DIY自製鈕扣（有片）

呢種鈕超易整呀！又靚喎！

除咗可以加落啲衫到，仲可以整髮夾、加條橡筋變紥辮橡筋！正呀！

我喺十二蚊店買整鈕呢set野㗎！

去片睇下啦！

重陽拜山

舅舅喺加拿大返咗嚟，所以我地約埋一齊去拜山

話說公公婆婆以前係住錦田吳家村，嗰時我太公都同佢地同住

佢因白內障攪到盲咗（當時無得醫）㗎

太公去咗之後，我婆婆就向當時住喺隔嚟嘅村長買咗喺石湖塘一幅小小嘅地埋咗太公

以前我細個拜山時成家好多人去㗎！

醁經過小橋流水，條橋仲要係無扶手，經過好多菜田，有啲水湖（客家人叫水塘仔嘅叫法）

人地種菜，要用泵喺啲井到泵水漐湖到儲水淋菜㗎

點解我咁清楚？因為我婆婆靠種菜，養活咗一家六口

我公公係文人嚟㗎，以前做過校長，讀過黃埔軍校，之後嚟咗香港就做文職野

（我公公婆婆嘅故事好好聽，有機會再寫多啲！）

所以婆婆成日話，種菜呢啲粗重功夫，公公唔識做lol

愈講愈遠添...

係啦，總之以前拜山就係好似遠足咁，去好鄉村嘅地方㗎！

但十幾年前，太公同公公墓嘅山腳被大規模收購，用嚟起西鐵後，小橋流水全部無晒，水湖都無晒！

以前我地拜完全去水湖到攞水淋熄啲火，而家無呢支歌仔唱咯！

一望落山，就係石屎地...

以前拜山廿幾人去㗎，但係而家？我媽嘅三個弟妹，有兩家都移民加拿大，嚟嘅人，愈嚟愈少...

唉...細個時真係會其待拜山，因為可以見晒手平時少見嘅親人！

唉，點都好，我覺得都係要帶啲女嚟拜下山，講下佢地太公同太太公嘅故事佢地聽

一去到就落雨，注定不能久留...

雜草叢生！

快快趣清咗啲草就拜啦！

我地燒咗啲野，啲女散溪錢（我細個最愛嘅動作）就要走！

太大雨啦！

唯有下次嚟清多啲啦！！！

迪士尼黑色世界~好玩•唔好叫！ 2013

試玩迪士尼黑色世界

場內有好多萬聖節嘅佈置，氣氛好好！好多地方可以畀人影相

而且有好多個好玩推介

包括「黑色嘉年華「異」演」、「灰熊山谷黑色嘉年華」、「明日世界怪誕夜」、「幻想世界派糖大召集」、「詭墳學院」、「黑色馬戲班」、「彊屍戰狼人」、「整鬼化妝間」同「夜光鬼魅巡遊」

精品店同餐廳都有好多萬聖節嘅精品同美食添！

一齊搭火車去香港迪士尼樂園 | Hong Kong Disneyland<3

我地搭咗火車去fantasyland, 路過見到tinkerbell<3

靖翹揹咗個tinkerbell嘅背包、佢勁想走去畀Tink 睇佢個袋！我地梗係去排隊啦~

Tink畀啲啲fairy dust三個女

打後半個鍾，舒韻隻手都女係維持住呢個姿勢Lol!

Disney為halloween加設咗呢個「大頭寶寶」影點

喺Adventure land 見到有攪鬼pirates 呀！

跟住我地鬼咗睇the Festival of Lion King

靖翹話要玩「灰熊山極速礦車」欣欣ee要陪玩lol

去「迷離大宅」玩

舒韻扮馬騮Albert

迷離莊園嘅錯視花園好正，影相出嚟睇，靖翹仲高過欣欣！

Halloween新景點：

黑色馬戲班

要112cm先入得，唯有我睇住舒韻，欣欣ee帶佢地玩啦！

欣欣玩完話，真係驚嚇㗎！影曦靖翹兩個都係驚住玩！真係有人走出嚟嚇你㗎！

另外仲有個「詭墳學院」，聽講話仲驚嚇！今次都係唔玩住！

舒韻每次去迪士尼，必定搵公主傾計<3

我地之後仲搵咗Aurora,舒韻仲屈咗Aurora送佢香吻一個lol

入返正題...

好啦...愈嚟愈夜...

氣氛愈嚟愈好！

驚驚！

迪士尼內多間精品店內都有Halloween 相關物品賣啦！

靖翹去咗「整鬼化妝間」face painting

(喺明日世界火箭餐廳旁＜-我問咗好幾個staff先知喺邊，大家記住啦！）

靖翹非常興奮！（平時我幫佢畫又唔見佢咁嘅樣:-p）

靚靚！

靚靚姐姐畫靚靚face paint !

喺小小世界出面，有幾個Halloween 場景影相

有時Mickey,Minnie,Chip and Dale都會喺到同大家見面㗎！

*其實四圍都有呢啲場景㗎！

Jack and Sally喺睡公主城堡後會同大家影相<3<3<3

大家記住去我！我太遲去到，同唔到佢地影啦！

（為咗彌補同唔同佢地影相嘅失落...我會喺呢個post下面回顧下08/09年時嘅迪迪尼Halloween!）

9:45pm 「夜光鬼魅巡遊」

Jack同一眾嘩鬼一齊巡遊~我第一次睇，超期待！

等到啦！

巡遊開始前，大燈會全部熄晒！只有紫色燈

係咪好靚呢~

有啲小朋友可能會驚，記住畀啲心理準備佢地啦！

好大個Jack呀！！！

舒韻有少少驚，攬住我<3

Sally!!!

舒韻本來有啲驚，但係佢一見到Sally 成個彈起！超興奮呢！

我地有畀啲女睇過the nightmare before Christmas 

係一部好出色嘅stop motion動話，故事charming，歌又好聽~

我同啲女成日都唱this is Halloween 嘅呢！！！

每逢halloween同聖誕都會攞出嚟睇;-)

火人lol

Mickey, Minnie, Donald, Daisy, Goofy, Pluto, Chip and Dale!

精品店外嘅display window好靚呀！

Wahahahaha!

A jack plate with a skeleton top

盡興的一夜!

回顧...

2008年...

影曦兩歲多，靖翹啱啱一歲<3

Mickey同Minnie係咁同佢地玩

Minnie攬完影曦，Mickey又話要靖翹攬！但靖翹走咗去lol

行過時撞正Goofy返入去休息

點知佢行返轉頭...

熊抱住影曦！

靖翹周圍走...

結果高飛捉返佢入bb車！超攪笑！

Donald and Daisy 

嘩！搵得返！我地同Jack and Sally嘅合照！

09年嘅廸士尼...

影曦三歲幾，靖翹剛兩歲...舒韻喺我肚肚到

後記...

去咗咁多年廸士尼嘅黑色世界，悶唔悶？

唔悶㗎！廸士尼每年都花好多心思喺裝飾上，燈光加上音樂一起，年年都有種好澎湃嘅感覺，好有新鮮感！

今年迪士尼嘅黑色世界會喺10月4日至31日逢星期四至日都會有得玩！！！

仲有特設夜間門票（$299），好抵玩，放咗工去玩都仲得！

今年迪士尼主題有個「好玩•唔好叫」 膽量測試大考驗！

入園挑戰新玩法，無論驚嚇心跳，抑或興奮忘形，都要忍住唔好叫，接受真正的膽識大考驗！
Youtube紅人Ming仔怪招出盡，教你忍住唔叫，一眾DJ及紅星，更會自創獨家特訓方法，帶領全城逐一
攻破迪士尼黑色世界的「好玩・唔好叫」黑點！

觀賞忍叫短片，苦練忍叫奇技，再向各人的實戰經驗取經，為入園作好最佳準備！我們將會陸續上載更多短片，萬勿錯過！

https://www.hkdl.hk/halloween/scream-no-more/

而且今年又有迷離莊園，灰熊山仲有個「黑色嘉年華」~

仲有幾個show都唔好錯過~

黑色嘉年華「異」演

一眾奇人異獸大展「異」能睇下你會有幾驚嚇~ (異演時間：20:55/21:20/22:15/22:40)

明日世界怪誕夜

黑色力量入侵明日世界，引發全新的舞台表，包括爆裂擊樂團、火熱Hip Hop女子組合、星球舞動聯盟、電擊幻變扯鈴及星際勁舞團等,帶領賓客投入「明日世界怪誕夜」的派對,令你忍不住狂叫喝采！（舞台表演時間:20:30-23:00)

呢兩個必去鬼屋，記住玩呀！（啱嚇得下嘅小朋友同大人玩多啲）

詭墳學院

抓緊時間到「詭墳學院」拜會「詭墳校長」，挑戰今年最「驚」人的全新課程！

黑色馬戲班

馬戲班班主訛稱珍藏古怪展品及斷頭騎士頭顱，但萬萬估不到,你卻成為斷頭騎士的追殺目標！慎入！

殭屍戰狼人

殭屍與狼人喺美國小鎮大街鬥起上嚟呀！(22:20/22:45)

詳情記住睇廸士尼嘅網頁啦！！！

http://park.hongkongdisneyland.com/hkdl/html/Halloween/zh_HK/index.html