尋日啱啱識咗一個媽咪，識咗佢五分鐘佢就咁同我講...
無錯，我係要等半年佢先可以返，但我唔會畀佢返N班
見到好多同舒韻同齡小朋友嘅媽咪周圍報緊N班，我不為所動
好多人以為我一個湊三個好辛苦（我唔覺辛苦㗎），以為我會一等到舒韻兩歲就會送佢去讀全日...佢地實在太唔了解我
影曦１２月出世，當年佢係大仔，佢到而家都係全班最大嗰幾個
佢到３歲８個月先讀K1㗎
佢咁遲入學唔係因為佢學習問題，唔係因為我唔捨得放手
只係覺得，３歲幾嘅佢仍然好細，想多啲時間陪佢
佢地一開始返學，一返就返十幾年㗎啦，自覺唔需要太早返
好想佢有個開心嘅童年，趁佢細個周圍同佢去玩玩玩，等佢有個美好回憶
而且自律，自理，群體生活等喺屋企都可以學到，唔一定要返學先會學到
我去報幼稚園時見到一個媽咪去幫囝囝報n班，個工人睇住個細路喺play area 到玩。個小朋友喺５分鐘內發咗３次脾氣@@
佢玩完架紅黃色嘅車幾分鐘後走咗去玩其他野，舒韻咪走去玩架車囉，點知佢一見到大叫，衝去舒韻到推佢@@
舒韻瞄咗佢一瞄無理佢繼續上車...個老師見到話要管教下佢，個媽咪就話，所以佢個囝咪要返n班，畀學校管教下佢...聽完真係o晒咀。
而家好多家長都依頼學校去管教小朋友。小朋友係自己嘅，管教嘅責任應該喺我地到，唔可以就咁推個波畀學校。
自己寵壞咗佢就想靠學校
教返好小朋友？咩道理嚟㗎？
呢排出親街都畀人問係咪自己湊三個，有無工人幫手等問題
另外一個就係...咁係咪去親邊都要帶住三個呀？
其實無論生幾多個，湊幾大個，照顧小朋友嘅責任都係喺我地父母身上。生得出，就要負上照顧同管教嘅責任。小朋友唔係一件附屬品，唔係一件玩具，唔可以話你想同佢玩就玩，唔想時就掉畀工人或祖父母湊。人地湊得唔好就喺網上數人...
教小朋友係一門大學問，無人一開始就識。唔識教嘅就多啲睇書，同有經驗嘅人傾下...大家都要努力呀！！！！！！多啲珍惜同小朋友相處嘅時間呀xxxxxxxxxxxxxxx
Yennie......我超級認同妳既講法，絕對正確。
ReplyDelete[版主回覆09/08/2011 00:39:00]thank you xxxxxx
好同意你講生得出小朋友就要負起湊佢的責任，但我覺得養育同教導都有好多方法，而且，有工人的媽咪唔等於就係卸責或者唔盡責任，須知道呢個世界有好多種人，老實講，唔係個個都好似你咁享受湊細路仔，我相信現代好多父母都在能力範圍內給予小朋友最好的東西，當然不只是物質，也在能力範圍內希望把小朋友教好。我覺得搵到一個方法湊小朋友湊得自己開心又盡心教導佢就無問題，因為我覺得照顧小朋友的人開心與否，小朋友係感受得到的，如果湊小朋友的人生活平衡、心境開朗，小朋友係可以感染到的。當然，像你那麼享受湊小朋友，小朋友也能感受到。但如果有些人在能力範圍內可以請到工人幫忙，減輕自己照顧家庭的壓力，分擔一下家務，甚至有時候照顧小朋友，我完全覺得沒有問題，只要教的任務仍然落在自己身上，也分配足夠的時間去倍小朋友就OK。我識得好多媽咪就算係FTM，都有請姐姐幫手，佢哋都教得小朋友好好。再者，現代人的生活有好多嘢兼顧，如果有人幫吓手，有時都可以有返d同老公的時間，同朋友的時間，享受一下自己的興趣，只要搵到個平衡點就無問題。 我知道在外國好少人有helper，因為政府政策唔鼓勵，所以好多外國人都一腳踢，如果兼顧到當然無問題啦，有人係家務能手又能夠湊好細路，我絶對佩服！不過，外國人來到香港請helper幫手湊細路的亦大有人在，咁都證明如果有得揀，佢哋有部份都覺得有人分擔會輕鬆D。我覺得做媽媽的，找到一個自己快樂的育兒方式對自己、對小朋友都係好事。 我唔知道你本身係咪好反對別人請工人幫手湊BB，只係其實好多人都覺得如果能力範圍內可以請到，幫輕吓自己亦無妨，所以，你都無需咁介懷別人詑異於你無工人，這真是大部份人請工人的想法。 和你分享一篇文章，看了後，我更覺找到自己合適的育兒方式便足夠，無需理會別人怎樣看，沒有一個育兒方式是絶對正確的..... http://happypama.mingpao.com/cfm/relation3.cfm?File=20071104/spea/oga1.txt
ReplyDelete[版主回覆09/02/2011 00:28:00]哈哈！多謝你嘅分享！ 請工人嘅，我自己覺得係請工人幫手做家務好囉，湊小朋友嘅自己睇返就最好。當然如果經濟環境唔許可嘅，咁就另作別話啦。我都有朋友係ftm，都有請工人，但工人只做家務，小朋友佢自己睇返，都湊得好好㗎:)我今次其實主要想講係香港人嘅依頼性心態，成日靠人去教自己小朋友，係責任問題，而唔係針對工人問題 記得我初初湊影曦時都有吃力嘅時候，都唔太享受做ftm...但係一路湊，自己湊小朋友嘅心態慢慢改變。搵啱咗適合自己嘅湊小朋友方法，學習享受（好重要！），珍惜同小朋友相處嘅時間...我係過來人，只係想同各位講下要自己湊小朋友，可以好輕鬆同好開心:) 個個人嘅生活習慣同對事物睇法都唔同，唔可以單單話請工人係件唔好嘅事。我同意你話「 找到自己合適的育兒方式便足夠， 沒有一個育兒方式是絶對正確的 」㗎，大家過自己滿足嘅生活就可以啦！
support you, i do want to let my daughter go to K1, not N1. She is 01/2010 bb.
ReplyDelete[版主回覆09/08/2011 00:40:00]thank you!!!!!!!! 咁咪會同舒韻同年返學囉~
真係好贊成你講法!依家有d啊媽真係好有問題>.<我都係諗住個女讀k班,不過d其他媽媽係咁叫我比佢返n班>.<
ReplyDelete[版主回覆09/08/2011 00:41:00]唔好理人點睇~ 有時有啲媽咪請工人睇小朋友，工人又hea住睇 咁嘅話...又真係返N班好啲嘅...好過對住個姐姐掛
你這類家長真是香港裡難得的清泉。
ReplyDelete[版主回覆09/08/2011 00:42:00]你太誇獎我啦！我只不過係一個普通嘅婆仔C9 LOL
第一次留言...
ReplyDelete最近婆婆不能湊兩個孫, 我自己放假湊了一個月, 1個2歲幾, 1個歲幾, 出親街都勁多人望住我, 帶佢地去買餸食野, 好似異性咁稀有, 有一日, 有個工人係lift內問我: 你自己帶呀? 我話係呀, 佢用極度讚嘆的語氣答: 好厲害呀!......係hk呢個社會, 自己湊無工人跟住做亞四簡直係少中又少...我兩個囡都無讀n班, 大囡剛入k1, 完全不會比有讀n的差, 自理能力還要好一點...其實好多家長驚死執輸, 唔讀n就好似差d咁...當然, 如果屋企無人好好照顧 (不論係工人還是老人家), 讀n班可能係惟一出路o既...幸好我兩個囡有個好識教佢地o既婆婆, 咁就唔駛人仔細細就返學....
[版主回覆09/20/2011 21:40:00]你好~哈哈哈！我今日同亞女學校啲女c先傾完呢個問題 係幼稚園啲老c話覺得小朋友唔需要讀n班（倒自己米lol） 相信你嘅決擇係明智嘅~
哈哈，估唔到現在這年頭還有和我當年想法，我女都沒有讀N班甚至play group 。因我理念同你編日誌相同，我令願花多D時間和她相處和教她一些規矩，好過將這責任交比學校。現在我眼見D人好似瘋了，去play group 年鑡越來越早。半歲人仔就要......唉！咁不如唔好生好過。現在吹世好似唔讀過play group就難入謮N班咁，咩世界？？？
ReplyDelete[版主回覆04/12/2012 01:35:41]哈哈！我地不隨波逐流~眾人皆醉我獨醒~