我地喺The Bounty Kids' Club玩完都好肚餓啦！都7點幾囉，去醫下肚先！
我啲女平時5點食飯，呢晚點先食，佢地都超級肚餓啦！
我地去咗酒店位於地下嘅餐廳 -海玥餐廳 Café bord de Mer
我先叫咗杯熱朱古力
有成個壺咁多㗎，要飲先倒出嚟，可以保持住熱朱古力暖笠笠！
餐枱上都有貝殼同蠟燭嘅裝飾，好有情調㗎
先嚟食住暖笠笠嘅餐包醫醫肚先！
老公叫咗「香煎帶子」
帶子好有鮮味~好味！
我就叫咗生蠔做Starter
好新鮮呀！肥美肥美！
靖翹鍾意食三文魚，所以我地叫咗呢個「蘇格蘭煙三文魚」
入口即溶㗎！
推介推介！
餐廳有kids menu, 多款美食迎合小朋友口味！
影曦叫咗個「海盜驚喜」
外表好似普通通粉咁，但係個湯好味好多㗎！
不過都幾大碗，影曦食唔晒呢！
靖翹叫咗呢個「遊輪美饌」肉醬意粉
個碟係船型，相當有心思！
肉醬意粉個汁味都幾濃，幾好味㗎！
舒韻叫咗個「水手便食」
個他他醬係佢地自製㗎！
（舒韻最後係食晒成碟㗎！可想而知有幾好味~）
starter後叫咗個湯
老公叫咗佢至愛嘅French Onion Soup（法式洋葱湯）
佢話好味呀！
影曦好鍾意飲湯，所以我都叫咗個「蟹肉忌廉濃湯」畀佢
主菜老公叫咗「烤澳洲羊扒配野菌法邊豆」
喺外國食羊好普遍，但香港較難搵到好味嘅羊
好多時羊都會有陣「蘇」味
但係呢個羊扒出奇地好味~
我就叫咗個「美國特級牛柳」
唔係講笑，呢舊牛係我食過咁多牛以嚟最好食嘅一舊！！！
（我係叫medium rare）
真係大大力推介！！！
食到咁飽
周圍行陣先
餐廳都好大下㗎
隔離係相連嘅The Bounty Bar
餐廳係有室外位㗎
見到右邊有人喺到傾計嗎？
喺咁嘅環境，對住個海傾計，好舒服呢！
呢到係望到迪士尼酒店㗎（相嘅左邊紅紅地嗰到）
睇下啲位幾舒服！
對正個海
好多貝殼呀！
餐廳入口
食完個main，我地叫咗甜品
靖翹叫咗hot cake with chocolate sauce
影曦同daddy一樣，要creme brulee 焦糖燉蛋
好味！
舒韻要咗個雪糕，仲有士多啤梨同藍莓㗎！
我叫咗chocolate brownie with mousse
估唔到個mousse係喺brownie 隔離，仲有鮮果喎！
最後就係令靖翹期待咗好耐嘅hot cake with chocolate sauce
個朱古力醬係暖㗎~
淋落去好好味！
好滿足嘅一餐呀！！！
餐廳嘅食品質素真係好高
期望下次再來品嚐~
facebook page: https://www.facebook.com/AubergeDBay?viewer_id=654084318
website: http://www.aubergediscoverybay.com
No comments:
Post a Comment