二十個月的舒韻

實在太耐太耐無update湊舒韻記啦！
太忙啦太忙啦~
呢個幾月發生好多事~先係由英國搬返香港，再喺香港搬多次去而家住緊嘅地方...然後就係開學啦！
咁大嘅轉變，舒韻都適應得好好~無咩點扭計！
（除咗佢病時啦！）
你睇佢幾鬼馬！

真係不能不笑LOL


cheeky Echo好鐘意扮鬼扮馬~戴咗影曦嘅帽同攞住個袋入嚟廚房畀我睇！

我煮緊飯時佢自己著到咁... wahahahaha!
wings + a garland + a top



身手愈嚟愈敏捷...連呢個都爬到！

呢啲橋自己行都得


好鐘意塗鴉！啲色仲要幾靚添！


搬咗嚟去過幾次海灘，由初初怕沙到而家會自己走去踢浪！
傻妹！

 

嚟咗香港之後，我同啲女講多咗中文，舒韻都開始明多咗
佢講野唔係咁叻（成日見到喺fb啲人話佢地小朋友講咗乜講咗乜），相對嚟講佢就比嗰啲小朋友慢
不過佢發音好咗好多，想我幫手都會叫"mama help"，畀完野佢又會講thank you
今日同影曦認緊中文字時好多字佢都跟到家姐嘅讀音喎！真係好可愛:)
我唔會擔心佢講野慢~相信佢一開始講，就會好似佢兩個家姐咁講到收唔到聲lol
好啦~遲啲再講啦！

 

yahoo blog upgrade咗啦!

尋晚喺亞妹點醒我下...終於upgrade咗呢個blog
最好嘅一點係...我可以喺我部ipod到覆留言！以後我可以快少少覆大家嘅留言！
background等之類嘅所碎野我遲啲先執囉！
不過最衰我貪快，無backup舊blog嘅「自定欄位」，之前寫欄位都無晒:(
不過唔緊要啦~遲啲先慢慢執！

之前有blog友話呢個版面唔好用
我都係啱啱先轉，未知咁多住
不過我覺得...每一次facebook轉版都畀人插話舊版好用啲...
我覺得其實改野唔係唔好，係好多人都唔鐘意改變，因為要重新適應啫
改版呢啲時唔到我地呢啲小blogger話事，予其投拆，不如努力適應

講開又講，facebook個app upgrade咗後ok好用，但係可惜嘅係無咗"bookmark"嘅功能:(

名校小一面試

相信有睇開我blog嘅朋友都知我唔係好重小朋友係咪讀名校
但今年因為老公係一c校教，係EMI學校，同埋呢間係離屋企最近嘅小學嘅關係，影曦報咗名去考呢間小學
一入到去...真係覺得自己格格不入
個個小朋友都著到好似去飲咁，有啲老c同我講，有啲女仔嘅裙要成千幾二千蚊一條@.@
有啲男仔仲打晒bow tie!
學校出面泊滿名車，個個都身光頸靚，好誇！

每個父母好想自己嘅小朋友表現出眾...
仲要報埋面試班
奈何，唔係個個小朋友都係咁...
當日...見到有小朋友鬧情緒大喊，有個喊之餘佢媽咪仲打佢媽咪...有啲搶人顏色，有個仲咬人...
嗰日坐喺到睇住影曦油顏色，佢靜靜咁坐係到油。我喺到諗，點解我會畀個女去interview？一個五歲嘅人仔要經歷啲咁面試？我咁做係啱㗎嘛？
...聽天尤命...一切唔需要太過著緊
考唔到咪讀第間~無咩所謂，我只希望佢讀得開心！
xxxxxxxxx

兩個女兒

早陣子有朋友再度懷孕（恭喜恭喜！），佢第一個係女，當我問到呢胎係仔定女時，佢皺一皺眉話...又係女嚟㗎！

我係過來人，我又點會唔知嗰種感受！

記得當我知道靖翹係女時，我都有少少失望，覺得...我又要重覆做住同影曦一樣嘅野咁照顧佢

後來...佢出世後我就有著唔同嘅觀點

佢地兩個雖然有住我同我先生嘅基因，但係性格同行為都好唔同！

影曦好文靜多野諗，靖翹較活潑外向同多野講

學野嘅進程又唔同

睇住佢地嘅相處佢地互相產生化學作用！真係好有趣！

雖然兩個都係女，但係地係兩個唔同嘅人，處事方式都唔同~

無論係生男定女都好，佢地都係兩個唔同嘅人

唔好因為性別而失望~佢地都係自己嘅小朋友，真係仔女都無所謂

而家諗返，真係覺得嗰時失望好傻！

當我再次懷孕時，都已經唔再諗舒韻係咩性別

能夠有小朋友已經係一種幸福

好多人都會問我...你會唔會追返個仔呀？

我唔會因為想追仔而生

想生多個嘅就生，唔會係因小朋友性別而生

曾經見過幾多人想追另一個性別嘅小朋友而生...

生唔到想要嘅性別又失望，又有壓力，亦對將要出世嘅小朋友唔公平

當呢個生命嚟到呢個世界，畀佢知道父母「唔想要佢」，佢會有幾難受？

一個生命唔係賭注，抱住興奮嘅心情嚟迎接新生命，唔係更好咩？

坐校車?

兩個女學校同我屋企有一段距離（要行７個字左右，或行十分鐘+坐兩分鐘小巴）

申請入學時，老師同主任都建議，不如坐校車啦！

對於一個湊三個嘅我嚟講，兩個女搭校車真係方便好多

但係我老公話唔好

初初我都覺得好唔gur，但係諗落佢講嘅野真係好有道理

佢話，我親自接送嘅，可以同佢老師傾多啲計，講多啲有關小朋友當日上課情況呀咁

「你打電話嚟搵老師傾都得㗎」

無錯係得，但係可以接到小朋友放學，見到接佢放學時嘅反應都好重要

小朋友有咩喺學校唔開心，於學時可以即刻表現到，家長就可以即刻問老師發生咩事

小朋友喺學校唔開心，坐校車時可能又會唔開心，到返到屋企家長先發覺小朋友唔開心可能會令個問題嚴重咗

而且小朋友喺校車畀人蝦你又未必知

小朋友仲細，好多野好快佢地就唔記得

有時我問啲女今日喺學校做咗啲咩呀？答案係...唔記得咗！

去接佢放學你又可以知道今日學咗咩（問老師！）

仲有就係可以識小朋友嘅同學仔。有時小朋友返到屋企就會話...今日同咗邊個邊個玩

小朋友坐校車嘅話，你會比較難去知佢講緊邊個

去接佢放學可以叫佢指下畀你睇佢啲好朋友仔:)

又可以識到其他家長喎~

好似今日咁...我送完兩個女返學就同咗幾個同學仔嘅媽咪傾小一選校嘅野

我初嚟報到，又唔熟環境，梗係問下佢地意見好！

有時放咗學我又會同老師係咁傾兩個女上堂嘅情況

因為呢間始終係新學校，佢地咩人都唔識，都想知道佢地識朋友嘅情況嘅

傾傾下老c就會講好多課堂嘅小事畀你聽...

e.g.老c以為影曦唔識聽中文，老c問佢，佢又識答（佢真係唔明嘅話佢又唔怕醜會問㗎喎），問問下...原來影曦已經唔聲唔聲記晒所有同學嘅名!

老師話影曦跟唔到中文筆劃，佢隔離嘅同學主動幫佢:)到個同學唔識寫英文字，佢又會主動教人寫喎~

老c叫靖翹試飲茶時，佢唔肯試，仲要流咗一滴眼淚出嚟！之後終於飲咗啖。跟住叫佢試月餅（佢超唔鐘意食㗎！），佢都肯試咗一少啖，今次無喊...

呢啲咁嘅小事，真係要日日同啲老師接觸先會知。我都會同返老師講佢地嘅背景，令佢地更了解佢地:) 真係多得老公嘅提醒，先可以明白咁多"自行接送"嘅好處！搭校車係方便，但係我以後盡可能都會自己接送呀！（可能到小學先坐校車啦~）

小朋友學PHONICS好APP推介

啱啱前兩日有個朋友問我有關jolly　phonics嘅野，因為佢姪女要考試，如果唔及格成個課程要再讀過！成$6000幾蚊@.@

乜咁貴㗎！！！

佢問我啲讀音...跟住我就介紹咗一個幾好嘅app畀佢

叫做abc PocketPhonics

（呢個app有免費試用版，大家可以試咗先買！而且唔貴，$2.99）

呢個app嘅正在會讀個phonics嘅音畀小朋友聽，又會教佢地寫，有兩種寫法揀

以六個一組教（可以自己揀學邊組先都得，不過建議跟住佢個次序去學

寫完會有遊戲玩，部機會發音，小朋友要揀個啱嘅音去拼成個字出嚟！）

教小朋友英文字係點拆音出嚟串字好有幫助！

呢個app係我喺幾個月前啱啱買部ipod時搵到，畀咗靖翹玩兩個星期左右，佢識晒所有讀音！（連幾個英文字母連埋嗰種都識）

不過因為我老公話唔好畀佢地玩我部ipod，所以佢從此就無掂過...

靖翹都唔記得咗啲囉

呢個app真係幾好㗎，小朋友喺遊戲中學習咁，佢地玩時，真係唔知自己學緊野㗎！

*小朋友都係少打機為妙，不過如果大家好似我咁唔肯定啲讀音嘅...用佢啦！！！分分鐘小朋友會教返你呀！

一湊三返下晝班之時間表

7：00起身食早餐，刷牙洗面換衫，開機洗衫
8：00影曦靖翹做功課，舒韻坐定定畫畫（陪家姐做功課）做完就執書包
之後影曦寫故事，教靖翹flash cards嘅字，再同佢地睇Oxford reading tree 嘅書
攪掂畀佢地玩玩具同睇電視
11：00煮飯，煮晒午餐（中式）同晚餐（西式）晚餐通常係放入焗爐嘅
11：45食飯，食完換校服同紥辮
12：30出門口，行十分鐘去搭兩鍟鐘小巴就到~
1：00返學，之後同舒韻去公園玩陣，就去買餸，每日都會買另一日午餐同晚餐嘅餸，舒韻bb車瞓，跟住行半個鐘返屋企（有時就去圖書館或兒童遊戲室hea到夠鐘湊放學）返咗屋企嘅話就3點半出去湊放學
4：00-4：15湊放學
老公返一返屋企，開一開焗爐整熱啲野
我地慢慢行，去下公園玩，約五點幾返到屋企
一返到屋企就有得食！~開飯！
6點沖涼
7點靖翹瞓覺
8點影曦瞓覺
跟住就做埋少少手尾家務就free
呢個時間表真係幾緊湊！我用咗一個星期都幾攰！尤其係每日行至少兩個鐘！希望我可以fit 啲啦lol

而家夜晚通常都少上網，會同老公一齊睇supernatural(超鐘意！）或者睇下戲

有時又會出下街同朋友食飯

加上而家每星期六都會教手工...

plan都要plan 好幾日-.-

雖然我只係教兩堂，兩個鐘

但係因為要選嗰日會講嘅英文故事（共兩本），加諗埋做咩手工同做下research，跟住要做notes，出去買料做版

真係幾耗時間㗎

我而家仲做緊個版，希望快啲攪掂快啲瞓啦~