影曦在港鐵社區畫廊的作品

前排參加咗青松寶候嘅親子填色比賽

影曦攞咗優異獎

而家喺東涌地鐵站有得睇呀~

影曦在港鐵社區畫廊的作品

之前參架嘅比賽，影曦都係用蠟筆嘅

呢次第一次用木顏色

真係油c人！

下次都係用返蠟筆，d顏色會鮮d搶d！

木顏色真係弱咗d！

呢幅畫個人，隻狗，d花同心心嘅眼鼻口都係影曦畫嘅

影曦仲幫嗰幾個女仔加咗唇膏同眼影！

真係有童真:)

去觀塘領獎

上星期收到個msg話：

多謝閣下參加由星島新聞集團EDUkids及香港有品運動舉辦之『表揚爸爸大行動』與爸爸最窩心照片比賽(網上熱選組)，現特函通知，閣下的參賽作品是EDUkids Facebook專頁內獲得最多「讚好」的10位參賽者之一

估唔到我submit咗張相，post咗一次出嚟就攞到！真好彩！

個頒獎禮喺觀塘

要點半到

所以今日我早咗接影曦放學

推咗孖車出去觀塘

我叫咗欣欣去幫我托車

好彩咋

如果唔係我又要咩住舒韻托車落樓梯㗎啦@@

唔該晒欣欣！！！

我唔想上台㗎...
靖翹又話要上
結果我畀影曦拉咗我上去@@

呢張就係我post上網嗰張啦！

領獎+朋友們來訪~

上兩個星期我接到學校電話，話影曦攞咗填色比賽季軍

（個比賽個名勁潮...叫"積金資訊齊「升呢」親子填色比賽"）

今日頒獎~

大懞嘅我...以為喺富東頒獎

臨出門口前一個鐘再睇張通告先知原來喺逸東@.@

好彩睇到咋

如果唔係就去唔到囉

天工不造美@.@落住毛毛雨中頒獎

今日珮茵，郭曉，亞ann同樂雯都有嚟同我三個女玩

呢幾日屋企好熱鬧呢~

多謝你地嚟睇我地^.^

多謝你地買嚟嘅禮物~

下次上嚟唔好買野啦

你地上嚟我己經好開心㗎啦！！！

影曦學校聖旦聯歡會+表演+領獎

呢日係學校嘅校聖旦聯歡會+表演+領獎

之前同影曦參加嘅環保聖旦襪比賽，我地得到冠軍呢！

不過領獎時影曦喺出面排緊隊準備上台

所以我同靖翹上台攞領獎

影曦上唔到台，有少少可惜呀！

話晒佢都用咗咁多時間整...

獎座同禮物

之後就係佢嘅表演

好可惜，近鏡嘅無幅影得好-.-

完咗兩個就話要同至愛嘅鐘老c影相！

今日因為daddy要返工嚟唔到，所以我地請咗婆婆嚟呀~

完咗後有聖旦老公派禮物~

領獎

影曦攞咗填色比賽亞軍

影曦與佢嘅作品合照

daddy咩住影曦去會場領獎

就快上台啦！

排隊上台中...

影曦攞咗亞軍

好大隻杯呀！

真係估唔到...
仲好重添
影曦攞住隻杯好興奮呢！！！

當然係佢油...d陰影係我加㗎啦

冠亞季嘅作品

之後我地去咗playgroup
靖翹爬野愈嚟愈勁...
真係馬騮再世！

影曦喺公園叫我唔好望佢
仲成日瞓喺地下

點解?

因為有個男仔勁同佢玩
影曦瞓低時個男仔會走埋去同佢傾計
唔怪得之叫我唔好望佢啦
畀我偷影到
佢仲同個男仔拖手添呀！
走時問佢個男仔叫咩名
佢話唔知囉！
鬼馬啦你！