免燙~襪子曲髮！５分鐘攪掂！

呢個曲髮方法叫﹣ 襪子曲髮
真係不能不強力向大家推介！！！
我係上網睇到~喺影曦個頭試咗~超work!
我屋企本身有捲髮器，不過影曦髮質好幼，效果唔係好顯著
而且個捲比較細圈，無咁好睇
同埋始終係小朋友頭髮，電髮真係會傷頭髮嘛~
（當然~大人嘅頭都得㗎啦！）

而呢個襪子曲髮真係超正！
影曦咁嘅髮質都可以hold到成日曲髮
仲要曲得好自然~又係勁靚嘅大捲！！！
今日整咗呢個頭後，喺學校門口都有好多人問我點整！！！
好啦...廢話少講...
快啲睇下點整啦！！！

用具...

梳
兩對長襪（當然要係乾淨㗎啦！）
gel
噴水壼



頭髮可以係沖完涼吹乾嘅，或者全乾
喺髮尾揸少少gel（有助曲髮嘅gel更好）
用噴水壼噴少少水落頭髮到

個頭將會係上、下、左、右咁set
先攞起頭頂嗰堆
梳順佢　（sorry,張相影得唔係咁好...）




攞起一隻長襪，由髮尾捲起至髮根
然後好似平時咁打結


打咗４個結嘅頭就係咁㗎啦
真係５分鐘都唔洗！

襪好軟，瞓落去都好舒服呢~



瞓醒後拆咗佢就用手指少少、少少咁捲啲頭髮~咁就攪掂啦！

鬢辮頭箍

今日又同影曦整咗曲髮
好自然嘅曲髮已經好靚，唔洗點加野
所以我就咁由左耳上方鬢起，鬢咗條「頭箍」畀佢：）

浪漫心型鬢辮加大玫瑰

呢個髮型我請咗我有一把秀髮嘅妹妹嚟做model

先係喺側旁分界分咗個心型出嚟先~

喺心型嘅中間頂部用德式鬢辮，左右都係咁鬢

鬢完後拆咗心型中間條馬尾，拉埋一齊將三條辮紥成一條馬尾

條馬尾鬢咗佢後就向上捲起成玫瑰型，用兩個普通髮夾固定，再加上朵大花就攪掂:)

如果你地唔明嘅話請留言...

有人想知嘅話我搵日得閒拍片:)

特大德式鬢辮加髮髻

德式鬢辮-由左邊耳仔上方起手鬢起

一路圍住鬢...

鬢到左後方就紥起佢，紥做髻一個~攪掂！

馬尾開花！

呢個髮型跖係好諗到咩名...所以求其叫咗「馬尾開花」LOL

紥呢個頭最好就落咗gel同個頭濕濕地咁紥

我嗰日試咗好多個頭，所以無咩點攪LOL

先係紥條馬尾

馬尾分成五份，攞起一份由尾捲起，之後用髮夾x型咁固定喺個頭到~

其餘四份都係咁做就攪掂啦！

係咪超簡單呢！

半法式鬢辮

呢種鬢辮好似法式鬢辮咁嘅

但每次只係加少少頭髮，而且加嘅頭髮喺喺底到攞出嚟㗎！

先喺頭頂攞少少頭髮出嚟紥普通鬢辮

跟住一路喺髮線式最底部嘅頭髮攞一小撮頭髮出嚟加，好似法式鬢辮咁鬢就得㗎啦！

都幾特別㗎！

法式扭紋孖辮

影曦話要扭紋孖辮...

好快手就紥好！

紥完後可以用髮夾夾埋啲頭髮上去，成個清爽晒！

英式鬢辮

呢個英式鬢辮係我唔覺意喺網上搵到

但係佢就跖係紥喺陰到囉~

我試咗紥喺陰到，覺得都幾靚㗎

不過未有時間錄教學~

遲啲得閒啲後補！

德式鬢辮頭箍

問影曦同佢紥個頭箍好唔好...

好快手就攪掂

你而家應該知道，我係幾愛德式鬢辮LOL

喺左邊耳你對上攞起少少頭髮開始鬢

最好叫小朋友瞓喺你大脾，一路紥時先叫佢慢慢坐起會好紥啲~

鬢雙心加馬尾

呢日亞女話想要double plaited hearts 拉後做馬尾！

先喺前頂分界分咗個心出嚟，用橡筋紥好

喺右邊剩嘅頭髮分兩份

由前中位置鬢起德式鬢辮

再鬢埋對上喺條

左右兩邊都係咁鬢晒後就拆咗中間條馬尾，將所有頭髮打後紥成馬尾:)

德式鬢辮

如果你識法式鬢辮

呢種德式鬢辮對你嚟講一定無難度！

紥法同法式嘅一樣，都係一路紥，一路加頭髮

只係鬢時係反去後面咁鬢~其他嘅都係一樣

如果唔明嘅，可以睇下以下示範！

心心相印髮型~女孩子又一至愛!

呢個心心相印我係喺我朋友KERO嘅FB到見到

佢啲手勢好好:)我都要學下!

呢個髮型要用較長時間,真係得得閒先紥呀!

見係星期六,我先同佢紥呢個頭~

先喺頭頂分中間界,定咗心型嘅中間位後,分一條約45度角嘅界,(分咗界唔用嘅頭髮最好紥一紥,以免阻住自己!), 紥起德式鬢辮,一路都加頭頂嘅頭髮

織到耳仔上方加晒頭頂嘅頭髮後就咁織埋條鬢辮佢

兩邊都係咁做就會變咗咁...

分心型嘅界,將心內嘅頭髮紥成馬尾

再用TOPSY TAIL向上反咗佢

加條絲帶後就好似之前個心心髮型咁織成心~

將D辮紥埋一齊就攪掂啦:)

 

五角星髮型

今次呢個五角星紥法相當容易

先係喺頭到分咗五分先

用橡筋紥好

先用頭頂嗰束頭髮紥起扭紋辮(鬢辮都得,你鐘意啦~)

拉落去右下角,用橡筋固定

髮尾就會加埋去本身嗰束頭髮到, 又再扭,又再用橡筋固定

一路係咁紥...

紥到最尾用髮夾固定頭髮位置就攪掂:)

小朋友一定好鐘意!

德式鬢孖辮盤髮

今次呢個頭其實好簡單~紥出嚟都幾有浪漫FEEL㗎!

如果小朋友做花女,紥呢個頭,再喺後面鬢辮上加一串頭髮,好好睇㗎!

做法係喺兩邊織兩條德式鬢辮, 將髮尾sib入去鬢辮下加髮夾定位,咁就攪掂:)

浪漫圈圈髮型 (有片)

這是我首個自創的髮型：）
非常易紥，而且漂亮動人！
這個教學包括兩種髮型效果
紥的技巧一樣，但效果不同~

 

 

頭髮紥的蝴蝶結(有片)

用頭髮紥的蝴蝶結，非常可愛！
簡單易做，這髮型經常得到不少讚美聲呢！

 

法式與德式鬢辮之分別與紥法(有片)

呢個係基本功,必睇!!!

雙鬢辮髮髻(附有德式鬢辮示範) (有片)

漂亮，看來複雜的髮髻，其實非常簡單易盤！
這個由一條德式鬢辮及一條普通鬢辮盤成的髮髻，適當任何場合！

法式扭紋辮 (有片)

非常簡單漂亮的髮型
一邊加頭髮, 一邊扭就完成-法式扭紋辮!

女孩子最愛~心心髮型-三分鐘攪掂! (有片)

呢款心心髮型非常簡單, 又靚喎~最緊要都係快手攪掂:)

女仔一定好鐘意!