序
先寫下序...原因要多謝下好錫我地嘅亞妹欣欣
（想睇正題嘅話...skip 咗呢部份佢啦）
我地一家人，除咗返英國探親外，我地10年嚟都未去過旅行...
啊！應該話係第一次，仲要係酒店請我地去澳門
啲女去旅行嘅經驗，真係好少...
我妹妹一向都知道
你今次好豪咁請咗我同啲女，仲有媽咪一齊去佢好鍾意嘅Redang！！！
話說我住喺加拿大嘅表妹前幾年嚟咗香港
佢喺嗰邊有住馬來西亞嘅朋友
咁我妹當年就同我表妹一齊去馬拉搵朋友
佢朋友就帶咗佢地去Redang
佢嗰次只係留咗兩日
間resort 係大馬華僑開嘅
嗰到大部份員工都識講廣東話
有個職員同欣欣講，下次再嚟啦
我妹話：我去旅行，一個地方唔會去兩次㗎喎
點知...我妹前前後後去咗Redang 5次！
有兩次仲要係佢自己一個人去添！
佢對上嗰次去考埋潛水牌~好叻女呀！（原來嗰時佢已經有咗一個月添hehe）
*11月至2月係風季，而且多雨，熱浪島係會封島㗎！
即係每年3月至10月先去得
大家要留意呀！
佢好想帶我地去同魚魚游水，所以策劃咗今次旅程
其實都算幾長途㗎，但見到咁多魚魚，真係覺得好值得！
飛機:
AK131香港->吉隆坡
香港去吉隆板， 約4個鐘
AK6224吉隆坡->丁加奴
內陸機去丁加奴，約1個鐘
到咗丁加奴就搭resort嘅車去碼頭（約45分鐘），轉搭船去resort（約30分鐘）
所有機票、酒店都係佢book嘅
成個旅程，佢話只係用左$18,000 ->6個人， 4日5夜（1晚機場酒店+4日4夜）
6/4（一）-11/4（六）
我地坐AirAsia，買機票同轉機比較方便
睇過其他班次，以下航機係我地覺得最好嘅選擇
我地夜晚9點幾機
平日早瞓嘅佢地精神還可以（可能太興奮啦~）
舒韻細心閱讀機上安全規則
唔知佢睇得明幾多呢
不消一會，全部瞓晒
但有人遲遲未瞓...
到大馬已經係凌晨1點幾啦！
吉隆玻個機場新開㗎！有啲似香港機場~
*下班去機去丁加奴係7點，5點check in
其實中間只得幾個鐘
大家可以喺機場留幾個鐘
有幾間餐廳都係24營業嘅
因為有三個小朋友，所以細心嘅欣欣就book咗喺機場隔離嘅TuneHotels.com
一張大床畀三個女同婆婆瞓下
我地大人沖咗個靚涼
啲細嘅就瞓到...
趁娘親陪個3A瞓
我同欣欣去機場食宵夜~蝦麵~
我地食完就返去叫醒佢地，準備check in啦
內陸機喺機場另一邊上機
我地早咗少少去
5，6點已經相當多人啦！
你睇下舒韻個眼瞓樣
AirAsia 嘅行李係續件收費
妹妹訂咗三件，媽咪、欣欣、我同3A
我比較多野
所以有啲畀咗亞娘放
上到機，天啱啱開始光 ＠ 約7點
到咗丁加奴 8點幾
話咁快就到！
天氣好好
空氣清新！
呢到就係丁加奴嘅機場啦！
我地一出去，酒店車已經等緊我地
車箱都幾寬敝~
喺去碼頭嘅路上，我地見到大馬建設
都幾有趣㗎！
好多新鮮生果都可以喺街邊買到~
啲西瓜仲好大好平添！
45分鐘到碼頭
聽講話呢啲碼頭成日轉
呢到成排都係碼頭嚟㗎
我妹次次嚟都唔同碼頭
今次呢個是咁的
有啲碼頭有好似咁嘅小攤檔賣紀念品
係我格過價最平嘅~
詳細嘅，我會喺 購物篇 到講
我地等咗半個鐘左右，架船先到
無事搵事做
佢地三個喺到扮自己行catwalk...
佢地又睇魚毛仔
每家resort都有自己船
Redang嘅物資都係由呢啲船運去自己嘅酒店
我地嘅行李同埋酒店物資（加食材）都係放喺船上個架到
雖然呢到四面環海
但係大馬政府喺保育方面做得好好
唔可以任意捕魚㗎
我地先經過紅樹林
（請留意海水嘅顏色一路變㗎！）
離開紅樹林
駛向汪洋大海！
附近有唔少島仔
係潛水嘅熱點
呢啲地方較淺水
不時有海龜出沒㗎！
海龜有時仲會喺呢啲白色沙上生蛋呢
經過呢啲地方時特別望落海到
有一大舊黑影游過，好可能就係海龜！
（我地成個trip見過3次~）
呢海水靚到呢...
真係唔係好相信海水可以清成咁~（我blog 啲相係 零PS 㗎！）
在船上...
架船好似識飛咁~
好似坐緊遊樂場嘅機動遊戲（但居然有人瞓著咗！）
終於到達目的地
Redang Kalong Resort
佢地係比較平民嘅resort
價錢當然都係平民化啦~
完美追求者
可以去島另一邊嘅resort
嗰邊嘅resort新啲靚啲
（由我地呢邊幾森林行過去，約20分鐘）
嗰邊係拍夏日麽麽茶嘅海灘
自從套戲出咗後，嗰邊有啲過度發展...
兩個灘，十幾間resort
resort係靚嘅，但較商業化，人較多
嗰邊reaort嘅餐廳地下keep 得無呢邊咁乾淨
（所有餐廳外都有洗腳池，呢邊真係好乾淨
另外嗰邊因為人多，地下好多沙）
有好有唔好啦
嗰邊嘅沙灘水清沙幼，但好大浪，唔可以浮潛
呢邊嘅沙粗啲，但無咩浪
房離沙灘只係幾步
一行出去就可以浮潛
呢個灘對出成一百米啲水都係到心口咁高咋~
我喺住宿篇時會再講多啲resort 嘅野~
呢邊自成一角
成個海灘都係佢地㗎
私隱度高
回程
唔多講啦~
resort只有一班船去返碼頭
朝早9點離開
10點左右到碼頭
約11點到機場
我地班機1點
同行嘅仲有呢個spanish嘅家庭
佢地住喺廣州㗎~
佢地搭馬航（呢個係航行公司另一選擇...）
佢地班機4點幾（有排等啦！）
呢幾日呢4個女仔都係一齊玩~
臨別一攬
都真係永別啦...
丁加奴機場都有紀念品賣
都有啲野行㗎
AK6229 丁加奴->吉隆坡
上機呀...
AK130吉隆坡->香港
4點幾機
8點幾返到香港~
*靖翹提提大家
喺機上已包裝嘅野係會澎漲㗎
好似呢包漲卜卜嘅薯片咁~
浮潛之旅...就此完結啦~
