左右就執好晒間屋啦！
d女都適應得好好好好，佢地見到成年無玩過嘅玩具，好興奮！
日日呢喺屋企玩玩具都願！
屋企樓下就係海灘，啲水都幾清！
不過一落水就有野咬...真係要小心啲
去玩沙好囉！
屋企樓下仲有泳池，今個星期我地己經４日水啦！
正！
不過我仲攪緊d女嘅入學野
攪掂我先打多啲blog啦：）
咁你日後仲會唔會搬返英國住呀??
ReplyDelete[版主回覆08/30/2011 22:18:00]希望唔會啦 唔係唔鐘意英國呀，係唔想搬嚟搬去啫！ 搬屋好攰，搬country更攰！
wa!!! very very nice house and enviroment!!!
ReplyDelete[版主回覆08/30/2011 22:19:00]我呢間flat嚟㗎咋！ 得兩房，唔係好大 不過唔緊要，夠住就得~ 間屋細做少好多家務呢lol
可能佢搵嗰啲都係講英文嘅搬屋公司，所以所有報價都係「天價」！ 如果你去找說中文的就可以找便宜一點的了。 想問南區那裡呢？我對交通較為熟悉，希望在這方面可以幫到你。
ReplyDelete[版主回覆08/30/2011 22:24:00]我都明白呀 我初初都係同佢講我會搵搬屋公司 嗰時我仲係喺英國，要我搵嘅要打長途問 我老公話唔好，佢話唔可以成日靠我，佢話佢都可以搵到，我要學識放手畀佢做，畀多啲責任佢 事實上都係嘅，佢搵搬屋公司，佢搬屋，今次搬屋過程我一啲都無幫手，實在係輕鬆好多嘅！ 錢真係要畀多啲，但係我就學識咗放手畀老公做多啲野 以前佢連call的士都要我打去call，而家佢喺屋企算做多咗野 連水電媒同now tv都係佢自己打上去cut 我明白我講中文係會易啲，但我諗...係時候都要畀返啲家庭責任佢負啦lol
我都係住南區嫁．．．南區地方真係好好嫁～
ReplyDelete[版主回覆08/30/2011 22:25:00]我仲未摸熟...只係成日去同一個地方@@ 相信要一排先可以熟囉
welcome back!
ReplyDelete[版主回覆08/30/2011 22:25:00]叮橋！
I also live on island south, welcome!!
ReplyDelete[版主回覆09/03/2011 20:38:00]hihi！鄰居lol
" 我都明白呀 我初初(略)" 原來如此，不妨鼓勵你老公學廣東話，那麼在香港生活便會方便多了。 南區挺大的，不同地區的交通條件也有挺大分別。 香港仔、黃竹坑、海怡半島、鴨脷洲、利東邨、華貴邨、田灣邨、華富邨、置富花園等地區交通較為方便，大多有巴士小巴前往港島北岸地區(由堅尼地城至東區)和旺角，部分更有巴士前往東九龍和沙田；赤柱和舂坎角不算差但比不上上述地區(只有一條過海線)且車費較貴，石澳的交通最不便且交通費開支更多…… 希望以上令你對南區的交通有一點了解。
ReplyDelete[版主回覆09/08/2011 00:34:00]我老公有跟我學㗎，但係佢都係識少少㗎咋！可以買到個m記餐咁囉lol 哈哈！多謝你嘅資料！我而家搭車都係用個「搭車好幫手」嘅app幫我搵車搭~都ok好用㗎！不過我都係搭小巴出銅鑼灣多~快呀嘛！
好開心妳搬回港住啊~
ReplyDelete見妳一家再住埋一齊,都為妳高興~
[版主回覆09/08/2011 00:34:00]多謝晒呀！
好開心見你番左黎，我都好耐無睇人地d blog，今日心血來潮睇^^ 見你一家人禁融洽，"鄧"你高興呢!!
ReplyDelete[版主回覆10/01/2011 21:59:00]多謝晒呀~多謝你嘅支持！xxx