鬢雙心加馬尾

呢日亞女話想要double plaited hearts 拉後做馬尾！

先喺前頂分界分咗個心出嚟，用橡筋紥好

喺右邊剩嘅頭髮分兩份

由前中位置鬢起德式鬢辮

再鬢埋對上喺條

左右兩邊都係咁鬢晒後就拆咗中間條馬尾，將所有頭髮打後紥成馬尾:)

嬰兒浸浴防滑墊

呢個防滑墊好啱啱啱識坐嘅bb用㗎~

我自己未用過，但見朋友用過，話幾好㗎~網上用家評語都唔錯

大嘅小朋友可以坐一邊，bb就坐喺個位到！

呢種墊仲有出雙坐位㗎~啱晒孖b坐！

初生嬰兒浸浴架

呢個bath　supporter，喺靖翹出世時我99買畀我地嘅~

真係好正~呢個膠加下有多個吸盤，可以吸實個浴缸

bb可以就咁坐喺上面（唔會跌㗎！），水可以加到bb肚臍左右，咁媽咪就可以同bb輕輕鬆鬆咁一齊浸浴！

靖翹細個時我成日都同佢一齊沖㗎~都係用佢咋！到佢大少少就影曦同佢一齊喺浴缸沖~靖翹細個最鐘意就係坐喺呢個bath supporter到踢水！！！（用到bb識坐就唔啱用㗎啦）

諗返起都覺得正~

我誠意推介！

孖車夾~兩架BB車變成一架孖車！

呢個夾可以將兩架bb車變做孖車

一套有三個夾嚟夾穩兩架bb車

我曾經搵過用家後感睇下啲人覺得好唔好用

...結果係好變參半

有啲人覺得好正，自己一個人推晒兩個，又唔洗專登買孖車

就算兩架bb車唔同牌，差唔多高度就用到

又隨時可以變返兩架車喎

覺得唔好用嘅人就話兩架bb車加埋仲濶過一般孖車，又難推好多（啲６唔同方向）

而且fit士的車係最好，大少少嘅車都唔係好啱位

更加有試過甩夾

好唔好用，真係見仁見智啦！

德式鬢辮

如果你識法式鬢辮

呢種德式鬢辮對你嚟講一定無難度！

紥法同法式嘅一樣，都係一路紥，一路加頭髮

只係鬢時係反去後面咁鬢~其他嘅都係一樣

如果唔明嘅，可以睇下以下示範！

又中又英

而家打開東方太陽蘋果，口語周圍都係！標題又中又英，愈睇會愈令我打冷震

老公好多時聽到喺街上嘅人講野時無啦啦就會彈個英文字出嚟，跟住佢就會估到佢地講咩。我又同英國嘅朋友傾開呢樣野，話香港人講野真係中英夾雜㗎。佢地覺得好有趣（可能係基於禮貌上，佢地先講有趣！），英國人講野都唔會無啦啦彈個法文生字，又或者西班牙字出嚟。呢個文化，真係亞洲人（包捨日本、台灣、中國...）獨有。

畀佢地咁講一講，我每次聽到人又中又英咁講野會特別留意。而家...直情覺得半中半英好討厭。

「我個"fan"去咗嗰到買咁件唔啱"晒屎"嘅衫呀」

friend同size嘅發音錯晒...錯又點解要講，自暴其短呢？

點解唔可以成句用晒中文呢？

真係好奇怪

香港中文的前路

唔知大家點睇香港嘅中文呢？

我曾經我喺一討論區上見到有人話過，覺得用口語寫野嘅人無文化

事實係咪咁呢？

我對港式中文嘅發展有以下見解...

中文唔係表音文字，所以造新字能力有限，唔可以好似英文咁每年有咁多新字加入字典，我地大多數都係從字典抽返啲舊字出嚟用，只可以用舊有嘅字拼出新嘅詞語

好似幾年前大家都會用"好潮"嚟形容新潮嘅人咁...而家仲家埋英文- chok 樣！真係要佩服香港人嘅創意！

一種文字需要不斷變化先可以生存，無變嘅就會好似拉丁文咁死去...以後再無人講！

大家應該慶幸我地用嘅文字仍然喺到演變中

而家一打開東方太陽蘋果，篇篇都係用口語化嘅白話文去寫；而家n咁多個blog，有一半以上都係用口語嚟打嘅！咁唔通真係咁多人無文化？

唔係...我覺得呢個係一個大趨勢...白話文同口語會遲早會打一杖

唔知大家知唔知當年（１９１９年）時嘅新文化運動提倡白話文嘅運用呢？當年仲係流行文言文，而陳獨秀、胡適、魯迅等人都主將以白話文成主流文體。當年佢地得到好多反對聲音，但最後都推行到。我覺得類似嘅時件會喺不久嘅末來發生，但係唔會好似當年咁激動。今次會係全民慢慢自動波咁轉...

唔知大家又會點睇呢？xxx