Piers負責籌辦學校嘅English Fun Day
我喺家長嗰邊都係負責呢一日嘅
Piers 叫我以Winter wonderland為題，諗嗰日可以玩嘅野
因為臨近聖誕，所以都會做啲同聖誕有關嘅野
Cafe 嗰邊
我諗住整cupcakes同gingerbread 畀小朋友食
Art &craft 嗰邊其中一樣，就諗住咁整...
我見到網上有人用紙皮嚟整聖誕樹，於是我就諗住試一試
整玩可以畀小朋友貼手掌嚟裝飾
喺english fun day 前兩星期嘅某日
我見到有間搬屋公司喺學校門口pack緊野走
我膽粗粗咁走上前問佢地可唔可以畀啲紙皮我
佢地好好人，畀咗一疊我，又問我洗唔洗幫手搬
我都幾大力㗎，唔洗人幫手都得
我就搬咗啲紙皮返學校
開工！
計咗一輪數後，知道自己想整幾大，就開始畫圖同cut 紙
我中學時數學都幾好，好鍾意計數
呢啲數，難唔到我嘅！
砌好頂嗰層啦！
整咗兩三日，終於攪掂！
見有剩紙皮，整埋間gingerbread house!
