話說，嚟緊嘅星期六就係我妹大婚嘅日子
佢啱啱嗰個星期三先全權畀晒我，負責星期日嘅bridal shower
嘩！即係淘寶都淘唔切
好多野都係自己整！
今次個party嘅裝飾同食物都係我攪掂
野飲係唯一我無攪嘅
喺到同大家分享下
我先係定咗隻顏色先，咁之後做嘅野就圍繞返呢隻色
主題突出，易做好多
今次應準新娘要求，用咗白色同天藍色
出席嘅朋友都要着白色同天藍色架！
由於時間緊迫
我先係喺屋企搵咗有啲咩啱洗嘅！
呢個cupcake架好靚~係我一空姐朋友Ariel喺英國買畀我
一次都未用過，今次要用佢啦！
我鍾意佢隻藍色，但唔想要粉紅色，所以⋯
嚟個改造先
畫紙，花花摺紙（12蚊店有售），透明牆貼
先畫咗想遮住圖案嗰個圓
貼上摺紙，再封上透明牆貼
點解要封呢
因為cupcakes有油，唔封嘅話，啲摺紙會變吸油紙㗎！
方法喺到
之後嘅紙品，我都有封晒㗎
Cut出嚟
就咁放落去
我將中間嗰層反轉變銀色
最底嗰層就變咗藍色啦
改造完成
我屋企咁啱又有另一個cupcake stand
想用埋佢
加塊牌仔先
喺網上搵下啱用嘅圖先
（懶得開電腦用Photoshop,所以以下嘅圖都係用ipad嘅app整）
我想用呢個圖
再加濛瀧效果
用ArtSense cut咗佢出嚟
再用Over 加字體
封埋牆貼就攪掂
外國婚禮好興用呢啲波
淘又淘唔切，十二蚊店又賣晒
唯有自己整
好簡單，好似細個時用紙巾整花畀媽咪咁整
今次最掂嘅係我用咗廢紙
藍色嘅係塞落鞋到嘅紙
白色係包住禮物嘅包裝紙
紙都唔洗買，哈哈！
跟住就係整bunting
我都係用畫紙托底，貼上摺紙
因為舒韻都想幫手
所以原本我用噴膠貼，變咗畀佢用漿糊筆黐
我想暗地裏有bride-to-be嘅字樣
咁又要整下野啦～
先係喺網上搵圖
用PS Express 轉咗佢做藍色
用ArtSense加層天藍色layer
再用PS Express 拉返個光暗同對比，去到我想要嘅顏色
我用Over 加字
每個菱形一個字母
Cut出嚟再貼
呢啲色唔係好明顯，但係好靚！
我買唔到Bride-to-be嘅絲帶
轉整個襟章畀佢啦
又揀圖，用ArtSense cut出嚟
喺ArtSense加底
用Over加字
用呢個方法，整咗個襟章
糖方面，我都係揀咗藍色包裝紙嘅！
用咗成晚時間，整咗個蛋糕同啲cupcakes
我仲整咗沾咗藍色icing嘅棉花糖
當然唔少得禮物啦！
其實我仲有整咗pasta同potato salad㗎
不過唔係藍色，無影出嚟咋~
遊戲方面，本來我準備咗兩個，但最後只玩咗一個
我派咗啲紙仔出去
畀大家寫低佢同欣欣經歷過最深刻（或尷尬）嘅事
（亦係爆大鑊時間！）
我會讀出嚟，估下係邊個寫嘅
遊戲好簡單，但都有不少笑位呢！
成個party就係咁啦！
