有個朋友問我:"兩個女,你會錫邊個多D架?"
我覺得呢條問題有D過份
記得有人同我講過,"你梗有一個你會錫多D"
兩個都係自己既女,如果話錫其中一個多D,會對另一個好唔公平
如果佢地大個知道咗自己既父母錫第二個多D,佢又會有乜野反應,會點諗呢?
我答佢話...我兩個都好錫
自從細妹靖翹出世以後,影曦...佢其實有乜感受呢?
從前既佢人人都好錫,因為得佢一個
佢成日都係聚人焦點
但宜家,我一路推住架孖車,好多好多路人都會停落嚟睇靖翹
話佢好得意,好似公仔
D人仲猛咁"聊"佢玩
影曦呢?只會靜靜地坐在靖翹隔離,望住人地同自己既妹妹玩
我見到,其實有D難受
每次我都會同靖翹玩緊既人講,其實影曦都好得意架
佢細個時仲得意過靖翹
D人先會同下影曦玩
大家嚟同我兩個女玩時,成日都只顧靖翹
影曦就自己一個人係房同自己玩公仔屋
佢已經唔再係聚人焦點
就算佢唔係焦點,請大家都唔好遺忘佢
自從細妹出世之後,佢受咗好多野
佢好錫細妹,又幫我手睇住亞妹.真係好乖
所以...請大家下次嚟探我時,唔好唔記得咗影曦呀
(我真係打到有D想喊!)
