影曦畢業了！

6/6，我地嘅大女兒影曦畢業了！
我地舉家都有去睇佢領獎同表演~
*由於畢業禮係唔畀影相，我好乖，無影到~只係影咗綵排咋
不過好多家長都無理...係咁狂影...阻住晒我地後面啲人睇:(
最誇張嘅係，有人攞起部ipad嚟拍video!唉...

btw, 影曦攞咗美勞優異奬~佢喺呢間學校第一年（亦係最後一年）讀，就有獎攞，都感到意外同恩惠㗎！
我地全家都有到~老公要返工先早走咗啫！
綵排時就係咁...
其實幼稚園畢業啫~book city hall攪畢業禮真係幾誇！
靖翹跳咗彩虹舞~
跳得好好呀~


影曦話咁快就畢業啦！
感覺我自己愈嚟愈老
話晒９月佢就升小學啦！我有一個將升小學嘅女！好似好unbelievable 咁！
咁就６年幾啦~又一里程碑!~
真係要好好珍惜同佢地相處嘅時間~佢地真係大得太快啦！好唔捨得呀！