[不滿]香港人喺公園仲可以做咩?

家教會旅行，攰爆嘅一日
啟德跑道公園->城門谷公園->悅萊酒店自助餐->錦田鄉村俱樂部
行程有啲密，但都好玩嘅！

小插曲@啟德跑道公園
靖翹玩緊竹蜻蜓，被保安話會“界頸“唔畀玩
好啦，收埋佢唔玩
轉個頭靖翹跳繩，同一個保安又嚟制止靖翹跳，話會fing到人
呢野真係扯火
咁大個草地，乜都唔玩得
唔好食野呀，會哽親；唔好行呀，會跌親！
個保安盡責，難做?
公園都無寫明唔畀玩呢啲
究竟呢啲規定係個保安自己定，定係上頭定嘅
如果係上頭定嘅，麻煩喺公園門前寫晒出嚟
喺唔傷到其他人安全嘅大前提下，其實問題唔大
可憐嘅靖翹畀人捉咗兩次，扁咀話唔會再嚟呢個公園

香港痴晒線
公園唔畀跑，唔準大叫，唔可以踩單車／滑板車都仲唔夠
究竟仲要幾多活動被禁?
正苦又話香港學童做唔夠運動，又乜都禁禁禁
學校小息，放學又唔準跑
你叫我帶啲女去邊到做運動???