我對請工人嘅睇法

有時同朋友傾開，佢地見到我一個湊兩個,無晒私人時間,佢地就會話：畀著我就唔會,畀BB工人湊,自己回復自由身

見到佢地咁諗，我覺得幾悲哀！

話晒小朋友都係自己生既,要有個責任喺度.我見到有個 FD持住自己有個工人, 成日都唔會同個仔玩,成日都出街,當自己個仔係玩偶+附屬品咁.想玩時先同佢玩,唔想時就遞個仔畀工人.佢個仔痴工人多過痴佢...佢仲要講笑咁話"個仔鐘意個工人仲多過我呀！"...可悲...

我自己唔鐘意工人,屋企多個人又唔方便,佢做野做得唔好你咪錢買難受...畀錢嚟激自己又有乜謂呢?

細b出世前對大b嘅心理輔導

靖翹出世前我地同影曦做咗好多心理輔導

同佢洗晒腦，因為怕影曦會妒忌靖翹

我見過有小朋友因為細妹／細佬出世，覺得自己被冷落

喺無人見到時會meet細佬妹！攪到佢地喊同瘀咗一撻撻！

好彩我９９好有經驗，教咗我好多野，令到影曦好錫靖翹！
http://www.amazon.com/s/ref=nb_ss_b?url=node%3D4&field-keywords=new+baby&x=0&y=0
呢個網頁嘅第三，四本書，當年我都有喺圖書館惜過返去畀大女睇

waiting for baby有講媽咪有咗bb，媽咪嘅生理變化
例如媽咪體重上升，有時要見下e生，check血壓，個肚會愈嚟愈大呀咁。

my new baby有講做大哥哥有d咩可以幫到手咁
細b出世前畀大嗰個知道將會發生咩事，咁就會好d，佢地會有心理準備
另外，喺我細女出世前，我９９買咗架我大女好鐘意嘅玩具車畀佢，到細女出世時，就話架車係妹妹畀佢嘅禮物，令大女對妹妹有好嘅印象。同時間，因為佢掛住玩架車，而少咗留意我要花好多時間喺妹妹身上。
因為嗰時我餵人奶，一個睇住兩個。為免大女喺我餵緊奶時爬上我到，每次餵奶前我都準備咗：電視同dvd搖控，佢鐘意嘅書放喺我側邊，佢架車喺電視面前，佢嘅小食，佢鐘意嘅玩具。佢一話要我抱，我就畀第二樣野佢，一路keep her away，我就可以安心餵奶。久而久知佢就知道我餵奶時佢唔可以要我抱，佢會等到我餵完先走過我問我可唔可以抱佢。

仲有就係喺細b出世前後，你嘅生活唔好有太大改變（e.g.唔好突然要大嗰個返學，可能佢地會覺得我地專登送走佢！）亦唔好呢個時候potty train，因為佢會以為因為細b嘅出現，佢先會有咁嘅改變。一時間變得太多會令小朋友難以接受，產生情緒問題。

如果喺細b出世後，大嗰個突然啜手指／懶尿，都千其唔好鬧佢。因為可能佢都係想引你注意啫！只要你畀佢知道，父母仲係好關懷佢，好錫佢，仲會同佢一齊做細b出世以前會做嘅事（如一齊去公園玩），等佢得到full attention,呢d情況就會慢慢改善。

好似我地咁，本來都想當年１９個月大仲瞓緊bb床嘅影曦讓張床出嚟畀細妹嘅。但係基於我地都唔想將佢嘅野突然畀咗細妹，我地就買咗個moses basket畀靖翹瞓。靖翹瞓到６個月時我地先慢慢轉張兒童床畀影曦，靖翹就可以瞓bb床啦。

畫畫＋串珠

而家靖翹揸筆有板有眼啦

畫圓

畫點點~

靖翹瞓咗我就同影曦玩串珠仔

佢都串咗好多先至話唔串

d珠仔咁細粒，佢先得三歲...佢都算係咁啦！

之後我都有畀佢玩珠仔~

當感觀訓練都好呀

幼稚園新生日

影曦喺新生日影咗學生相呀！

第一次見佢著校服個樣，好感動呀！！！

返到屋企佢地又開壇...

影曦都畫得幾靚㗎！

青草地

幾日無出過街

...去咗屋企對出嘅公園跑跑跑！

突然間唔見咗靖翹...原來佢自己己經爬咗上去！

咁佢都爬到...勁！

附近有塊青草地跑下

喺hk真係唔係度度都搵到~

與母同牀 男嬰疑被壓命危 面色發紫 鼻孔流血

與母同牀 男嬰疑被壓命危 面色發紫 鼻孔流血 (明報)4月21日 星期二 05:05 【明報專訊】西環吉席街昨晚發生一宗嬰兒窒息意外。一名與母親同牀睡覺的4月大嬰兒，疑被母親身體壓住窒息，面色發紫，鼻孔流血，母親醒後發現，大驚報警求助，嬰兒由救護員抱送醫院搶救，情况危殆。有兒科醫生提醒家長，初生嬰兒絕對不宜與父母同牀。 昏迷男嬰姓林，約4個月，由36歲姓李母親抱至樓下等待救護車，再給救護員送往瑪麗醫院，他送院時面色發紫，鼻孔流血，經搶救後需轉往深切治療部留醫，情况危殆。警員調查後，初步相信案件無可疑，不排除母親睡覺時壓住嬰兒引致意外，案件暫列作有人昏迷處理。現場為吉席街1至3號吉祥樓1單位，男嬰與家人同住上址。昨晚母子同牀睡覺，及至晚上9時43分，林母從睡夢中轉醒後，赫見愛兒嬰鼻孔流出血絲，昏迷不醒，立即報警求助。 美報告：嬰牀上窒息增3倍美國疾病控制及預防中心報告顯示，在2003年和2004年，每年平均有超過300多個幼嬰，因與父母同睡，被大人壓到窒息致死。報告同時指出，在過去20年間，一歲以下嬰兒在牀上窒息致死，激增3倍。 兒科醫生楊宗謙提醒家長，初生嬰兒最好獨自在嬰兒牀睡覺，避免與父母同睡一牀，原因是部分家長可能在入睡及轉身期間，意外壓着嬰兒而不自知。而嬰兒缺乏自救能力，被重壓一段時間後，可能缺氧及內臟器官受壓損壞，嚴重者足以致命。 兒科醫生：嬰兒宜獨睡至於嬰兒牀的設計要穩妥，圍欄之間空隙不能太闊，以免嬰兒手腳及頭部被卡在欄隙之間受傷。嬰兒使用的棉被，應以輕身及保暖能力高為原則，避免使用較沉重的成人棉被，減低嬰兒入睡後遭棉被掩蓋口鼻而窒息的風險。楊又稱，超過3個月大的嬰兒，開始學會轉身，家長要多留意嬰兒是否有「翻瞓」習慣，以免嬰兒因俯伏入睡而窒息。嬰兒缺氧昏迷，可能令腦細胞缺氧受損，會出現智力及身體機能受損等不同後遺症。 真係唔好同bb／小朋友同床瞓呀... 我兩個女一出世就自己瞓我老公咁大份，如果兩個女同我地同床，兩個女畀佢擲到變c餅都似-.-

貼紙戰

兩個女決定要同我打扮一番...

我被貼紙圍-.-！

影曦話要影畀grandma睇佢畫嘅畫喎！