復活節填色比賽﹣冠軍

老公自己去咗旅行

老公上兩個月同我講話想復活節自己去旅行

我無反對

佢上個月book咗機飛，今朝飛咗

今晚屋企好靜

而家我好自己一個人呀

知道佢唔喺屋企，但我個手提又唔會因為佢打嚟而響起

知道上床時，床上只會得我自己一個人

雖然好多時佢都會出夜街，我都係咁湊女㗎啦

但知道自己身邊少咗個人依靠時真係好難受

近排我同老公之間發生咗d事

相信有我fb嘅人前排都會見到我有打D好無厘頭嘅status

有好多野想講，但又唔講得

總之有d事，大家心裡面明就算，我都唔想講到咁明

我可以講嘅係...黑暗嘅時代仍未終結

審判日愈嚟愈近

心情？不談也罷。

我唔能夠以平常心面對

不竟呢個係我同三個女嘅將來

當將來唔再掌握喺自己手上時

人就會失去方向

我給世人嘅告戒：

常要觀人於微；常存警戒之心

此乃生存之道！

落會所攞獎

會所嘅填色比賽

影曦攞咗冠軍~

不過無咩頒獎禮

只係喺櫃台到攞咗份獎品就算

裡面有包餅，有支鉛筆同間尺

攞完獎後我地去咗會所嘅playgroup玩

我地見到孖女

影曦一見到佢地就話要開咗包餅嚟分

佢話因為佢地無獎攞，所以分畀大家一齊食喎

影曦咁懂得分享，我真係好安慰呢！

今日涼咗好多呀

後面好鬼大風

好彩影曦問我可唔可以著水鞋咋

畀佢咁提一提，即刻著埋雨衣啦！

如果唔係我踢拖出街，一定凍c我！

婆婆８５歲生日飯

好難好難得

媽咪佢地四姊弟妹都喺晒hk，同婆婆食呢餐飯~

就係因為咁難得，所以平時唔會帶兩D女出夜街嘅我地都破例出一晚咁多啦！

舅舅同大e一家都喺加拿大住嘅

平時好少見

今次佢地一齊返嚟

婆婆開心c囉~

出門口前，靖翹喺屋企知下熱身先

今日我又係一帶二去大埔呀

你睇佢兩個瞓到hehehehe!

前排：媽咪，婆婆，舅舅

後排：細e，大e

食完呢餐飯

都唔知下次幾時先可以再見囉...

最勁嘅係影曦，居然仲記得舅舅個女，我表妹Sandy喎！

佢只係幾個月前見過佢幾個鐘咋！

佢真係好記性！

屋企樓下BBQ

Mandy嘅老公Justin生日

請咗我地去燒野食

大家見到我整嘅蛋糕都好開心呀~

可惜嘅係...佢地放咗個蛋糕喺枱面

點知突然有陣大風~把太陽傘吹起咗，攪到張枱d野都跌晒落地呀＞。＜

個蛋糕都up side down呀...爛晒...

唔緊要啦

好彩我有影到相啫~

大家玩得開心咪算囉~

Mandy大派禮物^.^

個個都要排隊攞

Rugby Cake欖球蛋糕

Mandy嘅老公生日

佢請我整個蛋糕畀佢

佢老公鐘意欖球，所以就整咗個欖球蛋糕畀佢

佢老公都係英國人嚟㗎

送個蛋糕去佢party時都有好多外國人喺到

佢地都話個蛋糕好靚（我自己覺得一般啦！）

可能係因為喺hk少人整呢類蛋糕掛~

好啦

又講下點整先

我先焗咗個兩磅嘅蛋糕

然後批到欖球形

加whipping cream

鋪層Whipping cream上去

碌塊大嘅fondant

鋪上去

加條紅邊

畫返朵英格蘭嘅玫瑰先

加埋個名

仲有綠色cream當草地

攪掂

跖好睇少個蛋糕呀...

我足足整咗６個鐘㗎>.<

兒童節陶畫派對＠陶畫籽

今日我一湊三帶咗佢地去陶畫籽開P

欣欣ee都有嚟帶我手睇住佢兩個

我就幫下媽咪手做二打６

先係搵砌圖

整落張咭到再畫咭

跟住就係畫蛋

隻蛋仲識行㗎！

我地有整曲奇㗎

但係因為我忙得濟，無影到相@.@

之後大家坐低大食會~

食完就大家坐定定畫畫啦

個個都好專心聽思浩叔叔講解

先用鉛筆起稿

不過影曦無起過，一起手就畫！

靖翹懶專心＠＠

畫啦畫啦

佢地用嘅係acrylic

洗唔甩㗎！

如果high到落衫到要即刻洗呀！！！

都幾靚呀

靖翹掛住溝色

都算係咁囉！

焗好嘅曲奇影曦話係barbie嚟㗎喎！

趕住走

但d畫又未乾...

我做咗雙筒王！

渣住兩個風筒吹乾d畫先

舒韻...好似唔存在咁...

一味得個瞓

好乖呀！

回家路上巧遇peter rabbit~