我開英文手工故事班呀！

要重出江湖教返畫啦！！！

我自１４歲開始教畫，一直教到２１歲先過英國，得閒時之後都一直有義務喺英國教手工（喺教會呀！）﹣＞１３年經驗呀！

而家返到香港我又出返嚟教啦！

我喺朋友嘅補習社開班，主要畀幼稚園同小學生參加

課堂會用英文教，會講故事，做個有關故事嘅活動同手工，再叫小朋友幫手講返個故事出嚟，鼓勵佢地講英文

佢地會學到生字同英文日常用語，又有手工做㗎：）

嚟緊呢個星期日會有個免費試堂party，大家可以參加~

時間係

幼兒組：4/9　（日）3.00-4.00

小學組：4/9　（日）4.15-5.15

正式上堂就係逄星期六

幼兒組：10.30-11.30　　*幼兒組係三歲以上㗎！

小學組：11.30-12.30

$480/4堂 + $30材料費

地點：長沙灣青山道339號恆生青山道大厦六樓608室

如果大家有興趣，請以私人留言回覆，留低小朋友名同幾多歲

我會留個電話畀你地打去問:)

多謝！！！

責任

「你仲要等半年舒韻先可以返學。」

尋日啱啱識咗一個媽咪，識咗佢五分鐘佢就咁同我講...

無錯，我係要等半年佢先可以返，但我唔會畀佢返N班

見到好多同舒韻同齡小朋友嘅媽咪周圍報緊N班，我不為所動

好多人以為我一個湊三個好辛苦（我唔覺辛苦㗎），以為我會一等到舒韻兩歲就會送佢去讀全日...佢地實在太唔了解我

影曦１２月出世，當年佢係大仔，佢到而家都係全班最大嗰幾個

佢到３歲８個月先讀K1㗎

佢咁遲入學唔係因為佢學習問題，唔係因為我唔捨得放手

只係覺得，３歲幾嘅佢仍然好細，想多啲時間陪佢

佢地一開始返學，一返就返十幾年㗎啦，自覺唔需要太早返

好想佢有個開心嘅童年，趁佢細個周圍同佢去玩玩玩，等佢有個美好回憶

而且自律，自理，群體生活等喺屋企都可以學到，唔一定要返學先會學到

我去報幼稚園時見到一個媽咪去幫囝囝報n班，個工人睇住個細路喺play　area　到玩。個小朋友喺５分鐘內發咗３次脾氣@@

佢玩完架紅黃色嘅車幾分鐘後走咗去玩其他野，舒韻咪走去玩架車囉，點知佢一見到大叫，衝去舒韻到推佢@@

舒韻瞄咗佢一瞄無理佢繼續上車...個老師見到話要管教下佢，個媽咪就話，所以佢個囝咪要返n班，畀學校管教下佢...聽完真係o晒咀。

而家好多家長都依頼學校去管教小朋友。小朋友係自己嘅，管教嘅責任應該喺我地到，唔可以就咁推個波畀學校。

自己寵壞咗佢就想靠學校

教返好小朋友？咩道理嚟㗎？

呢排出親街都畀人問係咪自己湊三個，有無工人幫手等問題

另外一個就係...咁係咪去親邊都要帶住三個呀？

其實無論生幾多個，湊幾大個，照顧小朋友嘅責任都係喺我地父母身上。生得出，就要負上照顧同管教嘅責任。小朋友唔係一件附屬品，唔係一件玩具，唔可以話你想同佢玩就玩，唔想時就掉畀工人或祖父母湊。人地湊得唔好就喺網上數人...

教小朋友係一門大學問，無人一開始就識。唔識教嘅就多啲睇書，同有經驗嘅人傾下...大家都要努力呀！！！！！！多啲珍惜同小朋友相處嘅時間呀xxxxxxxxxxxxxxx

安頓好了

各位好！因為地址唔清楚嘅問題，我地攪咗兩個星期先上到網！

我地搬咗lu，呢個係廳嘅景

我地搬咗去南區，一個我完全唔熟嘅地方

相信要一段時間先可以摸熟個地頭同識到朋友

***

要讚下老公嘅搬屋安排

佢請咗幫我地pack埋野嘅公司嚟同我地搬

（佢搵咗五間公司報價，最平嗰間竟然係唔計樓梯費仲幫你pack埋野嘅公司！可能佢搵嗰啲都係講英文嘅搬屋公司，所以所有報價都係「天價」！）

今次搬咗＄８０００左右，真係幾嚇人！竟然係最平嗰間

有間報＄８５００，　再加一層＄６００樓梯費@.@

雖然貴，但呢間真係幾好

我帶咗靖翹同舒韻出去，影曦話要幫老豆手搬屋-.-

9點佢地嚟到，我就走人

我去咗東涌到搵朋友飲茶（其實係因為要返幼稚園攞返張學券！）

飲完茶行陣就返新屋。老公話佢地好快手，１點就攪掂晒！

一去到所有傢c都放好晒，d箱都放晒喺相對嘅房等住我拆

我執咗３日左右就執好晒間屋啦！

d女都適應得好好好好，佢地見到成年無玩過嘅玩具，好興奮！

日日呢喺屋企玩玩具都願！

屋企樓下就係海灘，啲水都幾清！

不過一落水就有野咬...真係要小心啲

去玩沙好囉！

屋企樓下仲有泳池，今個星期我地己經４日水啦！

正！

不過我仲攪緊d女嘅入學野

攪掂我先打多啲blog啦：）

撤英返港

各位好!又講下近排閃咗去邊樹先...仲乜我呢排寫少咗咁多BLOG?

其實要由7月20號講起...

話說嗰日之前我觀察到屋企人有異樣...我一早起身,7點已經同啲女換晒校服準備返學

我都勁快手化咗個"早晨全妝"...

約七點半,有人拍門,我叫晒啲女同一齊開門...

一打開門佢地個個開心到彈起!

老公飛咗過嚟接我地! 佢想畀個驚喜我,同我講8月3先到

但我太醒啦...畀我估中咗佢嗰日到LOL

就係咁我地喺UK玩咗三個星期(其實無咩做特別野,係佢見下兩個女學校,畀佢接送啲女返學,去下公園咁啫)

我啲朋友個個約我地出去"最後見面",我地又提早咗攪靖翹生日會喎,之後就係咁執行李...

喺靖翹生日喺執行李中渡過!第二日我地就飛啦!

今次我地係全家搬返香港呀! 希望唔洗再搬嚟搬去

搬屋我唔係太介意, 搬"國家"先煩呀!!!

大大話話喺6年間我搬咗4次...香港->英國->香港->英國->香港!

FAREWELL都好密下...其實搬咗咁多次, 覺得自己每次離開都會比上一次無咁傷感

因為我知以後大家仲可以見, 唔係生離死別嘛!

喺呢一年間喺英國識到一大班好好好好嘅朋友

佢地個個都叫我唔好走,我都好唔捨得!

真係好開心識到班真心嘅朋友!!!

6299又對我同3Q好好好好,幫咗我地一家好多

幸福唔係必然㗎, 要靠自己努力爭取

希望今後大家有個好嘅新開始!!!

嚟緊我會忙於搬屋同攪入學,買校服之類嘅野,都未必有時間成日UPDATE!

我地SETTLE好晒就會寫返多啲㗎啦:)

<-攝於機場

P.S.大家如果喺街到見到我, 希望大家唔好叫我, 喺到留個言好啦

之前畀人點過相,有少少陰影...希望大家多多體諒!

PINATA

啱啱有BLOG友問起有關PINATA嘅野,順便講下PINATA係乜東東

PINATA係墨西哥玩意(亦有傳源於中國), 以前喺宗教節日同喜慶時會打PINATA

而家歐美好多人生日,結婚等等都會玩

傳統嚟講PINATA係用CLAY嚟做嘅,但係因為安全問題,而嘅係用紙.PINATA內會有糖同小禮物.以前喺大多都係星形,但而家加入咗商業元素,多咗好多卡通人物. PINATA嘅真正玩法, 係要打PINATA嘅人矇眼,原地轉幾個圈, 周圍嘅人唱歌, 喺一首歌嘅時間內打PINATA. 打唔爛嘅話就到另一個人打...

由於安全原因,而家畀小朋友玩嘅PINATA都轉咗做拉繩嘅.打PINATA個人覺得好玩好多,不過真係要啲小朋友行開啲,唔好畀人打親!同埋我畀小朋友玩時都無矇眼, 無轉圈, 個個小朋友打一兩下,唔會過激~佢地個個都好守規,排住隊耐心咁等,佢地個個都好鐘意打! 打爛咗後啲糖會四散,小朋友就衝前去執囉~

打嘅PINATA爛咗唔可以再用,拉繩可以!拉繩嘅PINATA,可以自己"修理"返佢就可以再用!上網搵下點整就會搵到~

以下係我幾個整過嘅PINATA:)

影曦話要UNICORN PINATA, 整法喺呢到

想睇完成品嘅都CLICK入去睇下啦!

呢個主要係係用兩個氣球,紙同面粉漿造㗎!

呢個只係用紙皮相造,唔難㗎!

呢個就係我用咭紙同報紙整嘅~

睇下佢打得幾開心LOL

靖翹四歲生日會

今年生日會簡簡單單,我唔想攪咁多野~喺附近嘅公園攪就算~

我地叫咗朋友仔自己帶PICNIC嘅野食同野飲, 我就準備蛋糕啫!

借咗個PRARCHUTE,一啲畀小朋友用嘅麻包袋,木𡙡同假蛋同HOPPERS,畀小朋友比賽

個個都玩得好開心:)而且真係平靚正LOL

PICNIC!

PARACHUTE TIME x

SACK RACE

整咗個PINATA畀小朋友打爛~

靖翹話要粉紅色城堡+藍色嘅門同窗喎

個個小朋友都輪住打~打得好鬼興奮呢~

糖四散嘅一刻,佢地好瘋狂咁執糖呢!

好多禮物呀:)

呢位小姐好幸福呀!好多人錫佢呢!

Rapunzel公主蛋糕連Cupcakes

9號係靖翹嘅4歲生日,今年提早咗同佢攪生日會

佢話要個RAPUNZEL公主蛋糕...所以我整咗呢個蛋糕過佢~

因為生日會喺公園到攪,所以我仲整咗CUPCAKES,咁唔洗專登切,小朋友食都方便啲嘛!

靖翹好鐘意~用咗咁多時間整都係值得嘅~