新春團團丸丸工作坊@港燈家政中心

呢一日，我同影曦去咗港燈家政中心參加咗佢地攪嘅「新春團團丸丸工作坊」。

我地先整糖不甩，再整湯丸，

我地平時成日整西式嘅野，

適逢新年，我地今次可以整下啲中式甜品啦！

我地第一次來到位於北角嘅港燈家政中心，

呢到的工作枱又大，工具又齊，喺到上堂真係幾正！

準備好啦～

 有專人已經幫我地量好晒份量，呢啲係用嚟整牛奶湯丸同朱古力湯丸㗎～

係時候聽書！

先學整糖不甩。

我地好留心㗎！

導師Anita講嘅野簡潔易明，有時仲幾好笑！

Anita次次都會好清楚咁重複重點，

我地一返自己工作枱都知要做乜。

小朋友都好專心聽講解。

我地先篩咗啲糯米粉。

慢慢加水搓揉。

搓成條狀再切粒搓圓。

你睇我地搓得幾靚！

跟住就要將啲丸落滾水煲幾分鐘，浮面即代表熟。

全場無火煮食，小朋友學煮野食更安心，睇下大家幾忙碌!

小丸子煮熟咗就加入片糖水度。

準備一碗花生碎加砂糖，

再將小丸子加入花生碎中，碌碌碌...

咁就可以上碟啦！我地仲加咗少少彩針，望落去靚啲～

自拍完先知...

我地有被拍囉！

影曦都好鍾意食！

靚唔靚呢～

好啦，整完糖不甩，

Anita又教我地整牛奶同朱古力湯丸，

嗱嗱嗱～要咁搓㗎！記住啦！

先搓咗個湯丸餡，再搓粉包住佢。

影曦完全唔怕呢個爐，架輕就熟，

搓完湯丸自己烚熟。

熟咗嘅湯丸放入冰糖水，

我多手，應下節，整咗粒馬騮湯丸～

大功告成！糖不甩與湯丸子。

祝大家新春快樂！

大合照

影曦話今次整野食好開心，希望下次再嚟玩！

其實港燈家政中心不時都有唔同嘅課程畀大家參加㗎！大家記住留意呀！

( https://www.hkelectric.com/hmc )