貝澳摸蜆記

朋友問我去唔去摸蜆⋯⋯我成世人都未摸過！

帶埋三個女去先！

一行人喺東涌搭巴士去貝澳

黑色嘅沙

成一百米都係好淺水嘅

唔太曬，正呀！

我地帶咗tent

但啲細咯無咩點用個個周圍跑

我地帶咗鏟，但係覺得用手摸好玩啲

*黑色泥沙非常幼細，建議著舊衫去玩，著泳衣嘅，唔好著有裡嘅（即一層嗰啲）

我著白色係錯誤，而家件野洗極都仲有黑色一撻撻！

著有裡泳衣嘅話，啲泥沙係會入晒裡裡面㗎！

影曦埋了自己

我地摸咗好多蜆

但無帶走

Piers話會影響生態，唔好攞走喎

愛護下環境～影相留念就好啦！

玩咗幾個鐘，返歸啦！

牛牛，好多牛牛！

等巴士...大排長龍！呢個以貝澳為終點站嘅3M特別車，係無巴士站牌㗎！

星期日及公眾假期先有

無記錯嘅話，半個鐘一班

大嶼山巴士網頁上係無咁多資料㗎

最好係上巴士前喺巴士站問好班次

我朋友係喺等巴士時打去巴士站問

我地係因為上班車滿咗上唔到車先知咁多

的士？唔好讖人啦，成個大嶼山會有幾多架藍的呀...

玩完又攰又想快啲走

真係建議去前問清楚！

終於上到車...

我地之後去咗東薈城嘅大食代食咗個刨冰！透心涼呢！

小插曲：

影曦喺水到玩時踩到死咗嘅珊瑚

爆血！

真係好多血！

我揹住影曦去搵救生員，佢地讚影曦傷得咁深都無喊，好叻叻！

包完傷口，即刻著返鞋先

呢次係我地第𤤴久用救生員服務

佢地好好人，好親切呢！

真係唔該晒！