舒韻三歲生日會﹣mermaid party at the beach!

上月十五日係舒韻三歲生日
貼住幾張相出嚟先啦
太攰，captions後補！

https://www.facebook.com/media/set/?set=a.10151525578704319.557882.654084318&type=3

如何與小朋友輕鬆地、經濟地準備生日會

很多人跟我說，你真有心思，會替女兒開生日會！有些家長也怕麻煩，從未為孩子開過生日會。其實安排生日會不難，簡簡單單的請些朋友回家玩都可以。

大女兒影曦都七歲了，我安排生日會的經驗實不少。開生日會除其實是一個跟孩子的朋友及其家長交流的好機會，認識多了他們的朋友，也了解更多他們在學校發生的事呢！每次安排生日會，我也會讓女兒們多參與討論及籌備過程，也建立她們對生日會的期待，每次生日會她們都會格外興奮！

1. 早於生日會前一個月，先定下生日會日期及時間、地點、主題、邀請人數及出席名單

日期通常於星期六、日或假日，要避免大節日（因很多人會外遊）。

定下生日會主題，找生日會地點。屋企夠大開生日會的當然好！少人去的公園、海灘都是免費的場地（但要考慮若有天雨，附近會否有後備場地可供使用）；會所、社區中心都是又便宜而且不錯的場地。

生日會你會邀請多少人？少至6、7人，多至20個朋友（還未計家長）的生日會我也辦過，少人的較易控制，多人的氣氛較好！

生日會主題我都會讓女兒作主（當然會因其可行性加少許意見！）

這些都定好後就要發邀請咭。簡單的可到書局購買或自製。現在很多apps也能協助你製作精美的邀請咭，完成後電郵、whatsapp出去，方便又環保！邀請咭最好在生日會兩星期前發，令家長有時間足夠時間回應會否出席。

2. 定下生日會主題後，可在網上找找和主題有關的遊戲（用英文搜尋外國網站會有較多選擇）。比如小女兒舒韻生日，她想要個Ariel美人魚的生日會，我就上網找到幾個適合她年紀的主題遊戲，再和女兒們討論玩哪個遊戲。最後我們決定了這幾個："Pin the mermaid tail", "Pass the treasure", "Treasure hunt"和"Catch Ursula"。

墨西哥人在大時大節都會做個piñata。Piñata 是個用紙和麵粉糊造成的容器，內裡載著糖果、小玩具等，小朋友會被蒙眼敲打爛升高降低的piñata ，待佢破爛後，內裡的糖果會散落地上，小朋友都會瘋狂地上前拾糖，是個製造好氣氛的玩意呢！現在piñata 被商業化，買到的都是拉繩的。我多數都會跟女兒們自製（需時約一星期），她們好喜歡呢！

3. 食物方面，想簡單的，數款三文治、沙律、Pasta salad、幾包薯片便可。想花心思的，可在網上找找和主題相關的派對食物。我試過做雪花型薑餅、rock candy、放軟糖到冰格做冰粒，這些都是不難做、既漂亮又經濟的派對食物！我亦試過開放個＂Picnic party",著朋友們準備自己的野餐，我準備蛋糕:-)

4. 蛋糕經常都是生日會的主角，有些會花數千完訂定個蛋糕。我則一向都是自製的。家裡沒有焗爐的話，可在超市買些孖寶蛋糕裝飾（約$11/4個），YouTube 有很多裝飾cupcakes的教學，簡單又漂亮！

5.易拉架、banner等這些場地佈置，雖然漂亮，但其實頗為浪費。在深水埗買些紗布、色丁，也只是十元一碼，可塑性高（backdrop、枱布）又環保，可用多次呢！

6. 回禮包內的東西不需要太多。每次女兒收到回禮包，回到家只會放在一旁，很少玩內裡的玩具。簡簡單單的一個氣球、一些糖（我通常會在打piñata 前先發回禮包，可讓小朋友自己拾糖），一些小飾物就足夠。

生日會，就算做不到原本設計好的佈置、原先安排的遊戲也不要緊，不要為無謂的事感壓力，最重要的是大家在一起為小朋友慶祝！這樣的生日會，有時一千元也不用就能辦到。女兒們經常跟我策劃、準備生日會，這些安排的技巧也是一種生活技能，又是很好的親子活動呢！

影曦七歲生日準備篇﹣winter party!

呢個生日會，我用咗足足一個月去計畫、籌備
攰，但成果都ok！

我媽咪，影曦婆婆整咗個好靚嘅back drop畀我地影相！
用藍色、白色紗整佈景
雪花係我趁啲女瞓咗時，A4紙剪成，可以周圍吊

呢種叫rock candy

一杯水加三杯糖煮溶，倒入容器中

放入棒，待數日

糖之結晶會在棒上「生長」

*因結晶會在容器底部積聚，固需每天更換容器

cake pops
我整咗玉桂呍呢嗱蛋糕加玉桂呍呢嗱糖霜搓成球狀
放入雪櫃雪凍
沾上白朱古力
趁白朱古力未定形，加上預先用糖膏CUT好嘅雪花
再加食用閃粉

我喺夾糖嘅地方夾咗呢種似海豚嘅軟糖
我放咗佢入冰格冰咗佢
同生日會時就可以加入飲品內
我喺雪碧到加咗一滴藍色食用色素
咁整出嚟效果唔錯！

蛋糕方面我都係到整時先決定整giant cupckae
我都係第一次整giant cupcake!
外個就好興嘅
由於今次主題係winter,所以裝飾時都加返個冬天嘅元素喺到
都係用返藍、白兩色
同樣都係呍呢嗱玉桂味
加咗三隻小企鵝
影曦喺最頂（佢善於觀察）、靖翹滑緊落嚟（佢勇於嘗試、鍾意玩）、舒韻就係做緊“WHAT？”嗰隻lol
整完之後，我噴咗食用珍珠粉同灑咗閃粉
成個蛋糕即刻高級咗！

table setting
我喺二德惠買咗個藍色底白色點嘅cupcake tower
整咗個花球仔做裝飾
喺taste買咗啲透明膠酒杯同監色透明膠碟
反轉酒杯貼落隻碟到咁整個食品㗎，都幾靚㗎！
我仲焗咗雪花形薑餅呢！



壓軸出場嘅係呢隻北極熊pinata
係影曦要求我整㗎！
唔好睇少佢，用咗一個星期先整完佢㗎！



做法：
1.吹咗兩個一大一細嘅氣球為你理想大小
用報紙或草紙沾麵粉糊（或白膠漿加水），黐喺氣球上（我鍾意用麵粉糊多啲，同埋用手沾麵粉揸落個氣球到好過用畫筆）
靖翹同舒韻都好鍾意整呢！
2.待乾後再重覆以上步驟，要鋪三至四層先夠硬
3.吉爆個氣球，喺細嘅氣球到cut個孔，再以紙和麵粉糊連接頭和身（我試過用膠紙、熱溶膠槍...都黐唔到，係要用返呢個方法先得！）
4.用紙搓用團，慢慢加上北極態之鼻、耳仔、手和腳等
5.剪皺紙，貼在pinata上。再加上眼、鼻、口...就完成啦！
要用時就喺身上開孔，用嚟吊住佢。開另一個孔就放入糖

今次呢個pinata成功令到班小朋友開心興𡚒！
呢到有個video,有家得閒就去睇下啦！
最好笑嘅係當個個小朋友晗糖，舒韻...搶咗北極熊個pat返嚟！！！wahaha!!!!!

https://www.facebook.com/photo.php?v=10151423137754319&set=vb.654084318&type=3&theater

靖翹五歲生日(二）~正日！

生日前一晚~有人好興𡚒，話想快啲到第二朝，可以拆禮物！
好多朋友都好有心:)真係多謝晒！
我地喺英國嘅親友都有寄野嚟畀壽星女呢~真係萬千寵愛在一身~


一拆完禮物，我地就出發去廸廸尼~
對上嗰次去已經係兩年前啦！
嗰時住東涌，幾時去都得嘅~而家...真係得個恨字~
今次去到廸廸尼，真係要特別多謝我嘅朋友maria
真係十分非常超級感激~




一入去~即刻見公主！
佢兩個好鬼興𡚒！公主第一眼見到我地，佢居然話 "Where have you been? I haven't seen you for a long time!"
超級驚喜 公主居然認得我地！！！
無計啦！我地以前真係去得多嘛！
我老公話...你知佢其實唔認得你㗎呵~
但我好肯定佢係認得...因為公主講咗句"Where is your sister?" 
影曦跟咗老公去第二度，我提都無提過佢地有個家姐！（我仲錄低咗~）
佢地傾咗成5分鐘~佢兩個超級開心！


呢啲員工真係抵請，唔該廸廸尼記住留住佢，記住加佢人工！
係佢令啲客有賓至如歸嘅感覺~



之後我地去咗小小世界...cinderella carousel, winnie the pooh, jungle river cruise, slinky... 唉...排隊排到傻咗！有啲要排成個鐘！
原來叫人排隊都係一件非常攰嘅事！

成年無影過全家幅~
一影就背光@@
本想睇埋煙花，但大家都攰啦...就咁就一日啦~



返到屋企即刻切蛋糕~

試戴呢個fondant tiara先



蛋糕裡面就係咁㗎啦~

靖翹五歲生日(三）

呢一日去咗我媽屋企瞓（佢地嘅婆婆）
就係為咗同靖翹切蛋糕~
佢咁嘅樣好可愛呀~
佢真係好開心，好thankful咁多人同佢唱生日歌呢~


太婆都專登出咗嚟同我地一齊食飯~
仲有我表妹Karrie喺加拿大返咗嚟都嚟咗~
我妹同男友Simon梗係唔少得~



我媽喺公司佯咗件咁嘅野返嚟@@
我見到即話...亞媽，你仲乜搵啲咁嘅野返嚟呀???
點知靖翹二話要說就著咗!!!
真係乜料呀...
著到成個蛋糕咁@@



著住件蛋糕衫切自已啲同類...
啲蛋糕真係慘！

靖翹五歲生日(一）

經濟一週話想去陶畫籽影野...就係咁，我又搵咗幫朋友仔晒party
咁近靖翹生日會，有朋友話，不如當係靖翹生日會啦！
我同老公有個協議...每年生日，只可以畀啲女揀佢想開生日會定係要day out.
靖翹話想去廸士尼~所以今年唔攪生日會！
如果今次當係生日會嘅，會對影曦同舒韻唔公平
所以...今次係art party算啦！

但係有心嘅朋友，又點會擺休呢~
有幾個朋友，就因此而買咗禮物畀靖翹做生日禮物！多謝晒~太客氣啦！
朋友都好識做，無話呢個係靖翹生日會
但係呢...好似影曦咁，佢就專登畫咗幅畫畀靖翹生日嘅...



連整曲奇都係要整happy birthday Willow畀靖翹
真係無得唔冧死~

舒韻的Hello Kitty 兩歲生日蛋糕

15/2係舒韻兩歲生日
我地無大攪，無攪生日會，平靜咁喺屋企同佢度過
我地星期六日就帶咗佢出去玩咁慶祝
生日，唔洗好多人，一家一齊齊已經可以好開心:)
小小年紀嘅舒韻，絕對知道自己想要咩
我問咗佢N次要咩蛋糕，佢都話要hello kitty!
好啦！我嘅第一個hello kitty 蛋糕就獻畀你啦！


今次我無做tutorial.簡單咁同大家講下我點整呢個蛋糕
我焗咗兩個六吋蛋糕，疊起，批出頭形（oval)
批出嚟嘅蛋糕碎加入buttercream,咁就可以搓你想要嘅形狀（好似整cake pop 咁）
耳仔其實可以之前批頭形時cut埋出嚟，但我鍾意咁搓，咁可以就返耳仔大小
搓好耳仔黐落去
成個蛋糕鋪上buttercream 同埋fondant
加幾朵糖花，加眼、鼻、鬚就攪掂~

影曦六歲了！

影曦六歲了！
靖翹和舒韻的生日都比不上影曦生日來得震憾
畢竟她是我們最大的女兒
真的不太相信，自己有個六歲的女兒...

六年前我把你帶來這世界上...

小小的你徹底的改變了我們。你的出現重新定義了「生命」二字。每天你都給我驚喜，帶給我們歡樂。六歲的你善解人意、愛錫妹妹，有了你是我們的幸運！只希望你會健健康康，繼續做個快樂小女孩！我們最愛的大女兒，影曦 - 6歲生日快樂！

靖翹四歲生日會

今年生日會簡簡單單,我唔想攪咁多野~喺附近嘅公園攪就算~

我地叫咗朋友仔自己帶PICNIC嘅野食同野飲, 我就準備蛋糕啫!

借咗個PRARCHUTE,一啲畀小朋友用嘅麻包袋,木𡙡同假蛋同HOPPERS,畀小朋友比賽

個個都玩得好開心:)而且真係平靚正LOL

PICNIC!

PARACHUTE TIME x

SACK RACE

整咗個PINATA畀小朋友打爛~

靖翹話要粉紅色城堡+藍色嘅門同窗喎

個個小朋友都輪住打~打得好鬼興奮呢~

糖四散嘅一刻,佢地好瘋狂咁執糖呢!

好多禮物呀:)

呢位小姐好幸福呀!好多人錫佢呢!

舒韻一歲生日:)

今日係舒韻妹妹一歲生日呀:)

謝謝你帶畀我地呢一年嘅歡樂~

WE LOVE YOU SO MUCH!!!

HAVE A FAB BIRTHDAY!

我整咗呢個waybuloo蛋糕畀佢呀

遲d同大家分享點整~

靖翹勁充實嘅三歲生日會@陶畫籽Art Pod

2010年8月9日

首先...多謝咁多位嚟靖翹嘅三歲生日會

靖翹嘅三歲生日會，我地喺陶畫籽攪~係Art Party嚟㗎！

我地今日嘅節目有畫面、揸指甲、畫acrylic 畫、同鸚鵡姐姐影相、切蛋糕、畫Tee shirt、打pinata...好忙嘅生日會呀！！！

完全無悶場~所有feedback都好好，大家都好鐘意今日嘅節目

有D家長仲話係佢地去過最開心、最多野玩嘅生日會呢~!

我都係第一次喺離屋企咁遠嘅地方攪生日會

以前一係喺屋企攪，一係喺會所

所以今次生日會吧準備功夫好多野都要假手於人

多謝我媽咪、C浩同我個妹同我老公~
我媽咪都忙咗好幾日，又幫我整蛋糕、set場、買料、教畫畫同畫衫~
c浩畀咗個咁正嘅場我攪生日會，又幫我班咗張公主櫈同微波爐返嚟~
欣欣又周圍幫我shopping,買party bags同整手工嘅野（可惜最後係無時間整-.-SORRY!）,又幫手佈置set場~
我老公都忙咗成朝煮野畀大家食！
以前生日會前忙得好緊要
今次已經算無咁忙，但好似整野食咁因為唔喺屋企整，攪到我無乜安全感-好多野都唔in control>.<，整唔到D wow wow聲嘅野食畀大家><請唔好見怪！

一早起身，靖翹拆咗份佢前幾日喺迪士尼自己揀嘅生日禮物﹣城堡先！

未換睡衣就玩玩玩！

好多野攞~決定打的去art pod（識我嘅人都知，我唔鐘意打的！你話幾難得我會打一打呢！）

我一話影相，大家一齊扮瞓覺

一到陶畫籽，攬攬生日會攪手﹣婆婆先~

（欣欣ee忙終佈置~唔該晒！）

影曦勁愛太婆（佢自己講㗎！）

一定要攬攬

陸續開始有小朋友到啦~

各位都叔上個彈床~等開始

女仔排隊揸指甲（唔該晒欣欣！）

同埋畫面（呢樣梗係等我嚟啦！）

幫恩祈畫面~佢真係坐得好定呢！

佢第二次畫咋！

上次佢都有少少怕，初初只係𣀳畀我畫手，之後佢見到靚，先畀我畫佢塊面咋~

我喺迪士尼見到呢幾款"公主face painting"

要成＄８０一次@.@

今日可以同D小朋友畫畫畫~如果咁計~我會賺唔少！呵呵！

影曦同Stephaine成日都要一樣嘅野，連face painting都係！

孖女兩個都要藍白色嘅face painting

小朋友嚟個大合照~（不過都係未齊人㗎...）

開始畫畫啦~

你睇佢畫到@.@

鸚鵡姐姐到場助慶

切蛋糕啦~

跟住一人畫一件T-shirt~

女仔個個都係畫皇冠~

畫完T-shirt

重頭戲，Pinata出場！

喺呢個時候我派party bags...

靖翹喺daddy嘅幫助之下，打爛咗Belle

糖四散...

個個小朋友都忙住執糖！

大家玩完...可以攞埋畫好嘅畫同T-shirt走~

好充實嘅一個生日Party呀！

返到屋企，靖翹仲好回味...佢最記得嘅係畫T-shirt、切城堡蛋糕同打個Belle Pinata!!!

靖翹三歲啦...佢終於成為一個Big Girl啦！！！

好攰好攰...返到屋企，我一餵完舒韻就瞓咗啦~

更多相喺呢到...

http://www.facebook.com/album.php?aid=240300&id=654084318&l=0836ab56ff