勁易整嘅薑餅人（教學影片）

有次我影咗張我焗嘅薑餅人相喺facebook.就有好多人問我點可以令薑餅人唔走樣
呢個係我研究出嚟嘅方法
非常好用！而且搓好薑餅團後可以直接用，唔洗雪，方便好多！
有興趣嘅記住睇片啦！


薑餅食譜：
http://blog.yahoo.com/_2FNMMHF6BIEDASYNGLLVLAOMZQ/articles/584244/date/201112

快靚正薑餅屋

大嘅兩個女兩間學校聖誕聯歡都要求家長整野食返去
由於時間唔多
所以我...用咗二德惠買嘅朱古力屋模
我用薑餅團壓落去，可壓埋啲紋出嚟
之後都係用royal icing嚟黐住佢
裝飾方面我用糖膏cut咗好多個小圓，由底鋪上面咁鋪個屋頂
大女鍾意藍色，二女鍾意紫色！
加埋啲燈，係咪好靚呢~
名副其實嘅快靚正薑餅屋！
（我遲啲有時間會錄video教大家整）

自製大型薑餅屋

今次我自己畫咗間屋嘅template出嚟（我鍾意計數嘛！）〜
用嘅royal icing係由meringue powder開出嚟嘅，相當好用！
完全唔洗加野支撐
呢間屋可惜嘅就係...我未裝飾完已經畀啲女係咁問幾時可以食咗佢
...就係咁...到裝飾到已經畀佢兩個個食晒啦！哈哈哈～

影曦七歲生日準備篇﹣winter party!

呢個生日會，我用咗足足一個月去計畫、籌備
攰，但成果都ok！

我媽咪，影曦婆婆整咗個好靚嘅back drop畀我地影相！
用藍色、白色紗整佈景
雪花係我趁啲女瞓咗時，A4紙剪成，可以周圍吊

呢種叫rock candy

一杯水加三杯糖煮溶，倒入容器中

放入棒，待數日

糖之結晶會在棒上「生長」

*因結晶會在容器底部積聚，固需每天更換容器

cake pops
我整咗玉桂呍呢嗱蛋糕加玉桂呍呢嗱糖霜搓成球狀
放入雪櫃雪凍
沾上白朱古力
趁白朱古力未定形，加上預先用糖膏CUT好嘅雪花
再加食用閃粉

我喺夾糖嘅地方夾咗呢種似海豚嘅軟糖
我放咗佢入冰格冰咗佢
同生日會時就可以加入飲品內
我喺雪碧到加咗一滴藍色食用色素
咁整出嚟效果唔錯！

蛋糕方面我都係到整時先決定整giant cupckae
我都係第一次整giant cupcake!
外個就好興嘅
由於今次主題係winter,所以裝飾時都加返個冬天嘅元素喺到
都係用返藍、白兩色
同樣都係呍呢嗱玉桂味
加咗三隻小企鵝
影曦喺最頂（佢善於觀察）、靖翹滑緊落嚟（佢勇於嘗試、鍾意玩）、舒韻就係做緊“WHAT？”嗰隻lol
整完之後，我噴咗食用珍珠粉同灑咗閃粉
成個蛋糕即刻高級咗！

table setting
我喺二德惠買咗個藍色底白色點嘅cupcake tower
整咗個花球仔做裝飾
喺taste買咗啲透明膠酒杯同監色透明膠碟
反轉酒杯貼落隻碟到咁整個食品㗎，都幾靚㗎！
我仲焗咗雪花形薑餅呢！



壓軸出場嘅係呢隻北極熊pinata
係影曦要求我整㗎！
唔好睇少佢，用咗一個星期先整完佢㗎！



做法：
1.吹咗兩個一大一細嘅氣球為你理想大小
用報紙或草紙沾麵粉糊（或白膠漿加水），黐喺氣球上（我鍾意用麵粉糊多啲，同埋用手沾麵粉揸落個氣球到好過用畫筆）
靖翹同舒韻都好鍾意整呢！
2.待乾後再重覆以上步驟，要鋪三至四層先夠硬
3.吉爆個氣球，喺細嘅氣球到cut個孔，再以紙和麵粉糊連接頭和身（我試過用膠紙、熱溶膠槍...都黐唔到，係要用返呢個方法先得！）
4.用紙搓用團，慢慢加上北極態之鼻、耳仔、手和腳等
5.剪皺紙，貼在pinata上。再加上眼、鼻、口...就完成啦！
要用時就喺身上開孔，用嚟吊住佢。開另一個孔就放入糖

今次呢個pinata成功令到班小朋友開心興𡚒！
呢到有個video,有家得閒就去睇下啦！
最好笑嘅係當個個小朋友晗糖，舒韻...搶咗北極熊個pat返嚟！！！wahaha!!!!!

https://www.facebook.com/photo.php?v=10151423137754319&set=vb.654084318&type=3&theater

粉飾花女鞋

花女鞋本身嘅蝴蝶結甩咗
我整咗呢啲花花加上去
仲靚咗添喎！

一湊三的輕鬆生活

我是一個全職媽媽，無工人，無鐘點。家務、上學放學接送、教女兒們做功課全是一手包辦。辛苦嗎？其實談不上辛苦。一湊三對我來說是我每天的生活，不覺得是什麼驚奇事。我的生活既充實、忙碌又輕鬆。很多人問我怎樣辦到。方法？其實很簡單。

1）時間分配

每日都有時間表，讓小朋友習慣定時定候做事。我每天七時多起床，大女兒八點返學。她離家後，二女兒和小女兒都吃完早餐，二女會做功課（她K3,下午才上學），小女兒會自己玩，我就做家務。二女做完功課我會檢查下。之後有時我會讓她和妹妹看電視，有時會和她們看看英文/中文書，有時會和她們做手工和畫畫，有時跟我做飯。吃完午飯就要帶二女兒返學，然後和小女去買餸，回家準備晚餐。若有時間，我會跟小女兒玩些兩歲孩子愛玩的遊戲，如Playdoh、Domino、拼圖...等。大女兒放學後就要做家課，她一般會在二女兒回家前完成。 在我家，五點是晚飯時間、六點沖涼、七點是上床時間。每日小朋友都習慣了在適當時間做適當的事，不會「扭計」不聽話，嚷著不要做這個那個。

2）早睡早起 

現在兩個大女兒的上床時間分別為八點同和七點半瞓（小女兒兩歲半，仍然是七點睡）。小女兒上床後，就可給大的兩個女兒些「grown up time」,有時會溫習，有時會玩些棋子、紙牌遊戲，如：大富翁、UNO ...等。她們早睡，我就可以慢慢做家務，又可以和丈夫有多點私人時間。有時我把女兒放上床後，我更會相約朋友外出用晚膳、行街「濕平」呢！找回自己很重要喲！

3）讓子女分擔家務

安排適當的家務予孩子，讓孩子更有責任感。多讚許，他們就自然樂於助你，有時更會主動幫忙！另外你可設立行為獎勵表，小朋友幫了你就可獎他星星，儲夠一定數目人，你可以獎勵他。獎勵不一定是物質上的獎勵，可以是睡前的故事時間讓他們多選一個故事，或是會帶他去公園玩、去圖書館借書等等。

4）提高孩子的自理能力

孩子的自理能力愈高，你的工作就會愈少。我家孩子會自己換衣服、把睡衣放進洗衣籃、會自己弄早餐、自己吃飯、會自己刷牙洗臉、會自己穿襪子鞋子、會收拾玩具、會自己做功課、會清理枱面抺枱開飯、吃完會收拾碗筷入廚房（連兩歲的舒韻都懂）！若她們有事做不到，會互相幫忙（如校服的拉鏈在後面，就會互相幫大家上拉鏈）。這都減輕了我不少的工作量呢！

我一湊二時也是用這方法。若你覺得用以上方法一湊二是件輕鬆事，那麼，一湊三、四、甚至五，也不會是難事！

一湊三在外國是平常事，我有朋友一湊九！她的專用坐駕，是架VAN呢！超型！

各位全職媽媽要繼續加油！我們的辛酸，不是人人看得見，不會人人懂欣賞！別管別人的冷言冷語，不會體諒的旁觀者，要知道大家都是在為孩子們努力，值得嘉許！！！各位，風雨同路呀！

Yennie xxx

＜小事一則＞

一湊三在街上走，不時都會惹來不少目光。曾試過有一對婦人，看見我們，有以下對話...

「嘩！你一個帶三個呀？」

「梗係唔係啦！點會一個帶三個呀？！仲有人幫嘅！」

「我係一個帶三個呀...」我答到。

「你點會一個帶三個啫，邊得呀！」

「我係一個帶三個呀...」我再強調。

然後我「好型」地行走了。我說的是事實，但路人甲硬著說我錯了！這些人真有趣lol