晚遊愉景灣

珮茵生日，相約行山，由梅窩行至愉景灣

行完就喺愉景灣食晚飯

我湊住三個行怕佢地攰，所以我直接去愉景灣

我啲朋友以為去愉景灣一定要搭船

我呢啲過氣東涌人梗係知搭去欣澳再轉巴士呢條路啦

我同啲女由紅磡去欣澳，轉埋巴士

成人都係$12+$10，$22蚊攪掂，一個鐘左右就到啦!

比起由中環搭船（$37）抵好多呢！

而且我呢啲九龍人又唔洗專登去中環：-）

我地4點幾起到欣澳等車

啲女一見到草地就問我可唔可以去草地玩！

曾幾何時佢地日日都可以喺草地跑

搬咗去市區，

見草地真係難上加難

佢地都格外興奮！

影曦問：「點解呢到咁靜嘅？」

這是都市繁華後的悲哀

落咗車後，朋友未到

我同佢地行咗去海灘嘅公園

一路行，見到有人喺沙灘晒太陽、睇書、打排球、玩沙......

非常悠閒

久違了的感覺

有時"出走"一下，感覺唔錯！

「靖翹等埋我呀！」

舒韻一路行一路大叫

沿途嘅人都望住舒韻對旁人話：「頭先個鬼妹講中文喎！」

哈哈！估唔到佢地呃得下人喎!

有得打韆鞦，大愛！

四年前嚟過呢個公園，幫朋友嘅囝囝James慶祝兩歲生日

原來對上嗰次嚟，已經係咁耐嘅事

朋友們完成行山嘅使命

食德國菜

臨走影返張大合照

九點見到迪士尼放煙花呀！

3A成晚都好鍾意同狗狗玩呢！

好鍾意呢到嘅環境

好掛住住東涌嘅日子

得閒真係要嚟多轉

帶埋picnic，可以喺沙灘hea成日呢<3