又中又英

而家打開東方太陽蘋果，口語周圍都係！標題又中又英，愈睇會愈令我打冷震

老公好多時聽到喺街上嘅人講野時無啦啦就會彈個英文字出嚟，跟住佢就會估到佢地講咩。我又同英國嘅朋友傾開呢樣野，話香港人講野真係中英夾雜㗎。佢地覺得好有趣（可能係基於禮貌上，佢地先講有趣！），英國人講野都唔會無啦啦彈個法文生字，又或者西班牙字出嚟。呢個文化，真係亞洲人（包捨日本、台灣、中國...）獨有。

畀佢地咁講一講，我每次聽到人又中又英咁講野會特別留意。而家...直情覺得半中半英好討厭。

「我個"fan"去咗嗰到買咁件唔啱"晒屎"嘅衫呀」

friend同size嘅發音錯晒...錯又點解要講，自暴其短呢？

點解唔可以成句用晒中文呢？

真係好奇怪