又做下手工先

post咗個製成品出嚟先~

呢個係Willow's Room嘅門牌，掛喺佢間房門口

影曦又返咗學，同靖翹喺屋止整下手作仔
第一次正正式式揸較剪
佢都剪到自己唔少次呢
好彩把較剪都唔係好利（如果唔係我都唔會畀佢啦）
練下啦亞女！慢慢你就會識㗎啦！

學畫圓

先剪咗四份一個圓出嚟先

待用

四份三個圓對摺

畫對奕，cut埋出嚟

嗰四份一個圓對摺，cut對手出嚟

用第二張紙，cut個心出嚟

之後剪個圓嚟做頭，加埋頭髮

黐埋一齊再加少少裝飾就得啦

影曦放學後見到靖翹有個，又話要做返個

佢話要寫"影曦"，唔要Francesca喎
我用鉛筆寫咗後佢自己再用水筆寫，都算寫得ok啦~

佢話呢個唔要掛喺房門

佢要貼喺玩具房嘅牆到貼堂（佢喺學校d手工都係貼晒喺嗰到㗎！）

和靖翹獨處^.^

隨住我個肚愈嚟愈大，可以同靖翹獨處嘅時間愈嚟愈少啦

我真係要好好珍惜！

佢真係好sweet，得我同佢嘅時候，佢會變得好cuddly好嗲~仲好聽話

希望妹妹出世嘅時候，佢都會係咁對妹妹啦！

佢兩姊妹成日都會走埋嚟錫我個肚

影曦仲會用耳靠喺我個肚到聽Echo

Echo都會成日踼影曦同影曦玩!

我陀靖翹時，影曦仲細，都唔會咁同肚裡面嘅靖翹玩

而家影曦就成日都走埋嚟話要同Echo玩^.^

靖翹就唔係好識啦

不過靖翹一向都好呵護BB，對佢地好溫柔

相信佢都會好照顧妹妹Echo嘅~

湊咗影曦返學後，同靖翹返咗屋企
佢突然話要painting喎~

畫得好開心^.^
係佢自己拎個頭過嚟畀我影㗎
真係有鏡頭觸覺！

之後佢好主動咁話要"help mummy cooking"
自己喺廁所擔咗張櫈入廚房幫我洗野，切野同醃野~好叻女呀！

去macy 屋企整壽司

屋企停電...鼠咗去macy屋企
macy整壽c畀班馬騮食^.^
好好味喲~

個個都想幫手

係咁放粟米~

食完又dress up...又跳舞~

靖翹係到睇"bible"

睇到勁激動~
見到 barbie嘅musketeer,係咁叫"MUSKETEER"!

Piers學校開放日

Piers學校開放日

我應承咗幫佢d學生畫面做話劇-Goldilocks and the three bears

影曦同靖翹都好鐘意睇呢！

影曦試打壁球~

靖翹都有試，不過我無影

視藝室整板畫

馬賽克

睇表演

拉丁舞@.@

靖翹企喺張櫈到跟住一齊跳！

畫水墨畫

靖翹話要攞畀daddy睇

一張櫈都玩咁耐...

無計啦，屋企無張櫈係轉得㗎嘛！

影曦自編自導自演goldilocks and the three bears
佢做goldilocks

我做mummy bear,piers做daddy bear,靖翹做baby bear

baby bear發現goldilocks瞓咗喺佢張床
baby bear準備上床攻擊...嚇走goldilocks

攻擊成功~

廸士尼聖誕

本來都無諗位今日去廸士尼㗎

不過今朝joey打嚟問我去唔去

畀佢講一講...咪諗住一齊去囉~

一去到見到棵大嘅聖誕樹~

準備出動

去咗小小世界先

裡面有好多聖誕佈置~

好有聖誕氣氛呢！

最開心嗰個係靖翹
呢期佢好鐘意影相呢！
影曦唔肯影@.@

影曦最愛﹣ginger bread man!

而家次次睇golden mickeys,我兩個女都要坐第一行~佢兩個勁鐘意坐到咁近

因為好多卡通人物臨上台／落台時都會同佢地打招呼！

而且佢地仲會走落台同佢地握手，佢地勁鐘意呢！

今日我又同咗泰山握手啦（係第二次啦）

佢好鬼大隻~好正呀hehe

鬆馳熊蛋糕

第一次幫唔識嘅客人做蛋糕
好彩佢都畀好多嘅自由度我去創作
原本我諗住整成隻熊坐喺到㗎
但係因為蛋糕唔夠硬，裡面又要加支架先可以支撐，所以放棄咗呢個idea
希望呢隻瞓喺到嘅鬆馳熊，客人都會鐘意啦！！！

焗咗兩個蛋糕
分別係５吋同７吋

又攞把刀批到個頭隋圓，cut埋個鼻出嚟

用icing sugar當膠水咁黐上去

用５吋嗰個蛋糕，批埋個身出嚟

溝咗啡色fondant後鋪埋上隻熊到

再加個鼻~又係用icing sugar+水黐住

用fondant 整埋耳仔同手腳

畫眼鼻
再整埋兩個蛋糕仔（係訂嘅朋友話想有個地方插蠟蠋，因為佢話唔舒得插喺隻熊到喎！同埋佢想問我整蛋糕牌...朱古力呢d野，我真係唔想掂...所以就寫咗佢地嘅名上去！）
攪掂！

入埋盒㗎
我專登去買個大大大蛋糕盒㗎啦！
希望客人會鐘意啦！！！
話晒我都辛苦咗咁耐...hehe

斧山道泳池游水+鐵板燒

一家人坐咗成粒鐘巴士去鑽石山

諗住食完lunch就去斧山道泳池游水

先去咗食鐵板燒
上次去食，兩個女都瞓咗，今次就大家一齊排排坐^.^

我兩個女平時除咗菜飯，都唔會食菜
今日食咗好多！！！
梗係啦...佢落咗咁多鹽...

佢兩個今日真係食咗好多野呢

影曦反晒常態...佢平時係食少少就飽啦嘛
今日係佢食極都唔完
要我地話走佢先肯停！

可能因為佢地鐘意睇住個chef炒野畀佢地食掛~開胃咗

之後我地行咗去泳池

d水仲暖過周圍

真係落咗水就唔想上水@.@

其實都幾多人㗎

不過大數d人都迫晒喺練習池

鬼咩...星期六個個都要上游水堂（真慘！）

個playground同pirate ship無人玩呢！我兩個女玩晒！！！hehe

靖翹玩到唔想走！