美國吸塵機著名品牌Hoover嚟咗香港！
我今次試用呢部手提無線吸塵機，機仔細細，馬力十足，真係估佢唔到呢！😉
隨機有三個接頭：寵物工具、platinum電動渦輪吸頭、除塵刷
我已試用三星期
非常滿意佢嘅清潔度☺️
特別係下圖呢個platinum電動渦輪吸頭接頭，吸塵機開動時，呢個擦會旋轉
可以清晒黐喺地毯上嘅頭髮！！！
（呢樣連我屋企部大型吸塵機都做唔！）
唔單止咁，佢仲可以好似下圖咁拆落嚟，方便清洗！
而連住部機嘅接頭係咁嘅
可應付一般工作
Hoover仲有呢set pro cleaning kit
可以幫助清潔家中唔同角落
有車嘅話，呢個吸塵機用嚟清潔㗎車一流呀！
好似呢個頭咁
可屈曲
加埋長連接喉管，可以如下圖（右邊嗰幅）咁清潔一啲高處、難接觸嘅地方
如櫃頂、百葉簾
加咗呢個頭
仲可以吸埋梳化嘅難接觸空隙
手提吸塵機連pro cleaning kit 可以放晒入附設嘅專用袋內
收納方便，啱晒屋企唔係好多位嘅香港家庭
啲女而家非常熱衷清潔！
太方便啦！
呢部吸塵機係使用叉電鋰電㗎
下圖藍色嘅燈有三格，顯示電量
而清走垃圾都相當容易
（我唔想影埋啲垃圾出嚟，所以影咗呢張說明書）
（3.1、3.2）擰下個"集塵桶"，攞開濾網就可以倒出較大垃圾
（3.3、3.4）係清潔濾網嘅
嗰舊係海棉嚟㗎，可以隔咗啲塵
用刷或者水洗就乾淨
集塵桶就係透明嗰個
吸咗啲乜，一目了然！
總括嚟講，我相當滿意呢部吸塵機嘅表現
機細，但做多嘅野好多
最鍾意係佢清到黐晒喺地毯嘅頭髮！
我以前係真係用個擦擦先可以起到黐喺地毯嘅頭髮㗎！（都唔知要幾用力呀！）
加埋pro cleaning kit,依家窿窿罅罅都吸到！
佢唔大部，收藏方便
真係👍👍👍👍👍
$1918
豐澤同太平家電陳列室有售
www.hoover.com.hk
會有更多資料
No comments:
Post a Comment